Apocalypse 22

¹ Καὶ ἔδειξέν μοι ποταμὸν ὕδατος ζωῆς λαμπρὸν ὡς κρύσταλλον, ἐκπορευόμενον ἐκ τοῦ θρόνου τοῦ θεοῦ καὶ τοῦ ἀρνίου. kai edeixen moi potamon hydatos zōēs lampron hōs krystallon, ekporeyomenon ek toy thronoy toy theoy kai toy arnioy.

² ἐν μέσῳ τῆς πλατείας αὐτῆς καὶ τοῦ ποταμοῦ ἐντεῦθεν καὶ ἐκεῖθεν ξύλον ζωῆς ποιῶν καρποὺς δώδεκα, κατὰ μῆνα ἕκαστον ἀποδιδοὺς τὸν καρπὸν αὐτοῦ, καὶ τὰ φύλλα τοῦ ξύλου εἰς θεραπείαν τῶν ἐθνῶν. en mesō tēs plateias aytēs kai toy potamoy enteythen kai ekeithen xylon zōēs poiōn karpoys dōdeka, kata mēna hekaston apodidoys ton karpon aytoy, kai ta phylla toy xyloy eis therapeian tōn ethnōn.

³ καὶ πᾶν κατάθεμα οὐκ ἔσται ἔτι. καὶ ὁ θρόνος τοῦ θεοῦ καὶ τοῦ ἀρνίου ἐν αὐτῇ ἔσται, καὶ οἱ δοῦλοι αὐτοῦ λατρεύσουσιν αὐτῷ, kai pan katathema oyk estai eti. kai ho thronos toy theoy kai toy arnioy en aytē estai, kai ohi doyloi aytoy latreysoysin aytō,

⁴ καὶ ὄψονται τὸ πρόσωπον αὐτοῦ, καὶ τὸ ὄνομα αὐτοῦ ἐπὶ τῶν μετώπων αὐτῶν. kai opsontai to prosōpon aytoy, kai to onoma aytoy epi tōn metōpōn aytōn.

⁵ καὶ νὺξ οὐκ ἔσται ἔτι, καὶ οὐκ ἔχουσιν χρείαν φωτὸς λύχνου καὶ φωτὸς ἡλίου, ὅτι κύριος ὁ θεὸς φωτιεῖ ἐπ’ αὐτούς, καὶ βασιλεύσουσιν εἰς τοὺς αἰῶνας τῶν αἰώνων. kai nyx oyk estai eti, kai oyk echoysin chreian phōtos lychnoy kai phōtos hēlioy, hoti kyrios ho theos phōtiei ep’ aytoys, kai basileysoysin eis toys aiōnas tōn aiōnōn.

⁶ καὶ εἶπέν μοι, οὗτοι οἱ λόγοι πιστοὶ καὶ ἀληθινοί, καὶ ὁ κύριος, ὁ θεὸς τῶν πνευμάτων τῶν προφητῶν, ἀπέστειλεν τὸν ἄγγελον αὐτοῦ δεῖξαι τοῖς δούλοις αὐτοῦ ἃ δεῖ γενέσθαι ἐν τάχει. kai eipen moi, ohytoi ohi logoi pistoi kai alēthinoi, kai ho kyrios, ho theos tōn pneymatōn tōn prophētōn, apesteilen ton aggelon aytoy deixai tois doylois aytoy ha dei genesthai en tachei.

⁷ καὶ ἰδοὺ ἔρχομαι ταχύ. μακάριος ὁ τηρῶν τοὺς λόγους τῆς προφητείας τοῦ βιβλίου τούτου. kai idoy erchomai tachy. makarios ho tērōn toys logoys tēs prophēteias toy biblioy toytoy.

⁸ Κἀγὼ Ἰωάννης ὁ βλέπων καὶ ἀκούων ταῦτα. καὶ ὅτε ἤκουσα καὶ ἔβλεψα, ἔπεσα προσκυνῆσαι ἔμπροσθεν τῶν ποδῶν τοῦ ἀγγέλου τοῦ δεικνύοντός μοι ταῦτα. kagō iōannēs ho blepōn kai akoyōn tayta. kai hote ēkoysa kai eblepsa, epesa proskynēsai emprosthen tōn podōn toy aggeloy toy deiknyontos moi tayta.

⁹ καὶ λέγει μοι, ὅρα μή· σύνδουλός σού εἰμι καὶ τῶν ἀδελφῶν σου τῶν προφητῶν καὶ τῶν τηρούντων τοὺς λόγους τοῦ βιβλίου τούτου· τῷ θεῷ προσκύνησον. kai legei moi, hora mē· syndoylos soy eimi kai tōn adelphōn soy tōn prophētōn kai tōn tēroyntōn toys logoys toy biblioy toytoy· tō theō proskynēson.

¹⁰ καὶ λέγει μοι, μὴ σφραγίσῃς τοὺς λόγους τῆς προφητείας τοῦ βιβλίου τούτου, ὁ καιρὸς γὰρ ἐγγύς ἐστιν. kai legei moi, mē sphragisēs toys logoys tēs prophēteias toy biblioy toytoy, ho kairos gar eggys estin.

