Apocalypse 3

¹ Καὶ τῷ ἀγγέλῳ τῆς ἐν Σάρδεσιν ἐκκλησίας γράψον· τάδε λέγει ὁ ἔχων τὰ ἑπτὰ πνεύματα τοῦ θεοῦ καὶ τοὺς ἑπτὰ ἀστέρας· οἶδά σου τὰ ἔργα, ὅτι ὄνομα ἔχεις ὅτι ζῇς, καὶ νεκρὸς εἶ. kai tō aggelō tēs en sardesin ekklēsias grapson· tade legei ho echōn ta hepta pneymata toy theoy kai toys hepta asteras· oida soy ta erga, hoti onoma echeis hoti zēs, kai nekros ei.

² γίνου γρηγορῶν, καὶ στήρισον τὰ λοιπὰ ἃ ἔμελλον ἀποθανεῖν, οὐ γὰρ εὕρηκά σου τὰ ἔργα πεπληρωμένα ἐνώπιον τοῦ θεοῦ μου· ginoy grēgorōn, kai stērison ta loipa ha emellon apothanein, oy gar ehyrēka soy ta erga peplērōmena enōpion toy theoy moy·

³ μνημόνευε οὖν πῶς εἴληφας καὶ ἤκουσας, καὶ τήρει καὶ μετανόησον. ἐὰν οὖν μὴ γρηγορήσῃς, ἥξω ὡς κλέπτης, καὶ οὐ μὴ γνώσῃ ποίαν ὥραν ἥξω ἐπὶ σέ. mnēmoneye oyn pōs eilēphas kai ēkoysas, kai tērei kai metanoēson. ean oyn mē grēgorēsēs, hēxō hōs kleptēs, kai oy mē gnōsē poian hōran hēxō epi se.

⁴ ἀλλὰ ὀλίγα ἔχεις ὀνόματα ἐν Σάρδεσιν ἃ οὐκ ἐμόλυναν τὰ ἱμάτια αὐτῶν, καὶ περιπατήσουσιν μετ’ ἐμοῦ ἐν λευκοῖς, ὅτι ἄξιοί εἰσιν. alla oliga echeis onomata en sardesin ha oyk emolynan ta himatia aytōn, kai peripatēsoysin met’ emoy en leykois, hoti axioi eisin.

⁵ ὁ νικῶν οὕτως περιβαλεῖται ἐν ἱματίοις λευκοῖς, καὶ οὐ μὴ ἐξαλείψω τὸ ὄνομα αὐτοῦ ἐκ τῆς βίβλου τῆς ζωῆς, καὶ ὁμολογήσω τὸ ὄνομα αὐτοῦ ἐνώπιον τοῦ πατρός μου καὶ ἐνώπιον τῶν ἀγγέλων αὐτοῦ. ho nikōn ohytōs peribaleitai en himatiois leykois, kai oy mē exaleipsō to onoma aytoy ek tēs bibloy tēs zōēs, kai homologēsō to onoma aytoy enōpion toy patros moy kai enōpion tōn aggelōn aytoy.

⁶ ὁ ἔχων οὖς ἀκουσάτω τί τὸ πνεῦμα λέγει ταῖς ἐκκλησίαις. ho echōn oys akoysatō ti to pneyma legei tais ekklēsiais.

⁷ Καὶ τῷ ἀγγέλῳ τῆς ἐν Φιλαδελφίᾳ ἐκκλησίας γράψον· τάδε λέγει ὁ ἅγιος ὁ ἀληθινός, ὁ ἔχων τὴν κλεῖν Δαυείδ, ὁ ἀνοίγων καὶ οὐδεὶς κλείσει, καὶ κλείων καὶ οὐδεὶς ἀνοίξει· kai tō aggelō tēs en philadelphia ekklēsias grapson· tade legei ho hagios ho alēthinos, ho echōn tēn klein dayeid, ho anoigōn kai oydeis kleisei, kai kleiōn kai oydeis anoixei·

