1 Ὀψὲ δὲ σαββάτων, τῇ ἐπιφωσκούσῃ εἰς μίαν σαββάτων, ἦλθεν Μαριὰμ ἡ Μαγδαληνὴ καὶ ἡ ἄλλη Μαρία θεωρῆσαι τὸν τάφον. opse de sabbatōn, tē epiphōskoysē eis mian sabbatōn, ēlthen mariam hē magdalēnē kai hē allē maria theōrēsai ton taphon.
2 καὶ ἰδοὺ σεισμὸς ἐγένετο μέγας· ἄγγελος γὰρ κυρίου καταβὰς ἐξ οὐρανοῦ καὶ προσελθὼν ἀπεκύλισεν τὸν λίθον καὶ ἐκάθητο ἐπάνω αὐτοῦ. kai idoy seismos egeneto megas· aggelos gar kyrioy katabas ex oyranoy kai proselthōn apekylisen ton lithon kai ekathēto epanō aytoy.
3 ἦν δὲ ἡ εἰδέα αὐτοῦ ὡς ἀστραπὴ, καὶ τὸ ἔνδυμα αὐτοῦ λευκὸν ὡς χιών. ēn de hē eidea aytoy hōs astrapē, kai to endyma aytoy leykon hōs chiōn.
4 ἀπὸ δὲ τοῦ φόβου αὐτοῦ ἐσείσθησαν οἱ τηροῦντες καὶ ἐγενήθησαν ὡς νεκροί. apo de toy phoboy aytoy eseisthēsan ohi tēroyntes kai egenēthēsan hōs nekroi.
5 ἀποκριθεὶς δὲ ὁ ἄγγελος εἶπεν ταῖς γυναιξίν· μὴ φοβεῖσθε ὑμεῖς· οἶδα γὰρ ὅτι Ἰησοῦν τὸν ἐσταυρωμένον ζητεῖτε. apokritheis de ho aggelos eipen tais gynaixin· mē phobeisthe hymeis· oida gar hoti iēsoyn ton estayrōmenon zēteite.
6 οὐκ ἔστιν ὧδε· ἠγέρθη γὰρ, καθὼς εἶπεν· δεῦτε ἴδετε τὸν τόπον ὅπου ἔκειτο. oyk estin hōde· ēgerthē gar, kathōs eipen· deyte idete ton topon hopoy ekeito.
7 καὶ ταχὺ πορευθεῖσαι εἴπατε τοῖς μαθηταῖς αὐτοῦ ὅτι ἠγέρθη ἀπὸ τῶν νεκρῶν, καὶ ἰδοὺ προάγει ὑμᾶς εἰς τὴν Γαλιλαίαν, ἐκεῖ αὐτὸν ὄψεσθε. ἰδοὺ εἶπον ὑμῖν. kai tachy poreytheisai eipate tois mathētais aytoy hoti ēgerthē apo tōn nekrōn, kai idoy proagei hymas eis tēn galilaian, ekei ayton opsesthe. idoy eipon hymin.
8 καὶ ἀπελθοῦσαι ταχὺ ἀπὸ τοῦ μνημείου μετὰ φόβου καὶ χαρᾶς μεγάλης ἔδραμον ἀπαγγεῖλαι τοῖς μαθηταῖς αὐτοῦ. kai apelthoysai tachy apo toy mnēmeioy meta phoboy kai charas megalēs edramon apaggeilai tois mathētais aytoy.
9 καὶ ἰδοὺ Ἰησοῦς ὑπήντησεν αὐταῖς λέγων· χαίρετε. αἱ δὲ προσελθοῦσαι ἐκράτησαν αὐτοῦ τοὺς πόδας καὶ προσεκύνησαν αὐτῷ. kai idoy iēsoys hypēntēsen aytais legōn· chairete. ahi de proselthoysai ekratēsan aytoy toys podas kai prosekynēsan aytō.
