Tite 2

¹ Σὺ δὲ λάλει ἃ πρέπει τῇ ὑγιαινούσῃ διδασκαλίᾳ. sy de lalei ha prepei tē hygiainoysē didaskalia.

² πρεσβύτας νηφαλίους εἶναι, σεμνούς, σώφρονας, ὑγιαίνοντας τῇ πίστει, τῇ ἀγάπῃ, τῇ ὑπομονῇ. presbytas nēphalioys einai, semnoys, sōphronas, hygiainontas tē pistei, tē agapē, tē hypomonē.

³ πρεσβύτιδας ὡσαύτως ἐν καταστήματι ἱεροπρεπεῖς, μὴ διαβόλους μὴ οἴνῳ πολλῷ δεδουλωμένας, καλοδιδασκάλους, presbytidas hōsaytōs en katastēmati hieroprepeis, mē diaboloys mē oinō pollō dedoylōmenas, kalodidaskaloys,

⁴ ἵνα σωφρονίζωσιν τὰς νέας φιλάνδρους εἶναι, φιλοτέκνους, hina sōphronizōsin tas neas philandroys einai, philoteknoys,

⁵ σώφρονας, ἁγνάς, οἰκουργούς ἀγαθάς, ὑποτασσομένας τοῖς ἰδίοις ἀνδράσιν, ἵνα μὴ ὁ λόγος τοῦ θεοῦ βλασφημῆται. sōphronas, hagnas, oikoyrgoys agathas, hypotassomenas tois idiois andrasin, hina mē ho logos toy theoy blasphēmētai.

⁶ Τοὺς νεωτέρους ὡσαύτως παρακάλει σωφρονεῖν toys neōteroys hōsaytōs parakalei sōphronein

⁷ περὶ πάντα, σεαυτὸν παρεχόμενος τύπον καλῶν ἔργων, ἐν τῇ διδασκαλίᾳ ἀφθορίαν, σεμνότητα, peri panta, seayton parechomenos typon kalōn ergōn, en tē didaskalia aphthorian, semnotēta,

⁸ λόγον ὑγιῆ ἀκατάγνωστον, ἵνα ὁ ἐξ ἐναντίας ἐντραπῇ μηδὲν ἔχων λέγειν περὶ ἡμῶν φαῦλον. logon hygiē akatagnōston, hina ho ex enantias entrapē mēden echōn legein peri hēmōn phaylon.

⁹ Δούλους ἰδίοις δεσπόταις ὑποτάσσεσθαι ἐν πᾶσιν, εὐαρέστους εἶναι, μὴ ἀντιλέγοντας, doyloys idiois despotais hypotassesthai en pasin, eyarestoys einai, mē antilegontas,

¹⁰ μὴ νοσφιζομένους, ἀλλὰ πᾶσαν πίστιν ἐνδεικνυμένους ἀγαθήν, ἵνα τὴν διδασκαλίαν τὴν τοῦ σωτῆρος ἡμῶν θεοῦ κοσμῶσιν ἐν πᾶσιν. mē nosphizomenoys, alla pasan pistin endeiknymenoys agathēn, hina tēn didaskalian tēn toy sōtēros hēmōn theoy kosmōsin en pasin.

¹¹ Ἐπεφάνη γὰρ ἡ χάρις τοῦ θεοῦ σωτήριος πᾶσιν ἀνθρώποις, epephanē gar hē charis toy theoy sōtērios pasin anthrōpois,

¹² παιδεύουσα ἡμᾶς ἵνα ἀρνησάμενοι τὴν ἀσέβειαν καὶ τὰς κοσμικὰς ἐπιθυμίας σωφρόνως καὶ δικαίως καὶ εὐσεβῶς ζήσωμεν ἐν τῷ νῦν αἰῶνι, paideyoysa hēmas hina arnēsamenoi tēn asebeian kai tas kosmikas epithymias sōphronōs kai dikaiōs kai eysebōs zēsōmen en tō nyn aiōni,

¹³ προσδεχόμενοι τὴν μακαρίαν ἐλπίδα καὶ ἐπιφάνειαν τῆς δόξης τοῦ μεγάλου θεοῦ καὶ σωτῆρος ἡμῶν Χριστοῦ Ἰησοῦ, prosdechomenoi tēn makarian elpida kai epiphaneian tēs doxēs toy megaloy theoy kai sōtēros hēmōn christoy iēsoy,

¹⁴ ὃς ἔδωκεν ἑαυτὸν ὑπὲρ ἡμῶν ἵνα λυτρώσηται ἡμᾶς ἀπὸ πάσης ἀνομίας καὶ καθαρίσῃ ἑαυτῷ λαὸν περιούσιον, ζηλωτὴν καλῶν ἔργων. hos edōken heayton hyper hēmōn hina lytrōsētai hēmas apo pasēs anomias kai katharisē heaytō laon perioysion, zēlōtēn kalōn ergōn.

¹⁵ Ταῦτα λάλει καὶ παρακάλει καὶ ἔλεγχε μετὰ πάσης ἐπιταγῆς· μηδείς σου περιφρονείτω. tayta lalei kai parakalei kai elegche meta pasēs epitagēs· mēdeis soy periphroneitō.