Matthieu 4

¹ Τότε ὁ Ἰησοῦς ἀνήχθη εἰς τὴν ἔρημον ὑπὸ τοῦ πνεύματος, πειρασθῆναι ὑπὸ τοῦ διαβόλου. tote ho iēsoys anēchthē eis tēn erēmon hypo toy pneymatos, peirasthēnai hypo toy diaboloy.

² καὶ νηστεύσας ἡμέρας τεσσεράκοντα καὶ τεσσεράκοντα νύκτας, ὕστερον ἐπείνασεν. kai nēsteysas hēmeras tesserakonta kai tesserakonta nyktas, hysteron epeinasen.

³ καὶ προσελθὼν ὁ πειράζων εἶπεν αὐτῷ, εἰ υἱὸς εἶ τοῦ θεοῦ, εἰπὲ ἵνα οἱ λίθοι οὗτοι ἄρτοι γένωνται. kai proselthōn ho peirazōn eipen aytō, ei yhios ei toy theoy, eipe hina ohi lithoi ohytoi artoi genōntai.

⁴ ὁ δὲ ἀποκριθεὶς εἶπεν, γέγραπται, οὐκ ἐπ’ ἄρτῳ μόνῳ ζήσεται ὁ ἄνθρωπος, ἀλλ’ ἐπὶ παντὶ ῥήματι ἐκπορευομένῳ διὰ στόματος θεοῦ. ho de apokritheis eipen, gegraptai, oyk ep’ artō monō zēsetai ho anthrōpos, all’ epi panti hrēmati ekporeyomenō dia stomatos theoy.

⁵ τότε παραλαμβάνει αὐτὸν ὁ διάβολος εἰς τὴν ἁγίαν πόλιν, καὶ ἔστησεν αὐτὸν ἐπὶ τὸ πτερύγιον τοῦ ἱεροῦ, tote paralambanei ayton ho diabolos eis tēn hagian polin, kai estēsen ayton epi to pterygion toy hieroy,

⁶ καὶ λέγει αὐτῷ, εἰ υἱὸς εἶ τοῦ θεοῦ, βάλε σεαυτὸν κάτω· γέγραπται γὰρ ὅτι τοῖς ἀγγέλοις αὐτοῦ ἐντελεῖται περὶ σοῦ καὶ ἐπὶ χειρῶν ἀροῦσίν σε, μήποτε προσκόψῃς πρὸς λίθον τὸν πόδα σου. kai legei aytō, ei yhios ei toy theoy, bale seayton katō· gegraptai gar hoti tois aggelois aytoy enteleitai peri soy kai epi cheirōn aroysin se, mēpote proskopsēs pros lithon ton poda soy.

⁷ ἔφη αὐτῷ ὁ Ἰησοῦς, πάλιν γέγραπται, οὐκ ἐκπειράσεις κύριον τὸν θεόν σου. ephē aytō ho iēsoys, palin gegraptai, oyk ekpeiraseis kyrion ton theon soy.

⁸ πάλιν παραλαμβάνει αὐτὸν ὁ διάβολος εἰς ὄρος ὑψηλὸν λίαν, καὶ δείκνυσιν αὐτῷ πάσας τὰς βασιλείας τοῦ κόσμου καὶ τὴν δόξαν αὐτῶν, palin paralambanei ayton ho diabolos eis oros hypsēlon lian, kai deiknysin aytō pasas tas basileias toy kosmoy kai tēn doxan aytōn,

⁹ καὶ εἶπεν αὐτῷ, ταῦτά σοι πάντα δώσω ἐὰν πεσὼν προσκυνήσῃς μοι. kai eipen aytō, tayta soi panta dōsō ean pesōn proskynēsēs moi.

¹⁰ τότε λέγει αὐτῷ ὁ Ἰησοῦς· ὕπαγε, σατανᾶ· γέγραπται γάρ, κύριον τὸν θεόν σου προσκυνήσεις καὶ αὐτῷ μόνῳ λατρεύσεις. tote legei aytō ho iēsoys· hypage, satana· gegraptai gar, kyrion ton theon soy proskynēseis kai aytō monō latreyseis.

¹¹ τότε ἀφίησιν αὐτὸν ὁ διάβολος, καὶ ἰδοὺ ἄγγελοι προσῆλθον καὶ διηκόνουν αὐτῷ. tote aphiēsin ayton ho diabolos, kai idoy aggeloi prosēlthon kai diēkonoyn aytō.

¹² Ἀκούσας δὲ ὅτι Ἰωάννης παρεδόθη ἀνεχώρησεν εἰς τὴν Γαλιλαίαν. akoysas de hoti iōannēs paredothē anechōrēsen eis tēn galilaian.