⁸ οἶδά σου τὰ ἔργα· ἰδοὺ δέδωκα ἐνώπιόν σου θύραν ἠνεῳγμένην, ἣν οὐδεὶς δύναται κλεῖσαι αὐτήν· ὅτι μικρὰν ἔχεις δύναμιν, καὶ ἐτήρησάς μου τὸν λόγον καὶ οὐκ ἠρνήσω τὸ ὄνομά μου. oida soy ta erga· idoy dedōka enōpion soy thyran ēneōgmenēn, hēn oydeis dynatai kleisai aytēn· hoti mikran echeis dynamin, kai etērēsas moy ton logon kai oyk ērnēsō to onoma moy.

⁹ ἰδοὺ διδῶ ἐκ τῆς συναγωγῆς τοῦ σατανᾶ, τῶν λεγόντων ἑαυτοὺς Ἰουδαίους εἶναι, καὶ οὐκ εἰσὶν ἀλλὰ ψεύδονται· ἰδοὺ ποιήσω αὐτοὺς ἵνα ἥξουσιν καὶ προσκυνήσουσιν ἐνώπιον τῶν ποδῶν σου, καὶ γνῶσιν ὅτι ἐγὼ ἠγάπησά σε. idoy didō ek tēs synagōgēs toy satana, tōn legontōn heaytoys ioydaioys einai, kai oyk eisin alla pseydontai· idoy poiēsō aytoys hina hēxoysin kai proskynēsoysin enōpion tōn podōn soy, kai gnōsin hoti egō ēgapēsa se.

¹⁰ ὅτι ἐτήρησας τὸν λόγον τῆς ὑπομονῆς μου, κἀγώ σε τηρήσω ἐκ τῆς ὥρας τοῦ πειρασμοῦ τῆς μελλούσης ἔρχεσθαι ἐπὶ τῆς οἰκουμένης ὅλης πειράσαι τοὺς κατοικοῦντας ἐπὶ τῆς γῆς. hoti etērēsas ton logon tēs hypomonēs moy, kagō se tērēsō ek tēs hōras toy peirasmoy tēs melloysēs erchesthai epi tēs oikoymenēs holēs peirasai toys katoikoyntas epi tēs gēs.

¹¹ ἔρχομαι ταχύ· κράτει ὃ ἔχεις, ἵνα μηδεὶς λάβῃ τὸν στέφανόν σου. erchomai tachy· kratei ho echeis, hina mēdeis labē ton stephanon soy.

¹² ὁ νικῶν ποιήσω αὐτὸν στῦλον ἐν τῷ ναῷ τοῦ θεοῦ μου, καὶ ἔξω οὐ μὴ ἐξέλθῃ ἔτι, καὶ γράψω ἐπ’ αὐτὸν τὸ ὄνομα τοῦ θεοῦ μου καὶ τὸ ὄνομα τῆς πόλεως τοῦ θεοῦ μου, τῆς καινῆς Ἱερουσαλήμ, ἡ καταβαίνουσα ἐκ τοῦ οὐρανοῦ ἀπὸ τοῦ θεοῦ μου, καὶ τὸ ὄνομά μου τὸ καινόν. ho nikōn poiēsō ayton stylon en tō naō toy theoy moy, kai exō oy mē exelthē eti, kai grapsō ep’ ayton to onoma toy theoy moy kai to onoma tēs poleōs toy theoy moy, tēs kainēs hieroysalēm, hē katabainoysa ek toy oyranoy apo toy theoy moy, kai to onoma moy to kainon.

¹³ ὁ ἔχων οὖς ἀκουσάτω τί τὸ πνεῦμα λέγει ταῖς ἐκκλησίαις. ho echōn oys akoysatō ti to pneyma legei tais ekklēsiais.

