1 Μετὰ δὲ τὸ παύσασθαι τὸν θόρυβον μεταπεμψάμενος ὁ Παῦλος τοὺς μαθητὰς καὶ παρακαλέσας, ἀσπασάμενος ἐξῆλθεν πορεύεσθαι εἰς Μακεδονίαν. meta de to paysasthai ton thorybon metapempsamenos ho paylos toys mathētas kai parakalesas, aspasamenos exēlthen poreyesthai eis makedonian.
2 διελθὼν δὲ τὰ μέρη ἐκεῖνα καὶ παρακαλέσας αὐτοὺς λόγῳ πολλῷ ἦλθεν εἰς τὴν Ἑλλάδα, dielthōn de ta merē ekeina kai parakalesas aytoys logō pollō ēlthen eis tēn hellada,
3 ποιήσας τε μῆνας τρεῖς γενομένης ἐπιβουλῆς αὐτῷ ὑπὸ τῶν Ἰουδαίων μέλλοντι ἀνάγεσθαι εἰς τὴν Συρίαν ἐγένετο γνώμης τοῦ ὑποστρέφειν διὰ Μακεδονίας. poiēsas te mēnas treis genomenēs epiboylēs aytō hypo tōn ioydaiōn mellonti anagesthai eis tēn syrian egeneto gnōmēs toy hypostrephein dia makedonias.
4 συνείπετο δὲ αὐτῷ Σώπατρος Πύρρου Βεροιαῖος, Θεσσαλονικέων δὲ Ἀρίσταρχος καὶ Σεκοῦνδος, καὶ Γάϊος Δερβαῖος καὶ Τιμόθεος, Ἀσιανοὶ δὲ Τυχικὸς καὶ Τρόφιμος. syneipeto de aytō sōpatros pyrroy beroiaios, thessalonikeōn de aristarchos kai sekoyndos, kai gaios derbaios kai timotheos, asianoi de tychikos kai trophimos.
5 οὗτοι δὲ προελθόντες ἔμενον ἡμᾶς ἐν Τρῳάδι· ohytoi de proelthontes emenon hēmas en trōadi·
6 ἡμεῖς δὲ ἐξεπλεύσαμεν μετὰ τὰς ἡμέρας τῶν ἀζύμων ἀπὸ Φιλίππων, καὶ ἤλθομεν πρὸς αὐτοὺς εἰς τὴν Τρῳάδα ἄχρι ἡμερῶν πέντε, ὅπου διετρίψαμεν ἡμέρας ἑπτά. hēmeis de exepleysamen meta tas hēmeras tōn azymōn apo philippōn, kai ēlthomen pros aytoys eis tēn trōada achri hēmerōn pente, hopoy dietripsamen hēmeras hepta.
7 Ἐν δὲ τῇ μιᾷ τῶν σαββάτων συνηγμένων ἡμῶν κλάσαι ἄρτον ὁ Παῦλος διελέγετο αὐτοῖς, μέλλων ἐξιέναι τῇ ἐπαύριον, παρέτεινέν τε τὸν λόγον μέχρι μεσονυκτίου. en de tē mia tōn sabbatōn synēgmenōn hēmōn klasai arton ho paylos dielegeto aytois, mellōn exienai tē epayrion, pareteinen te ton logon mechri mesonyktioy.
8 ἦσαν δὲ λαμπάδες ἱκαναὶ ἐν τῷ ὑπερῴῳ οὗ ἦμεν συνηγμένοι· ēsan de lampades hikanai en tō hyperōō ohy ēmen synēgmenoi·
9 καθεζόμενος δέ τις νεανίας ὀνόματι Εὔτυχος ἐπὶ τῆς θυρίδος, καταφερόμενος ὕπνῳ βαθεῖ διαλεγομένου τοῦ Παύλου ἐπὶ πλεῖον, κατενεχθεὶς ἀπὸ τοῦ ὕπνου ἔπεσεν ἀπὸ τοῦ τριστέγου κάτω καὶ ἤρθη νεκρός. kathezomenos de tis neanias onomati eytychos epi tēs thyridos, katapheromenos hypnō bathei dialegomenoy toy payloy epi pleion, katenechtheis apo toy hypnoy epesen apo toy tristegoy katō kai ērthē nekros.