¹³ καὶ καταλιπὼν τὴν Ναζαρὰ ἐλθὼν κατῴκησεν εἰς Καφαρναοὺμ τὴν παραθαλασσίαν ἐν ὁρίοις Ζαβουλὼν καὶ Νεφθαλείμ, kai katalipōn tēn nazara elthōn katōkēsen eis kapharnaoym tēn parathalassian en horiois zaboylōn kai nephthaleim,

¹⁴ ἵνα πληρωθῇ τὸ ῥηθὲν διὰ Ἡσαΐου τοῦ προφήτου λέγοντος· hina plērōthē to hrēthen dia hēsaioy toy prophētoy legontos·

¹⁵ γῆ Ζαβουλὼν καὶ γῆ Νεφθαλείμ, ὁδὸν θαλάσσης, πέραν τοῦ Ἰορδάνου, Γαλιλαία τῶν ἐθνῶν, gē zaboylōn kai gē nephthaleim, hodon thalassēs, peran toy iordanoy, galilaia tōn ethnōn,

¹⁶ ὁ λαὸς ὁ καθήμενος ἐν σκότει φῶς εἶδεν μέγα, καὶ τοῖς καθημένοις ἐν χώρᾳ καὶ σκιᾷ θανάτου φῶς ἀνέτειλεν αὐτοῖς. ho laos ho kathēmenos en skotei phōs eiden mega, kai tois kathēmenois en chōra kai skia thanatoy phōs aneteilen aytois.

¹⁷ Ἀπὸ τότε ἤρξατο ὁ Ἰησοῦς κηρύσσειν καὶ λέγειν, μετανοεῖτε, ἤγγικεν γὰρ ἡ βασιλεία τῶν οὐρανῶν. apo tote ērxato ho iēsoys kēryssein kai legein, metanoeite, ēggiken gar hē basileia tōn oyranōn.

¹⁸ Περιπατῶν δὲ παρὰ τὴν θάλασσαν τῆς Γαλιλαίας εἶδεν δύο ἀδελφούς, Σίμωνα τὸν λεγόμενον Πέτρον καὶ Ἀνδρέαν τὸν ἀδελφὸν αὐτοῦ, βάλλοντας ἀμφίβληστρον εἰς τὴν θάλασσαν· ἦσαν γὰρ ἁλεεῖς. peripatōn de para tēn thalassan tēs galilaias eiden dyo adelphoys, simōna ton legomenon petron kai andrean ton adelphon aytoy, ballontas amphiblēstron eis tēn thalassan· ēsan gar haleeis.

¹⁹ καὶ λέγει αὐτοῖς, δεῦτε ὀπίσω μου, καὶ ποιήσω ὑμᾶς ἁλεεῖς ἀνθρώπων. kai legei aytois, deyte opisō moy, kai poiēsō hymas haleeis anthrōpōn.

²⁰ οἱ δὲ εὐθέως ἀφέντες τὰ δίκτυα ἠκολούθησαν αὐτῷ. ohi de eytheōs aphentes ta diktya ēkoloythēsan aytō.

²¹ Καὶ προβὰς ἐκεῖθεν εἶδεν ἄλλους δύο ἀδελφούς, Ἰάκωβον τὸν τοῦ Ζεβεδαίου καὶ Ἰωάννην τὸν ἀδελφὸν αὐτοῦ, ἐν τῷ πλοίῳ μετὰ Ζεβεδαίου τοῦ πατρὸς αὐτῶν καταρτίζοντας τὰ δίκτυα αὐτῶν· καὶ ἐκάλεσεν αὐτούς. kai probas ekeithen eiden alloys dyo adelphoys, iakōbon ton toy zebedaioy kai iōannēn ton adelphon aytoy, en tō ploiō meta zebedaioy toy patros aytōn katartizontas ta diktya aytōn· kai ekalesen aytoys.

²² οἱ δὲ εὐθέως ἀφέντες τὸ πλοῖον καὶ τὸν πατέρα αὐτῶν ἠκολούθησαν αὐτῷ. ohi de eytheōs aphentes to ploion kai ton patera aytōn ēkoloythēsan aytō.

²³ Καὶ περιῆγεν ἐν ὅλῃ τῇ Γαλιλαίᾳ, διδάσκων ἐν ταῖς συναγωγαῖς αὐτῶν καὶ κηρύσσων τὸ εὐαγγέλιον τῆς βασιλείας καὶ θεραπεύων πᾶσαν νόσον καὶ πᾶσαν μαλακίαν ἐν τῷ λαῷ. kai periēgen en holē tē galilaia, didaskōn en tais synagōgais aytōn kai kēryssōn to eyaggelion tēs basileias kai therapeyōn pasan noson kai pasan malakian en tō laō.

²⁴ καὶ ἀπῆλθεν ἡ ἀκοὴ αὐτοῦ εἰς ὅλην τὴν Συρίαν· καὶ προσήνεγκαν αὐτῷ πάντας τοὺς κακῶς ἔχοντας ποικίλαις νόσοις καὶ βασάνοις συνεχομένους καὶ δαιμονιζομένους καὶ σεληνιαζομένους καὶ παραλυτικούς, καὶ ἐθεράπευσεν αὐτούς. kai apēlthen hē akoē aytoy eis holēn tēn syrian· kai prosēnegkan aytō pantas toys kakōs echontas poikilais nosois kai basanois synechomenoys kai daimonizomenoys kai selēniazomenoys kai paralytikoys, kai etherapeysen aytoys.

²⁵ καὶ ἠκολούθησαν αὐτῷ ὄχλοι πολλοὶ ἀπὸ τῆς Γαλιλαίας καὶ Δεκαπόλεως καὶ Ἱεροσολύμων καὶ Ἰουδαίας καὶ πέραν τοῦ Ἰορδάνου. kai ēkoloythēsan aytō ochloi polloi apo tēs galilaias kai dekapoleōs kai hierosolymōn kai ioydaias kai peran toy iordanoy.