1 Ἐγένετο δὲ ἐν Ἰκονίῳ κατὰ τὸ αὐτὸ εἰσελθεῖν αὐτοὺς εἰς τὴν συναγωγὴν τῶν Ἰουδαίων καὶ λαλῆσαι οὕτως ὥστε πιστεῦσαι Ἰουδαίων τε καὶ Ἑλλήνων πολὺ πλῆθος. egeneto de en ikoniō kata to ayto eiselthein aytoys eis tēn synagōgēn tōn ioydaiōn kai lalēsai ohytōs hōste pisteysai ioydaiōn te kai hellēnōn poly plēthos.
2 οἱ δὲ ἀπειθήσαντες Ἰουδαῖοι ἐπήγειραν καὶ ἐκάκωσαν τὰς ψυχὰς τῶν ἐθνῶν κατὰ τῶν ἀδελφῶν. ohi de apeithēsantes ioydaioi epēgeiran kai ekakōsan tas psychas tōn ethnōn kata tōn adelphōn.
3 ἱκανὸν μὲν οὖν χρόνον διέτριψαν παρρησιαζόμενοι ἐπὶ τῷ κυρίῳ τῷ μαρτυροῦντι ἐπὶ τῷ λόγῳ τῆς χάριτος αὐτοῦ, διδόντος σημεῖα καὶ τέρατα γίνεσθαι διὰ τῶν χειρῶν αὐτῶν. hikanon men oyn chronon dietripsan parrēsiazomenoi epi tō kyriō tō martyroynti epi tō logō tēs charitos aytoy, didontos sēmeia kai terata ginesthai dia tōn cheirōn aytōn.
4 ἐσχίσθη δὲ τὸ πλῆθος τῆς πόλεως, καὶ οἱ μὲν ἦσαν σὺν τοῖς Ἰουδαίοις οἱ δὲ σὺν τοῖς ἀποστόλοις. eschisthē de to plēthos tēs poleōs, kai ohi men ēsan syn tois ioydaiois ohi de syn tois apostolois.
5 ὡς δὲ ἐγένετο ὁρμὴ τῶν ἐθνῶν τε καὶ Ἰουδαίων σὺν τοῖς ἄρχουσιν αὐτῶν ὑβρίσαι καὶ λιθοβολῆσαι αὐτούς, hōs de egeneto hormē tōn ethnōn te kai ioydaiōn syn tois archoysin aytōn hybrisai kai lithobolēsai aytoys,
6 συνιδόντες κατέφυγον εἰς τὰς πόλεις τῆς Λυκαονίας Λύστραν καὶ Δέρβην καὶ τὴν περίχωρον, synidontes katephygon eis tas poleis tēs lykaonias lystran kai derbēn kai tēn perichōron,
7 κἀκεῖ εὐαγγελιζόμενοι ἦσαν. kakei eyaggelizomenoi ēsan.
8 Καί τις ἀνὴρ ἐν Λύστροις ἀδύνατος τοῖς ποσὶν ἐκάθητο, χωλὸς ἐκ κοιλίας μητρὸς αὐτοῦ, ὃς οὐδέποτε περιεπάτησεν. kai tis anēr en lystrois adynatos tois posin ekathēto, chōlos ek koilias mētros aytoy, hos oydepote periepatēsen.
9 οὗτος ἤκουσεν τοῦ Παύλου λαλοῦντος, ὃς ἀτενίσας αὐτῷ καὶ ἰδὼν ὅτι ἔχει πίστιν τοῦ σωθῆναι, ohytos ēkoysen toy payloy laloyntos, hos atenisas aytō kai idōn hoti echei pistin toy sōthēnai,
10 εἶπεν μεγάλῃ φωνῇ· ἀνάστηθι ἐπὶ τοὺς πόδας σου ὀρθός. καὶ ἥλατο καὶ περιεπάτει. eipen megalē phōnē· anastēthi epi toys podas soy orthos. kai hēlato kai periepatei.