10 καταβὰς δὲ ὁ Παῦλος ἐπέπεσεν αὐτῷ καὶ συμπεριλαβὼν εἶπεν, μὴ θορυβεῖσθε, ἡ γὰρ ψυχὴ αὐτοῦ ἐν αὐτῷ ἐστιν. katabas de ho paylos epepesen aytō kai symperilabōn eipen, mē thorybeisthe, hē gar psychē aytoy en aytō estin.
11 ἀναβὰς δὲ καὶ κλάσας τὸν ἄρτον καὶ γευσάμενος ἐφ’ ἱκανόν τε ὁμιλήσας ἄχρι αὐγῆς οὕτως ἐξῆλθεν. anabas de kai klasas ton arton kai geysamenos eph’ hikanon te homilēsas achri aygēs ohytōs exēlthen.
12 ἤγαγον δὲ τὸν παῖδα ζῶντα, καὶ παρεκλήθησαν οὐ μετρίως. ēgagon de ton paida zōnta, kai pareklēthēsan oy metriōs.
13 Ἡμεῖς δὲ προελθόντες ἐπὶ τὸ πλοῖον ἀνήχθημεν ἐπὶ τὴν Ἄσσον, ἐκεῖθεν μέλλοντες ἀναλαμβάνειν τὸν Παῦλον· οὕτως γὰρ διατεταγμένος ἦν μέλλων αὐτὸς πεζεύειν. hēmeis de proelthontes epi to ploion anēchthēmen epi tēn asson, ekeithen mellontes analambanein ton paylon· ohytōs gar diatetagmenos ēn mellōn aytos pezeyein.
14 ὡς δὲ συνέβαλλεν ἡμῖν εἰς τὴν Ἄσσον, ἀναλαβόντες αὐτὸν ἤλθομεν εἰς Μιτυλήνην. hōs de syneballen hēmin eis tēn asson, analabontes ayton ēlthomen eis mitylēnēn.
15 κἀκεῖθεν ἀποπλεύσαντες τῇ ἐπιούσῃ κατηντήσαμεν ἄντικρυς Χίου, τῇ δὲ ἑτέρᾳ παρεβάλομεν εἰς Σάμον, τῇ δὲ ἐχομένῃ ἤλθομεν εἰς Μίλητον· kakeithen apopleysantes tē epioysē katēntēsamen antikrys chioy, tē de hetera parebalomen eis samon, tē de echomenē ēlthomen eis milēton·
16 κεκρίκει γὰρ ὁ Παῦλος παραπλεῦσαι τὴν Ἔφεσον, ὅπως μὴ γένηται αὐτῷ χρονοτριβῆσαι ἐν τῇ Ἀσίᾳ, ἔσπευδεν γὰρ εἰ δυνατὸν εἴη αὐτῷ τὴν ἡμέραν τῆς πεντηκοστῆς γενέσθαι εἰς Ἱερουσαλήμ. kekrikei gar ho paylos parapleysai tēn epheson, hopōs mē genētai aytō chronotribēsai en tē asia, espeyden gar ei dynaton eiē aytō tēn hēmeran tēs pentēkostēs genesthai eis hieroysalēm.
17 Ἀπὸ δὲ τῆς Μιλήτου πέμψας εἰς Ἔφεσον μετεκαλέσατο τοὺς πρεσβυτέρους τῆς ἐκκλησίας. apo de tēs milētoy pempsas eis epheson metekalesato toys presbyteroys tēs ekklēsias.
