1 Περὶ δὲ τῆς λογίας τῆς εἰς τοὺς ἁγίους, ὥσπερ διέταξα ταῖς ἐκκλησίαις τῆς Γαλατίας, οὕτως καὶ ὑμεῖς ποιήσατε. peri de tēs logias tēs eis toys hagioys, hōsper dietaxa tais ekklēsiais tēs galatias, ohytōs kai hymeis poiēsate.
2 κατὰ μίαν σαββάτου ἕκαστος ὑμῶν παρ’ ἑαυτῷ τιθέτω θησαυρίζων ὅ τι ἂν εὐοδῶται, ἵνα μὴ ὅταν ἔλθω τότε λογίαι γίνωνται. kata mian sabbatoy hekastos hymōn par’ heaytō tithetō thēsayrizōn ho ti an eyodōtai, hina mē hotan elthō tote logiai ginōntai.
3 ὅταν δὲ παραγένωμαι, οὓς ἐὰν δοκιμάσητε, δι’ ἐπιστολῶν τούτους πέμψω ἀπενεγκεῖν τὴν χάριν ὑμῶν εἰς Ἱερουσαλήμ· hotan de paragenōmai, ohys ean dokimasēte, di’ epistolōn toytoys pempsō apenegkein tēn charin hymōn eis hieroysalēm·
4 ἐὰν δὲ ᾖ ἄξιον τοῦ κἀμὲ πορεύεσθαι, σὺν ἐμοὶ πορεύσονται. ean de ē axion toy kame poreyesthai, syn emoi poreysontai.
5 ἐλεύσομαι δὲ πρὸς ὑμᾶς ὅταν Μακεδονίαν διέλθω· Μακεδονίαν γὰρ διέρχομαι, eleysomai de pros hymas hotan makedonian dielthō· makedonian gar dierchomai,
6 πρὸς ὑμᾶς δὲ τυχὸν παραμενῶ ἢ καὶ παραχειμάσω, ἵνα ὑμεῖς με προπέμψητε οὗ ἐὰν πορεύωμαι. pros hymas de tychon paramenō ē kai paracheimasō, hina hymeis me propempsēte ohy ean poreyōmai.
7 οὐ θέλω γὰρ ὑμᾶς ἄρτι ἐν παρόδῳ ἰδεῖν, ἐλπίζω γὰρ χρόνον τινὰ ἐπιμεῖναι πρὸς ὑμᾶς, ἐὰν ὁ κύριος ἐπιτρέψῃ. oy thelō gar hymas arti en parodō idein, elpizō gar chronon tina epimeinai pros hymas, ean ho kyrios epitrepsē.
8 ἐπιμενῶ δὲ ἐν Ἐφέσῳ ἕως τῆς πεντηκοστῆς· epimenō de en ephesō heōs tēs pentēkostēs·
9 θύρα γάρ μοι ἀνέῳγεν μεγάλη καὶ ἐνεργής, καὶ ἀντικείμενοι πολλοί. thyra gar moi aneōgen megalē kai energēs, kai antikeimenoi polloi.
10 Ἐὰν δὲ ἔλθῃ Τιμόθεος, βλέπετε ἵνα ἀφόβως γένηται πρὸς ὑμᾶς, τὸ γὰρ ἔργον κυρίου ἐργάζεται ὡς κἀγώ· ean de elthē timotheos, blepete hina aphobōs genētai pros hymas, to gar ergon kyrioy ergazetai hōs kagō·
11 μή τις οὖν αὐτὸν ἐξουθενήσῃ. προπέμψατε δὲ αὐτὸν ἐν εἰρήνῃ, ἵνα ἔλθῃ πρός με, ἐκδέχομαι γὰρ αὐτὸν μετὰ τῶν ἀδελφῶν. mē tis oyn ayton exoythenēsē. propempsate de ayton en eirēnē, hina elthē pros me, ekdechomai gar ayton meta tōn adelphōn.