10 τότε λέγει αὐταῖς ὁ Ἰησοῦς· μὴ φοβεῖσθε· ὑπάγετε ἀπαγγείλατε τοῖς ἀδελφοῖς μου ἵνα ἀπέλθωσιν εἰς τὴν Γαλιλαίαν, καὶ ἐκεῖ με ὄψονται. tote legei aytais ho iēsoys· mē phobeisthe· hypagete apaggeilate tois adelphois moy hina apelthōsin eis tēn galilaian, kai ekei me opsontai.
11 Πορευομένων δὲ αὐτῶν, ἰδού τινες τῆς κουστωδίας ἐλθόντες εἰς τὴν πόλιν ἀπήγγειλαν τοῖς ἀρχιερεῦσιν ἅπαντα τὰ γενόμενα. poreyomenōn de aytōn, idoy tines tēs koystōdias elthontes eis tēn polin apēggeilan tois archiereysin hapanta ta genomena.
12 καὶ συναχθέντες μετὰ τῶν πρεσβυτέρων συμβούλιόν τε λαβόντες ἀργύρια ἱκανὰ ἔδωκαν τοῖς στρατιώταις, kai synachthentes meta tōn presbyterōn symboylion te labontes argyria hikana edōkan tois stratiōtais,
13 λέγοντες· εἴπατε ὅτι οἱ μαθηταὶ αὐτοῦ νυκτὸς ἐλθόντες ἔκλεψαν αὐτὸν ἡμῶν κοιμωμένων. legontes· eipate hoti ohi mathētai aytoy nyktos elthontes eklepsan ayton hēmōn koimōmenōn.
14 καὶ ἐὰν ἀκουσθῇ τοῦτο ἐπὶ τοῦ ἡγεμόνος, ἡμεῖς πείσομεν καὶ ὑμᾶς ἀμερίμνους ποιήσομεν. kai ean akoysthē toyto epi toy hēgemonos, hēmeis peisomen kai hymas amerimnoys poiēsomen.
15 οἱ δὲ λαβόντες τὰ ἀργύρια ἐποίησαν ὡς ἐδιδάχθησαν· καὶ ἐφημίσθη ὁ λόγος οὗτος παρὰ Ἰουδαίοις μέχρι τῆς σήμερον. ohi de labontes ta argyria epoiēsan hōs edidachthēsan· kai ephēmisthē ho logos ohytos para ioydaiois mechri tēs sēmeron.
16 Οἱ δὲ ἕνδεκα μαθηταὶ ἐπορεύθησαν εἰς τὴν Γαλιλαίαν εἰς τὸ ὄρος οὗ ἐτάξατο αὐτοῖς ὁ Ἰησοῦς, ohi de hendeka mathētai eporeythēsan eis tēn galilaian eis to oros ohy etaxato aytois ho iēsoys,
17 καὶ ἰδόντες αὐτὸν προσεκύνησαν, οἱ δὲ ἐδίστασαν. kai idontes ayton prosekynēsan, ohi de edistasan.
18 καὶ προσελθὼν ὁ Ἰησοῦς ἐλάλησεν αὐτοῖς λέγων· ἐδόθη μοι πᾶσα ἐξουσία ἐν οὐρανῷ καὶ ἐπὶ γῆς. kai proselthōn ho iēsoys elalēsen aytois legōn· edothē moi pasa exoysia en oyranō kai epi gēs.
19 πορευθέντες μαθητεύσατε πάντα τὰ ἔθνη, βαπτίζοντες αὐτοὺς εἰς τὸ ὄνομα τοῦ πατρὸς καὶ τοῦ υἱοῦ καὶ τοῦ ἁγίου πνεύματος, poreythentes mathēteysate panta ta ethnē, baptizontes aytoys eis to onoma toy patros kai toy yhioy kai toy hagioy pneymatos,
20 διδάσκοντες αὐτοὺς τηρεῖν πάντα ὅσα ἐνετειλάμην ὑμῖν. καὶ ἰδοὺ ἐγὼ μεθ’ ὑμῶν εἰμι πάσας τὰς ἡμέρας ἕως τῆς συντελείας τοῦ αἰῶνος. didaskontes aytoys tērein panta hosa eneteilamēn hymin. kai idoy egō meth’ hymōn eimi pasas tas hēmeras heōs tēs synteleias toy aiōnos.