18 ὡς δὲ παρεγένοντο πρὸς αὐτὸν εἶπεν αὐτοῖς, ὑμεῖς ἐπίστασθε ἀπὸ πρώτης ἡμέρας ἀφ’ ἧς ἐπέβην εἰς τὴν Ἀσίαν πῶς μεθ’ ὑμῶν τὸν πάντα χρόνον ἐγενόμην, hōs de paregenonto pros ayton eipen aytois, hymeis epistasthe apo prōtēs hēmeras aph’ hēs epebēn eis tēn asian pōs meth’ hymōn ton panta chronon egenomēn,
19 δουλεύων τῷ κυρίῳ μετὰ πάσης ταπεινοφροσύνης καὶ δακρύων καὶ πειρασμῶν τῶν συμβάντων μοι ἐν ταῖς ἐπιβουλαῖς τῶν Ἰουδαίων· doyleyōn tō kyriō meta pasēs tapeinophrosynēs kai dakryōn kai peirasmōn tōn symbantōn moi en tais epiboylais tōn ioydaiōn·
20 ὡς οὐδὲν ὑπεστειλάμην τῶν συμφερόντων τοῦ μὴ ἀναγγεῖλαι ὑμῖν καὶ διδάξαι ὑμᾶς δημοσίᾳ καὶ κατ’ οἴκους, hōs oyden hypesteilamēn tōn sympherontōn toy mē anaggeilai hymin kai didaxai hymas dēmosia kai kat’ oikoys,
21 διαμαρτυρόμενος Ἰουδαίοις τε καὶ Ἕλλησιν τὴν εἰς θεὸν μετάνοιαν καὶ πίστιν εἰς τὸν κύριον ἡμῶν Ἰησοῦν Χριστόν. diamartyromenos ioydaiois te kai hellēsin tēn eis theon metanoian kai pistin eis ton kyrion hēmōn iēsoyn christon.
22 καὶ νῦν ἰδοὺ δεδεμένος ἐγὼ τῷ πνεύματι πορεύομαι εἰς Ἱερουσαλήμ, τὰ ἐν αὐτῇ συναντήσοντά ἐμοὶ μὴ εἰδώς, kai nyn idoy dedemenos egō tō pneymati poreyomai eis hieroysalēm, ta en aytē synantēsonta emoi mē eidōs,
23 πλὴν ὅτι τὸ πνεῦμα τὸ ἅγιον κατὰ πόλιν διαμαρτύρεταί μοι λέγον ὅτι δεσμὰ καὶ θλίψεις με μένουσιν. plēn hoti to pneyma to hagion kata polin diamartyretai moi legon hoti desma kai thlipseis me menoysin.
24 ἀλλ’ οὐδενὸς λόγου ποιοῦμαι τὴν ψυχὴν τιμίαν ἐμαυτῷ ὡς τελειῶσαι τὸν δρόμον μου καὶ τὴν διακονίαν ἣν ἔλαβον παρὰ τοῦ κυρίου Ἰησοῦ, διαμαρτύρασθαι τὸ εὐαγγέλιον τῆς χάριτος τοῦ θεοῦ. all’ oydenos logoy poioymai tēn psychēn timian emaytō hōs teleiōsai ton dromon moy kai tēn diakonian hēn elabon para toy kyrioy iēsoy, diamartyrasthai to eyaggelion tēs charitos toy theoy.
25 καὶ νῦν ἰδοὺ ἐγὼ οἶδα ὅτι οὐκέτι ὄψεσθε τὸ πρόσωπόν μου ὑμεῖς πάντες ἐν οἷς διῆλθον κηρύσσων τὴν βασιλείαν· kai nyn idoy egō oida hoti oyketi opsesthe to prosōpon moy hymeis pantes en ohis diēlthon kēryssōn tēn basileian·
26 διότι μαρτύρομαι ὑμῖν ἐν τῇ σήμερον ἡμέρᾳ ὅτι καθαρός εἰμι ἀπὸ τοῦ αἵματος πάντων, dioti martyromai hymin en tē sēmeron hēmera hoti katharos eimi apo toy ahimatos pantōn,
27 οὐ γὰρ ὑπεστειλάμην τοῦ μὴ ἀναγγεῖλαι πᾶσαν τὴν βουλὴν τοῦ θεοῦ ὑμῖν. oy gar hypesteilamēn toy mē anaggeilai pasan tēn boylēn toy theoy hymin.
28 προσέχετε ἑαυτοῖς καὶ παντὶ τῷ ποιμνίῳ, ἐν ᾧ ὑμᾶς τὸ πνεῦμα τὸ ἅγιον ἔθετο ἐπισκόπους, ποιμαίνειν τὴν ἐκκλησίαν τοῦ κυρίου, ἣν περιεποιήσατο διὰ τοῦ αἵματος τοῦ ἰδίου. prosechete heaytois kai panti tō poimniō, en hō hymas to pneyma to hagion etheto episkopoys, poimainein tēn ekklēsian toy kyrioy, hēn periepoiēsato dia toy ahimatos toy idioy.