12 Περὶ δὲ Ἀπολλὼ τοῦ ἀδελφοῦ, πολλὰ παρεκάλεσα αὐτὸν ἵνα ἔλθῃ πρὸς ὑμᾶς μετὰ τῶν ἀδελφῶν· καὶ πάντως οὐκ ἦν θέλημα ἵνα νῦν ἔλθῃ, ἐλεύσεται δὲ ὅταν εὐκαιρήσῃ. peri de apollō toy adelphoy, polla parekalesa ayton hina elthē pros hymas meta tōn adelphōn· kai pantōs oyk ēn thelēma hina nyn elthē, eleysetai de hotan eykairēsē.
13 Γρηγορεῖτε, στήκετε ἐν τῇ πίστει, ἀνδρίζεσθε, κραταιοῦσθε· grēgoreite, stēkete en tē pistei, andrizesthe, krataioysthe·
14 πάντα ὑμῶν ἐν ἀγάπῃ γινέσθω. panta hymōn en agapē ginesthō.
15 Παρακαλῶ δὲ ὑμᾶς, ἀδελφοί· οἴδατε τὴν οἰκίαν Στεφανᾶ, ὅτι ἔστιν ἀπαρχὴ τῆς Ἀχαΐας καὶ εἰς διακονίαν τοῖς ἁγίοις ἔταξαν ἑαυτούς· parakalō de hymas, adelphoi· oidate tēn oikian stephana, hoti estin aparchē tēs achaias kai eis diakonian tois hagiois etaxan heaytoys·
16 ἵνα καὶ ὑμεῖς ὑποτάσσησθε τοῖς τοιούτοις καὶ παντὶ τῷ συνεργοῦντι καὶ κοπιῶντι. hina kai hymeis hypotassēsthe tois toioytois kai panti tō synergoynti kai kopiōnti.
17 χαίρω δὲ ἐπὶ τῇ παρουσίᾳ Στεφανᾶ καὶ Φορτουνάτου καὶ Ἀχαϊκοῦ, ὅτι τὸ ὑμέτερον ὑστέρημα οὗτοι ἀνεπλήρωσαν, chairō de epi tē paroysia stephana kai phortoynatoy kai achaikoy, hoti to hymeteron hysterēma ohytoi aneplērōsan,
18 ἀνέπαυσαν γὰρ τὸ ἐμὸν πνεῦμα καὶ τὸ ὑμῶν. ἐπιγινώσκετε οὖν τοὺς τοιούτους. anepaysan gar to emon pneyma kai to hymōn. epiginōskete oyn toys toioytoys.
19 Ἀσπάζονται ὑμᾶς αἱ ἐκκλησίαι τῆς Ἀσίας. ἀσπάζεται ὑμᾶς ἐν κυρίῳ πολλὰ Ἀκύλας καὶ Πρίσκα σὺν τῇ κατ’ οἶκον αὐτῶν ἐκκλησίᾳ. aspazontai hymas ahi ekklēsiai tēs asias. aspazetai hymas en kyriō polla akylas kai priska syn tē kat’ oikon aytōn ekklēsia.
20 ἀσπάζονται ὑμᾶς οἱ ἀδελφοὶ πάντες. ἀσπάσασθε ἀλλήλους ἐν φιλήματι ἁγίῳ. aspazontai hymas ohi adelphoi pantes. aspasasthe allēloys en philēmati hagiō.
21 Ὁ ἀσπασμὸς τῇ ἐμῇ χειρὶ Παύλου. ho aspasmos tē emē cheiri payloy.
22 εἴ τις οὐ φιλεῖ τὸν κύριον, ἤτω ἀνάθεμα. μαρὰν ἀθά. ei tis oy philei ton kyrion, ētō anathema. maran atha.
23 ἡ χάρις τοῦ κυρίου Ἰησοῦ μεθ’ ὑμῶν. hē charis toy kyrioy iēsoy meth’ hymōn.
24 ἡ ἀγάπη μου μετὰ πάντων ὑμῶν ἐν Χριστῷ Ἰησοῦ. hē agapē moy meta pantōn hymōn en christō iēsoy.