¹⁴ Καὶ τῷ ἀγγέλῳ τῆς ἐν Λαοδικίᾳ ἐκκλησίας γράψον· τάδε λέγει ὁ ἀμήν, ὁ μάρτυς ὁ πιστὸς καὶ ἀληθινός, ἡ ἀρχὴ τῆς κτίσεως τοῦ θεοῦ· kai tō aggelō tēs en laodikia ekklēsias grapson· tade legei ho amēn, ho martys ho pistos kai alēthinos, hē archē tēs ktiseōs toy theoy·

¹⁵ οἶδά σου τὰ ἔργα, ὅτι οὔτε ψυχρὸς εἶ οὔτε ζεστός. ὄφελον ψυχρὸς ἦς ἢ ζεστός. oida soy ta erga, hoti oyte psychros ei oyte zestos. ophelon psychros ēs ē zestos.

¹⁶ οὕτως, ὅτι χλιαρὸς εἶ καὶ οὔτε ζεστὸς οὔτε ψυχρός, μέλλω σε ἐμέσαι ἐκ τοῦ στόματός μου. ohytōs, hoti chliaros ei kai oyte zestos oyte psychros, mellō se emesai ek toy stomatos moy.

¹⁷ ὅτι λέγεις ὅτι πλούσιός εἰμι καὶ πεπλούτηκα καὶ οὐδὲν χρείαν ἔχω, καὶ οὐκ οἶδας ὅτι σὺ εἶ ὁ ταλαίπωρος καὶ ἐλεεινὸς καὶ πτωχὸς καὶ τυφλὸς καὶ γυμνός, hoti legeis hoti ploysios eimi kai peploytēka kai oyden chreian echō, kai oyk oidas hoti sy ei ho talaipōros kai eleeinos kai ptōchos kai typhlos kai gymnos,

¹⁸ συμβουλεύω σοι ἀγοράσαι παρ’ ἐμοῦ χρυσίον πεπυρωμένον ἐκ πυρὸς ἵνα πλουτήσῃς, καὶ ἱμάτια λευκὰ ἵνα περιβάλῃ καὶ μὴ φανερωθῇ ἡ αἰσχύνη τῆς γυμνότητός σου, καὶ κολλύριον ἔγχρισαι τοὺς ὀφθαλμούς σου ἵνα βλέπῃς. symboyleyō soi agorasai par’ emoy chrysion pepyrōmenon ek pyros hina ploytēsēs, kai himatia leyka hina peribalē kai mē phanerōthē hē aischynē tēs gymnotētos soy, kai kollyrion egchrisai toys ophthalmoys soy hina blepēs.

¹⁹ ἐγὼ ὅσους ἐὰν φιλῶ ἐλέγχω καὶ παιδεύω· ζήλευε οὖν καὶ μετανόησον. egō hosoys ean philō elegchō kai paideyō· zēleye oyn kai metanoēson.

²⁰ ἰδοὺ ἕστηκα ἐπὶ τὴν θύραν καὶ κρούω· ἐάν τις ἀκούσῃ τῆς φωνῆς μου καὶ ἀνοίξῃ τὴν θύραν, καὶ εἰσελεύσομαι πρὸς αὐτὸν καὶ δειπνήσω μετ’ αὐτοῦ καὶ αὐτὸς μετ’ ἐμοῦ. idoy hestēka epi tēn thyran kai kroyō· ean tis akoysē tēs phōnēs moy kai anoixē tēn thyran, kai eiseleysomai pros ayton kai deipnēsō met’ aytoy kai aytos met’ emoy.

²¹ ὁ νικῶν δώσω αὐτῷ καθίσαι μετ’ ἐμοῦ ἐν τῷ θρόνῳ μου, ὡς κἀγὼ ἐνίκησα καὶ ἐκάθισα μετὰ τοῦ πατρός μου ἐν τῷ θρόνῳ αὐτοῦ. ho nikōn dōsō aytō kathisai met’ emoy en tō thronō moy, hōs kagō enikēsa kai ekathisa meta toy patros moy en tō thronō aytoy.

²² ὁ ἔχων οὖς ἀκουσάτω τί τὸ πνεῦμα λέγει ταῖς ἐκκλησίαις. ho echōn oys akoysatō ti to pneyma legei tais ekklēsiais.