11 οἵ τε ὄχλοι ἰδόντες ὃ ἐποίησεν Παῦλος ἐπῆραν τὴν φωνὴν αὐτῶν Λυκαονιστὶ λέγοντες, οἱ θεοὶ ὁμοιωθέντες ἀνθρώποις κατέβησαν πρὸς ἡμᾶς· ohi te ochloi idontes ho epoiēsen paylos epēran tēn phōnēn aytōn lykaonisti legontes, ohi theoi homoiōthentes anthrōpois katebēsan pros hēmas·
12 ἐκάλουν τε τὸν Βαρναβᾶν Δία, τὸν δὲ Παῦλον Ἑρμῆν, ἐπειδὴ αὐτὸς ἦν ὁ ἡγούμενος τοῦ λόγου. ekaloyn te ton barnaban dia, ton de paylon hermēn, epeidē aytos ēn ho hēgoymenos toy logoy.
13 ὅ τε ἱερεὺς τοῦ Διὸς τοῦ ὄντος πρὸ τῆς πόλεως ταύρους καὶ στέμματα ἐπὶ τοὺς πυλῶνας ἐνέγκας σὺν τοῖς ὄχλοις ἤθελεν θύειν. ho te hiereys toy dios toy ontos pro tēs poleōs tayroys kai stemmata epi toys pylōnas enegkas syn tois ochlois ēthelen thyein.
14 ἀκούσαντες δὲ οἱ ἀπόστολοι Βαρναβᾶς καὶ Παῦλος, διαρρήξαντες τὰ ἱμάτια αὐτῶν ἐξεπήδησαν εἰς τὸν ὄχλον, κράζοντες akoysantes de ohi apostoloi barnabas kai paylos, diarrēxantes ta himatia aytōn exepēdēsan eis ton ochlon, krazontes
15 καὶ λέγοντες, ἄνδρες, τί ταῦτα ποιεῖτε; καὶ ἡμεῖς ὁμοιοπαθεῖς ἐσμεν ὑμῖν ἄνθρωποι, εὐαγγελιζόμενοι ὑμᾶς ἀπὸ τούτων τῶν ματαίων ἐπιστρέφειν ἐπὶ θεὸν ζῶντα ὃς ἐποίησεν τὸν οὐρανὸν καὶ τὴν γῆν καὶ τὴν θάλασσαν καὶ πάντα τὰ ἐν αὐτοῖς· kai legontes, andres, ti tayta poieite ; kai hēmeis homoiopatheis esmen hymin anthrōpoi, eyaggelizomenoi hymas apo toytōn tōn mataiōn epistrephein epi theon zōnta hos epoiēsen ton oyranon kai tēn gēn kai tēn thalassan kai panta ta en aytois·
16 ὃς ἐν ταῖς παρῳχημέναις γενεαῖς εἴασεν πάντα τὰ ἔθνη πορεύεσθαι ταῖς ὁδοῖς αὐτῶν· hos en tais parōchēmenais geneais eiasen panta ta ethnē poreyesthai tais hodois aytōn·
17 καίτοι οὐκ ἀμάρτυρον αὐτὸν ἀφῆκεν ἀγαθουργῶν, οὐρανόθεν ὑμῖν ὑετοὺς διδοὺς καὶ καιροὺς καρποφόρους, ἐμπιπλῶν τροφῆς καὶ εὐφροσύνης τὰς καρδίας ὑμῶν. kaitoi oyk amartyron ayton aphēken agathoyrgōn, oyranothen hymin hyetoys didoys kai kairoys karpophoroys, empiplōn trophēs kai eyphrosynēs tas kardias hymōn.
18 καὶ ταῦτα λέγοντες μόλις κατέπαυσαν τοὺς ὄχλους τοῦ μὴ θύειν αὐτοῖς. kai tayta legontes molis katepaysan toys ochloys toy mē thyein aytois.
