1 Σκιὰν γὰρ ἔχων ὁ νόμος τῶν μελλόντων ἀγαθῶν, οὐκ αὐτὴν τὴν εἰκόνα τῶν πραγμάτων, κατ’ ἐνιαυτὸν ταῖς αὐταῖς θυσίαις αἷς προσφέρουσιν εἰς τὸ διηνεκὲς οὐδέποτε δύναται τοὺς προσερχομένους τελειῶσαι· skian gar echōn ho nomos tōn mellontōn agathōn, oyk aytēn tēn eikona tōn pragmatōn, kat’ eniayton tais aytais thysiais ahis prospheroysin eis to diēnekes oydepote dynatai toys proserchomenoys teleiōsai·
2 ἐπεὶ οὐκ ἂν ἐπαύσαντο προσφερόμεναι, διὰ τὸ μηδεμίαν ἔχειν ἔτι συνείδησιν ἁμαρτιῶν τοὺς λατρεύοντας ἅπαξ κεκαθαρισμένους; epei oyk an epaysanto prospheromenai, dia to mēdemian echein eti syneidēsin hamartiōn toys latreyontas hapax kekatharismenoys ;
3 ἀλλ’ ἐν αὐταῖς ἀνάμνησις ἁμαρτιῶν κατ’ ἐνιαυτόν, all’ en aytais anamnēsis hamartiōn kat’ eniayton,
4 ἀδύνατον γὰρ αἷμα ταύρων καὶ τράγων ἀφαιρεῖν ἁμαρτίας. adynaton gar ahima tayrōn kai tragōn aphairein hamartias.
5 διὸ εἰσερχόμενος εἰς τὸν κόσμον λέγει, θυσίαν καὶ προσφορὰν οὐκ ἠθέλησας, σῶμα δὲ κατηρτίσω μοι· dio eiserchomenos eis ton kosmon legei, thysian kai prosphoran oyk ēthelēsas, sōma de katērtisō moi·
6 ὁλοκαυτώματα καὶ περὶ ἁμαρτίας οὐκ ηὐδόκησας· holokaytōmata kai peri hamartias oyk ēydokēsas·
7 τότε εἶπον, ἰδοὺ ἥκω, ἐν κεφαλίδι βιβλίου γέγραπται περὶ ἐμοῦ, τοῦ ποιῆσαι, ὁ θεός, τὸ θέλημά σου. tote eipon, idoy hēkō, en kephalidi biblioy gegraptai peri emoy, toy poiēsai, ho theos, to thelēma soy.
8 ἀνώτερον λέγων ὅτι θυσίας καὶ προσφορὰς καὶ ὁλοκαυτώματα καὶ περὶ ἁμαρτίας οὐκ ἠθέλησας οὐδὲ ηὐδόκησας, αἵτινες κατὰ νόμον προσφέρονται, anōteron legōn hoti thysias kai prosphoras kai holokaytōmata kai peri hamartias oyk ēthelēsas oyde ēydokēsas, ahitines kata nomon prospherontai,
9 τότε εἴρηκεν, ἰδοὺ ἥκω τοῦ ποιῆσαι τὸ θέλημά σου. ἀναιρεῖ τὸ πρῶτον ἵνα τὸ δεύτερον στήσῃ· tote eirēken, idoy hēkō toy poiēsai to thelēma soy. anairei to prōton hina to deyteron stēsē·
10 ἐν ᾧ θελήματι ἡγιασμένοι ἐσμὲν διὰ τῆς προσφορᾶς τοῦ σώματος Ἰησοῦ Χριστοῦ ἐφάπαξ. en hō thelēmati hēgiasmenoi esmen dia tēs prosphoras toy sōmatos iēsoy christoy ephapax.
11 Καὶ πᾶς μὲν ἱερεὺς ἕστηκεν καθ’ ἡμέραν λειτουργῶν καὶ τὰς αὐτὰς πολλάκις προσφέρων θυσίας, αἵτινες οὐδέποτε δύνανται περιελεῖν ἁμαρτίας. kai pas men hiereys hestēken kath’ hēmeran leitoyrgōn kai tas aytas pollakis prospherōn thysias, ahitines oydepote dynantai perielein hamartias.
12 οὗτος δὲ μίαν ὑπὲρ ἁμαρτιῶν προσενέγκας θυσίαν εἰς τὸ διηνεκὲς ἐκάθισεν ἐν δεξιᾷ τοῦ θεοῦ, ohytos de mian hyper hamartiōn prosenegkas thysian eis to diēnekes ekathisen en dexia toy theoy,
13 τὸ λοιπὸν ἐκδεχόμενος ἕως τεθῶσιν οἱ ἐχθροὶ αὐτοῦ ὑποπόδιον τῶν ποδῶν αὐτοῦ· to loipon ekdechomenos heōs tethōsin ohi echthroi aytoy hypopodion tōn podōn aytoy·
14 μιᾷ γὰρ προσφορᾷ τετελείωκεν εἰς τὸ διηνεκὲς τοὺς ἁγιαζομένους. mia gar prosphora teteleiōken eis to diēnekes toys hagiazomenoys.