¹¹ ὁ ἀδικῶν ἀδικησάτω ἔτι, καὶ ὁ ῥυπαρὸς ῥυπανθήτω ἔτι, καὶ ὁ δίκαιος δικαιοσύνην ποιησάτω ἔτι, καὶ ὁ ἅγιος ἁγιασθήτω ἔτι. ho adikōn adikēsatō eti, kai ho hryparos hrypanthētō eti, kai ho dikaios dikaiosynēn poiēsatō eti, kai ho hagios hagiasthētō eti.

¹² Ἰδοὺ ἔρχομαι ταχύ, καὶ ὁ μισθός μου μετ’ ἐμοῦ, ἀποδοῦναι ἑκάστῳ ὡς τὸ ἔργον ἐστὶν αὐτοῦ. idoy erchomai tachy, kai ho misthos moy met’ emoy, apodoynai hekastō hōs to ergon estin aytoy.

¹³ ἐγὼ τὸ ἄλφα καὶ τὸ ω, ὁ πρῶτος καὶ ὁ ἔσχατος, ἡ ἀρχὴ καὶ τὸ τέλος. egō to alpha kai to ō, ho prōtos kai ho eschatos, hē archē kai to telos.

¹⁴ μακάριοι οἱ πλύνοντες τὰς στολὰς αὐτῶν, ἵνα ἔσται ἡ ἐξουσία αὐτῶν ἐπὶ τὸ ξύλον τῆς ζωῆς καὶ τοῖς πυλῶσιν εἰσέλθωσιν εἰς τὴν πόλιν. makarioi ohi plynontes tas stolas aytōn, hina estai hē exoysia aytōn epi to xylon tēs zōēs kai tois pylōsin eiselthōsin eis tēn polin.

¹⁵ ἔξω οἱ κύνες καὶ οἱ φάρμακοι καὶ οἱ πόρνοι καὶ οἱ φονεῖς καὶ οἱ εἰδωλολάτραι καὶ πᾶς ποιῶν καὶ φιλῶν ψεῦδος. exō ohi kynes kai ohi pharmakoi kai ohi pornoi kai ohi phoneis kai ohi eidōlolatrai kai pas poiōn kai philōn pseydos.

¹⁶ ἐγὼ Ἰησοῦς ἔπεμψα τὸν ἄγγελόν μου μαρτυρῆσαι ὑμῖν ταῦτα ἐπὶ ταῖς ἐκκλησίαις. ἐγώ εἰμι ἡ ῥίζα καὶ τὸ γένος Δαυείδ, ὁ ἀστὴρ ὁ λαμπρὸς ὁ πρωϊνός. egō iēsoys epempsa ton aggelon moy martyrēsai hymin tayta epi tais ekklēsiais. egō eimi hē hriza kai to genos dayeid, ho astēr ho lampros ho prōinos.

¹⁷ καὶ τὸ πνεῦμα καὶ ἡ νύμφη λέγουσιν, ἔρχου. καὶ ὁ ἀκούων εἰπάτω, ἔρχου. καὶ ὁ διψῶν ἐρχέσθω, ὁ θέλων λαβέτω ὕδωρ ζωῆς δωρεάν. kai to pneyma kai hē nymphē legoysin, erchoy. kai ho akoyōn eipatō, erchoy. kai ho dipsōn erchesthō, ho thelōn labetō hydōr zōēs dōrean.

¹⁸ Μαρτυρῶ ἐγὼ παντὶ τῷ ἀκούοντι τοὺς λόγους τῆς προφητείας τοῦ βιβλίου τούτου· ἐάν τις ἐπιθῇ ἐπ’ αὐτά, ἐπιθήσει ἐπ’ αὐτὸν ὁ θεὸς τὰς πληγὰς τὰς γεγραμμένας ἐν τῷ βιβλίῳ τούτῳ· martyrō egō panti tō akoyonti toys logoys tēs prophēteias toy biblioy toytoy· ean tis epithē ep’ ayta, epithēsei ep’ ayton ho theos tas plēgas tas gegrammenas en tō bibliō toytō·

¹⁹ καὶ ἐάν τις ἀφέλῃ ἀπὸ τῶν λόγων τοῦ βιβλίου τῆς προφητείας ταύτης, ἀφελεῖ ὁ θεὸς τὸ μέρος αὐτοῦ ἀπὸ τοῦ ξύλου τῆς ζωῆς καὶ ἐκ τῆς πόλεως τῆς ἁγίας, τῶν γεγραμμένων ἐν τῷ βιβλίῳ τούτῳ. kai ean tis aphelē apo tōn logōn toy biblioy tēs prophēteias taytēs, aphelei ho theos to meros aytoy apo toy xyloy tēs zōēs kai ek tēs poleōs tēs hagias, tōn gegrammenōn en tō bibliō toytō.

²⁰ Λέγει ὁ μαρτυρῶν ταῦτα· ναί, ἔρχομαι ταχύ. Ἀμήν, ἔρχου κύριε Ἰησοῦ. legei ho martyrōn tayta· nai, erchomai tachy. amēn, erchoy kyrie iēsoy.

²¹ Ἡ χάρις τοῦ κυρίου Ἰησοῦ μετὰ πάντων. hē charis toy kyrioy iēsoy meta pantōn.