29 ἐγὼ οἶδα ὅτι εἰσελεύσονται μετὰ τὴν ἄφιξίν μου λύκοι βαρεῖς εἰς ὑμᾶς μὴ φειδόμενοι τοῦ ποιμνίου, egō oida hoti eiseleysontai meta tēn aphixin moy lykoi bareis eis hymas mē pheidomenoi toy poimnioy,
30 καὶ ἐξ ὑμῶν αὐτῶν ἀναστήσονται ἄνδρες λαλοῦντες διεστραμμένα τοῦ ἀποσπᾶν τοὺς μαθητὰς ὀπίσω ἑαυτῶν. kai ex hymōn aytōn anastēsontai andres laloyntes diestrammena toy apospan toys mathētas opisō heaytōn.
31 διὸ γρηγορεῖτε, μνημονεύοντες ὅτι τριετίαν νύκτα καὶ ἡμέραν οὐκ ἐπαυσάμην μετὰ δακρύων νουθετῶν ἕνα ἕκαστον. dio grēgoreite, mnēmoneyontes hoti trietian nykta kai hēmeran oyk epaysamēn meta dakryōn noythetōn hena hekaston.
32 καὶ τὰ νῦν παρατίθεμαι ὑμᾶς τῷ θεῷ καὶ τῷ λόγῳ τῆς χάριτος αὐτοῦ τῷ δυναμένῳ οἰκοδομῆσαι καὶ δοῦναι τὴν κληρονομίαν ἐν τοῖς ἡγιασμένοις πᾶσιν. kai ta nyn paratithemai hymas tō theō kai tō logō tēs charitos aytoy tō dynamenō oikodomēsai kai doynai tēn klēronomian en tois hēgiasmenois pasin.
33 ἀργυρίου ἢ χρυσίου ἢ ἱματισμοῦ οὐδενὸς ἐπεθύμησα· argyrioy ē chrysioy ē himatismoy oydenos epethymēsa·
34 αὐτοὶ γινώσκετε ὅτι ταῖς χρείαις μου καὶ τοῖς οὖσιν μετ’ ἐμοῦ ὑπηρέτησαν αἱ χεῖρες αὗται. aytoi ginōskete hoti tais chreiais moy kai tois oysin met’ emoy hypēretēsan ahi cheires ahytai.
35 πάντα ὑπέδειξα ὑμῖν ὅτι οὕτως κοπιῶντας δεῖ ἀντιλαμβάνεσθαι τῶν ἀσθενούντων, μνημονεύειν τε τῶν λόγων τοῦ κυρίου Ἰησοῦ, ὅτι αὐτὸς εἶπεν· μακάριόν ἐστιν μᾶλλον διδόναι ἢ λαμβάνειν. panta hypedeixa hymin hoti ohytōs kopiōntas dei antilambanesthai tōn asthenoyntōn, mnēmoneyein te tōn logōn toy kyrioy iēsoy, hoti aytos eipen· makarion estin mallon didonai ē lambanein.
36 καὶ ταῦτα εἰπὼν θεὶς τὰ γόνατα αὐτοῦ σὺν πᾶσιν αὐτοῖς προσηύξατο. kai tayta eipōn theis ta gonata aytoy syn pasin aytois prosēyxato.
37 ἱκανὸς δὲ κλαυθμὸς ἐγένετο πάντων, καὶ ἐπιπεσόντες ἐπὶ τὸν τράχηλον τοῦ Παύλου κατεφίλουν αὐτόν, hikanos de klaythmos egeneto pantōn, kai epipesontes epi ton trachēlon toy payloy katephiloyn ayton,
38 ὀδυνώμενοι μάλιστα ἐπὶ τῷ λόγῳ ᾧ εἰρήκει ὅτι οὐκέτι μέλλουσιν τὸ πρόσωπον αὐτοῦ θεωρεῖν. προέπεμπον δὲ αὐτὸν εἰς τὸ πλοῖον. odynōmenoi malista epi tō logō hō eirēkei hoti oyketi melloysin to prosōpon aytoy theōrein. proepempon de ayton eis to ploion.