19 Ἐπῆλθαν δὲ ἀπὸ Ἀντιοχείας καὶ Ἰκονίου Ἰουδαῖοι, καὶ πείσαντες τοὺς ὄχλους καὶ λιθάσαντες τὸν Παῦλον ἔσυρον ἔξω τῆς πόλεως, νομίζοντες αὐτὸν τεθνηκέναι. epēlthan de apo antiocheias kai ikonioy ioydaioi, kai peisantes toys ochloys kai lithasantes ton paylon esyron exō tēs poleōs, nomizontes ayton tethnēkenai.
20 κυκλωσάντων δὲ τῶν μαθητῶν αὐτὸν ἀναστὰς εἰσῆλθεν εἰς τὴν πόλιν. καὶ τῇ ἐπαύριον ἐξῆλθεν σὺν τῷ Βαρναβᾷ εἰς Δέρβην. kyklōsantōn de tōn mathētōn ayton anastas eisēlthen eis tēn polin. kai tē epayrion exēlthen syn tō barnaba eis derbēn.
21 εὐαγγελιζόμενοί τε τὴν πόλιν ἐκείνην καὶ μαθητεύσαντες ἱκανοὺς ὑπέστρεψαν εἰς τὴν Λύστραν καὶ εἰς Ἰκόνιον καὶ εἰς Ἀντιόχειαν, eyaggelizomenoi te tēn polin ekeinēn kai mathēteysantes hikanoys hypestrepsan eis tēn lystran kai eis ikonion kai eis antiocheian,
22 ἐπιστηρίζοντες τὰς ψυχὰς τῶν μαθητῶν, παρακαλοῦντες ἐμμένειν τῇ πίστει, καὶ ὅτι διὰ πολλῶν θλίψεων δεῖ ἡμᾶς εἰσελθεῖν εἰς τὴν βασιλείαν τοῦ θεοῦ. epistērizontes tas psychas tōn mathētōn, parakaloyntes emmenein tē pistei, kai hoti dia pollōn thlipseōn dei hēmas eiselthein eis tēn basileian toy theoy.
23 χειροτονήσαντες δὲ αὐτοῖς κατ’ ἐκκλησίαν πρεσβυτέρους προσευξάμενοι μετὰ νηστειῶν παρέθεντο αὐτοὺς τῷ κυρίῳ εἰς ὃν πεπιστεύκεισαν. cheirotonēsantes de aytois kat’ ekklēsian presbyteroys proseyxamenoi meta nēsteiōn parethento aytoys tō kyriō eis hon pepisteykeisan.
24 καὶ διελθόντες τὴν Πισιδίαν ἦλθον εἰς τὴν Παμφυλίαν, kai dielthontes tēn pisidian ēlthon eis tēn pamphylian,
25 καὶ λαλήσαντες εἰς τὴν Πέργην τὸν λόγον κατέβησαν εἰς Ἀτταλίαν. kai lalēsantes eis tēn pergēn ton logon katebēsan eis attalian.
26 κἀκεῖθεν ἀπέπλευσαν εἰς Ἀντιόχειαν, ὅθεν ἦσαν παραδεδομένοι τῇ χάριτι τοῦ θεοῦ εἰς τὸ ἔργον ὃ ἐπλήρωσαν. kakeithen apepleysan eis antiocheian, hothen ēsan paradedomenoi tē chariti toy theoy eis to ergon ho eplērōsan.
27 παραγενόμενοι δὲ καὶ συναγαγόντες τὴν ἐκκλησίαν ἀνήγγελλον ὅσα ἐποίησεν ὁ θεὸς μετ’ αὐτῶν καὶ ὅτι ἤνοιξεν τοῖς ἔθνεσιν θύραν πίστεως. paragenomenoi de kai synagagontes tēn ekklēsian anēggellon hosa epoiēsen ho theos met’ aytōn kai hoti ēnoixen tois ethnesin thyran pisteōs.
28 διέτριβον δὲ χρόνον οὐκ ὀλίγον σὺν τοῖς μαθηταῖς. dietribon de chronon oyk oligon syn tois mathētais.