Jean 15

¹ Ἐγώ εἰμι ἡ ἄμπελος ἡ ἀληθινή, καὶ ὁ πατήρ μου ὁ γεωργός ἐστιν. egō eimi hē ampelos hē alēthinē, kai ho patēr moy ho geōrgos estin.

² πᾶν κλῆμα ἐν ἐμοὶ μὴ φέρον καρπόν, αἴρει αὐτό, καὶ πᾶν τὸ καρπὸν φέρον, καθαίρει αὐτὸ ἵνα καρπὸν πλείονα φέρῃ. pan klēma en emoi mē pheron karpon, airei ayto, kai pan to karpon pheron, kathairei ayto hina karpon pleiona pherē.

³ ἤδη ὑμεῖς καθαροί ἐστε διὰ τὸν λόγον ὃν λελάληκα ὑμῖν· ēdē hymeis katharoi este dia ton logon hon lelalēka hymin·

⁴ μείνατε ἐν ἐμοί, κἀγὼ ἐν ὑμῖν. καθὼς τὸ κλῆμα οὐ δύναται καρπὸν φέρειν ἀφ’ ἑαυτοῦ ἐὰν μὴ μένῃ ἐν τῇ ἀμπέλῳ, οὕτως οὐδὲ ