1 Παῦλος δέσμιος Χριστοῦ Ἰησοῦ καὶ Τιμόθεος ὁ ἀδελφὸς Φιλήμονι τῷ ἀγαπητῷ καὶ συνεργῷ ἡμῶν paylos desmios christoy iēsoy kai timotheos ho adelphos philēmoni tō agapētō kai synergō hēmōn
2 καὶ Ἀπφίᾳ τῇ ἀδελφῇ καὶ Ἀρχίππῳ τῷ συστρατιώτῃ ἡμῶν καὶ τῇ κατ’ οἶκόν σου ἐκκλησίᾳ· kai apphia tē adelphē kai archippō tō systratiōtē hēmōn kai tē kat’ oikon soy ekklēsia·
3 χάρις ὑμῖν καὶ εἰρήνη ἀπὸ θεοῦ πατρὸς ἡμῶν καὶ κυρίου Ἰησοῦ Χριστοῦ. charis hymin kai eirēnē apo theoy patros hēmōn kai kyrioy iēsoy christoy.
4 Εὐχαριστῶ τῷ θεῷ μου πάντοτε μνείαν σου ποιούμενος ἐπὶ τῶν προσευχῶν μου, eycharistō tō theō moy pantote mneian soy poioymenos epi tōn proseychōn moy,
5 ἀκούων σου τὴν ἀγάπην καὶ τὴν πίστιν ἣν ἔχεις πρὸς τὸν κύριον Ἰησοῦν καὶ εἰς πάντας τοὺς ἁγίους, akoyōn soy tēn agapēn kai tēn pistin hēn echeis pros ton kyrion iēsoyn kai eis pantas toys hagioys,
6 ὅπως ἡ κοινωνία τῆς πίστεώς σου ἐνεργὴς γένηται ἐν ἐπιγνώσει παντὸς ἀγαθοῦ τοῦ ἐν ἡμῖν εἰς Χριστόν· hopōs hē koinōnia tēs pisteōs soy energēs genētai en epignōsei pantos agathoy toy en hēmin eis christon·
7 χαρὰν γὰρ πολλὴν ἔσχον καὶ παράκλησιν ἐπὶ τῇ ἀγάπῃ σου, ὅτι τὰ σπλάγχνα τῶν ἁγίων ἀναπέπαυται διὰ σοῦ, ἀδελφέ. charan gar pollēn eschon kai paraklēsin epi tē agapē soy, hoti ta splagchna tōn hagiōn anapepaytai dia soy, adelphe.
8 Διό, πολλὴν ἐν Χριστῷ παρρησίαν ἔχων ἐπιτάσσειν σοι τὸ ἀνῆκον, dio, pollēn en christō parrēsian echōn epitassein soi to anēkon,
9 διὰ τὴν ἀγάπην μᾶλλον παρακαλῶ, τοιοῦτος ὢν ὡς Παῦλος πρεσβύτης, νυνὶ δὲ καὶ δέσμιος Χριστοῦ Ἰησοῦ, dia tēn agapēn mallon parakalō, toioytos ōn hōs paylos presbytēs, nyni de kai desmios christoy iēsoy,
10 παρακαλῶ σε περὶ τοῦ ἐμοῦ τέκνου, ὃν ἐγέννησα ἐν τοῖς δεσμοῖς, Ὀνήσιμον, parakalō se peri toy emoy teknoy, hon egennēsa en tois desmois, onēsimon,
11 τόν ποτέ σοι ἄχρηστον νυνὶ δὲ καὶ σοὶ καὶ ἐμοὶ εὔχρηστον, ὃν ἀνέπεμψά σοι, ton pote soi achrēston nyni de kai soi kai emoi eychrēston, hon anepempsa soi,
12 αὐτόν, τοῦτ’ ἔστιν τὰ ἐμὰ σπλάγχνα. ayton, toyt’ estin ta ema splagchna.
13 ὃν ἐγὼ ἐβουλόμην πρὸς ἐμαυτὸν κατέχειν, ἵνα ὑπὲρ σοῦ μοι διακονῇ ἐν τοῖς δεσμοῖς τοῦ εὐαγγελίου, hon egō eboylomēn pros emayton katechein, hina hyper soy moi diakonē en tois desmois toy eyaggelioy,
14 χωρὶς δὲ τῆς σῆς γνώμης οὐδὲν ἠθέλησα ποιῆσαι, ἵνα μὴ ὡς κατὰ ἀνάγκην τὸ ἀγαθόν σου ᾖ ἀλλὰ κατὰ ἑκούσιον. chōris de tēs sēs gnōmēs oyden ēthelēsa poiēsai, hina mē hōs kata anagkēn to agathon soy ē alla kata hekoysion.
15 τάχα γὰρ διὰ τοῦτο ἐχωρίσθη πρὸς ὥραν ἵνα αἰώνιον αὐτὸν ἀπέχῃς, tacha gar dia toyto echōristhē pros hōran hina aiōnion ayton apechēs,
16 οὐκ ἔτι ὡς δοῦλον ἀλλὰ ὑπὲρ δοῦλον, ἀδελφὸν ἀγαπητόν, μάλιστα ἐμοί, πόσῳ δὲ μᾶλλον σοὶ καὶ ἐν σαρκὶ καὶ ἐν κυρίῳ. oyk eti hōs doylon alla hyper doylon, adelphon agapēton, malista emoi, posō de mallon soi kai en sarki kai en kyriō.
17 εἰ οὖν με ἔχεις κοινωνόν, προσλαβοῦ αὐτὸν ὡς ἐμέ. ei oyn me echeis koinōnon, proslaboy ayton hōs eme.
18 εἰ δέ τι ἠδίκησέν σε ἢ ὀφείλει, τοῦτο ἐμοὶ ἐλλόγα· ei de ti ēdikēsen se ē opheilei, toyto emoi elloga·
19 ἐγὼ Παῦλος ἔγραψα τῇ ἐμῇ χειρί, ἐγὼ ἀποτίσω· ἵνα μὴ λέγω σοι ὅτι καὶ σεαυτόν μοι προσοφείλεις. egō paylos egrapsa tē emē cheiri, egō apotisō· hina mē legō soi hoti kai seayton moi prosopheileis.
20 ναί, ἀδελφέ, ἐγώ σου ὀναίμην ἐν κυρίῳ· ἀνάπαυσόν μου τὰ σπλάγχνα ἐν Χριστῷ. nai, adelphe, egō soy onaimēn en kyriō· anapayson moy ta splagchna en christō.
21 Πεποιθὼς τῇ ὑπακοῇ σου ἔγραψά σοι, εἰδὼς ὅτι καὶ ὑπὲρ ἃ λέγω ποιήσεις. pepoithōs tē hypakoē soy egrapsa soi, eidōs hoti kai hyper ha legō poiēseis.
22 ἅμα δὲ καὶ ἑτοίμαζέ μοι ξενίαν· ἐλπίζω γὰρ ὅτι διὰ τῶν προσευχῶν ὑμῶν χαρισθήσομαι ὑμῖν. hama de kai hetoimaze moi xenian· elpizō gar hoti dia tōn proseychōn hymōn charisthēsomai hymin.
23 Ἀσπάζεταί σε Ἐπαφρᾶς ὁ συναιχμάλωτός μου ἐν Χριστῷ Ἰησοῦ, aspazetai se epaphras ho synaichmalōtos moy en christō iēsoy,
24 Μάρκος, Ἀρίσταρχος, Δημᾶς, Λουκᾶς, οἱ συνεργοί μου. markos, aristarchos, dēmas, loykas, ohi synergoi moy.
25 Ἡ χάρις τοῦ κυρίου Ἰησοῦ Χριστοῦ μετὰ τοῦ πνεύματος ὑμῶν. hē charis toy kyrioy iēsoy christoy meta toy pneymatos hymōn.