15 μαρτυρεῖ δὲ ἡμῖν καὶ τὸ πνεῦμα τὸ ἅγιον· μετὰ γὰρ τὸ εἰρηκέναι, martyrei de hēmin kai to pneyma to hagion· meta gar to eirēkenai,
16 αὕτη ἡ διαθήκη ἣν διαθήσομαι πρὸς αὐτοὺς μετὰ τὰς ἡμέρας ἐκείνας, λέγει κύριος, διδοὺς νόμους μου ἐπὶ καρδίας αὐτῶν, καὶ ἐπὶ τὴν διάνοιαν αὐτῶν ἐπιγράψω αὐτούς, ahytē hē diathēkē hēn diathēsomai pros aytoys meta tas hēmeras ekeinas, legei kyrios, didoys nomoys moy epi kardias aytōn, kai epi tēn dianoian aytōn epigrapsō aytoys,
17 καὶ τῶν ἁμαρτιῶν αὐτῶν καὶ τῶν ἀνομιῶν αὐτῶν οὐ μὴ μνησθήσομαι ἔτι. kai tōn hamartiōn aytōn kai tōn anomiōn aytōn oy mē mnēsthēsomai eti.
18 ὅπου δὲ ἄφεσις τούτων, οὐκέτι προσφορὰ περὶ ἁμαρτίας. hopoy de aphesis toytōn, oyketi prosphora peri hamartias.
19 Ἔχοντες οὖν, ἀδελφοί, παρρησίαν εἰς τὴν εἴσοδον τῶν ἁγίων ἐν τῷ αἵματι Ἰησοῦ, echontes oyn, adelphoi, parrēsian eis tēn eisodon tōn hagiōn en tō ahimati iēsoy,
20 ἣν ἐνεκαίνισεν ἡμῖν ὁδὸν πρόσφατον καὶ ζῶσαν διὰ τοῦ καταπετάσματος, τοῦτ’ ἔστιν τῆς σαρκὸς αὐτοῦ, hēn enekainisen hēmin hodon prosphaton kai zōsan dia toy katapetasmatos, toyt’ estin tēs sarkos aytoy,
21 καὶ ἱερέα μέγαν ἐπὶ τὸν οἶκον τοῦ θεοῦ, kai hierea megan epi ton oikon toy theoy,
22 προσερχώμεθα μετὰ ἀληθινῆς καρδίας ἐν πληροφορίᾳ πίστεως, ῥεραντισμένοι τὰς καρδίας ἀπὸ συνειδήσεως πονηρᾶς proserchōmetha meta alēthinēs kardias en plērophoria pisteōs, hrerantismenoi tas kardias apo syneidēseōs ponēras
23 καὶ λελουσμένοι τὸ σῶμα ὕδατι καθαρῷ, κατέχωμεν τὴν ὁμολογίαν τῆς ἐλπίδος ἀκλινῆ, πιστὸς γὰρ ὁ ἐπαγγειλάμενος, kai leloysmenoi to sōma hydati katharō, katechōmen tēn homologian tēs elpidos aklinē, pistos gar ho epaggeilamenos,
24 καὶ κατανοῶμεν ἀλλήλους εἰς παροξυσμὸν ἀγάπης καὶ καλῶν ἔργων, kai katanoōmen allēloys eis paroxysmon agapēs kai kalōn ergōn,
25 μὴ ἐγκαταλείποντες τὴν ἐπισυναγωγὴν ἑαυτῶν, καθὼς ἔθος τισίν, ἀλλὰ παρακαλοῦντες, καὶ τοσούτῳ μᾶλλον ὅσῳ βλέπετε ἐγγίζουσαν τὴν ἡμέραν. mē egkataleipontes tēn episynagōgēn heaytōn, kathōs ethos tisin, alla parakaloyntes, kai tosoytō mallon hosō blepete eggizoysan tēn hēmeran.
26 Ἑκουσίως γὰρ ἁμαρτανόντων ἡμῶν μετὰ τὸ λαβεῖν τὴν ἐπίγνωσιν τῆς ἀληθείας, οὐκέτι περὶ ἁμαρτιῶν ἀπολείπεται θυσία, hekoysiōs gar hamartanontōn hēmōn meta to labein tēn epignōsin tēs alētheias, oyketi peri hamartiōn apoleipetai thysia,
27 φοβερὰ δέ τις ἐκδοχὴ κρίσεως καὶ πυρὸς ζῆλος ἐσθίειν μέλλοντος τοὺς ὑπεναντίους. phobera de tis ekdochē kriseōs kai pyros zēlos esthiein mellontos toys hypenantioys.
28 ἀθετήσας τις νόμον Μωϋσέως χωρὶς οἰκτιρμῶν ἐπὶ δυσὶν ἢ τρισὶν μάρτυσιν ἀποθνῄσκει· athetēsas tis nomon mōyseōs chōris oiktirmōn epi dysin ē trisin martysin apothnēskei·
29 πόσῳ δοκεῖτε χείρονος ἀξιωθήσεται τιμωρίας ὁ τὸν υἱὸν τοῦ θεοῦ καταπατήσας, καὶ τὸ αἷμα τῆς διαθήκης κοινὸν ἡγησάμενος ἐν ᾧ ἡγιάσθη, καὶ τὸ πνεῦμα τῆς χάριτος ἐνυβρίσας; posō dokeite cheironos axiōthēsetai timōrias ho ton yhion toy theoy katapatēsas, kai to ahima tēs diathēkēs koinon hēgēsamenos en hō hēgiasthē, kai to pneyma tēs charitos enybrisas ;
30 οἴδαμεν γὰρ τὸν εἰπόντα, ἐμοὶ ἐκδίκησις, ἐγὼ ἀνταποδώσω· καὶ πάλιν, κρινεῖ κύριος τὸν λαὸν αὐτοῦ. oidamen gar ton eiponta, emoi ekdikēsis, egō antapodōsō· kai palin, krinei kyrios ton laon aytoy.
31 φοβερὸν τὸ ἐμπεσεῖν εἰς χεῖρας θεοῦ ζῶντος. phoberon to empesein eis cheiras theoy zōntos.
32 Ἀναμιμνῄσκεσθε δὲ τὰς πρότερον ἡμέρας, ἐν αἷς φωτισθέντες πολλὴν ἄθλησιν ὑπεμείνατε παθημάτων, anamimnēskesthe de tas proteron hēmeras, en ahis phōtisthentes pollēn athlēsin hypemeinate pathēmatōn,
33 τοῦτο μὲν ὀνειδισμοῖς τε καὶ θλίψεσιν θεατριζόμενοι, τοῦτο δὲ κοινωνοὶ τῶν οὕτως ἀναστρεφομένων γενηθέντες· toyto men oneidismois te kai thlipsesin theatrizomenoi, toyto de koinōnoi tōn ohytōs anastrephomenōn genēthentes·
34 καὶ γὰρ τοῖς δεσμίοις συνεπαθήσατε, καὶ τὴν ἁρπαγὴν τῶν ὑπαρχόντων ὑμῶν μετὰ χαρᾶς προσεδέξασθε, γινώσκοντες ἔχειν ἑαυτοὺς κρείσσονα ὕπαρξιν καὶ μένουσαν. kai gar tois desmiois synepathēsate, kai tēn harpagēn tōn hyparchontōn hymōn meta charas prosedexasthe, ginōskontes echein heaytoys kreissona hyparxin kai menoysan.
35 μὴ ἀποβάλητε οὖν τὴν παρρησίαν ὑμῶν, ἥτις ἔχει μεγάλην μισθαποδοσίαν, mē apobalēte oyn tēn parrēsian hymōn, hētis echei megalēn misthapodosian,
36 ὑπομονῆς γὰρ ἔχετε χρείαν ἵνα τὸ θέλημα τοῦ θεοῦ ποιήσαντες κομίσησθε τὴν ἐπαγγελίαν. hypomonēs gar echete chreian hina to thelēma toy theoy poiēsantes komisēsthe tēn epaggelian.
37 ἔτι γὰρ μικρὸν ὅσον ὅσον, ὁ ἐρχόμενος ἥξει καὶ οὐ χρονίσει· eti gar mikron hoson hoson, ho erchomenos hēxei kai oy chronisei·
38 ὁ δὲ δίκαιός μου ἐκ πίστεως ζήσεται, καὶ ἐὰν ὑποστείληται, οὐκ εὐδοκεῖ ἡ ψυχή μου ἐν αὐτῷ. ho de dikaios moy ek pisteōs zēsetai, kai ean hyposteilētai, oyk eydokei hē psychē moy en aytō.
39 ἡμεῖς δὲ οὐκ ἐσμὲν ὑποστολῆς εἰς ἀπώλειαν, ἀλλὰ πίστεως εἰς περιποίησιν ψυχῆς. hēmeis de oyk esmen hypostolēs eis apōleian, alla pisteōs eis peripoiēsin psychēs.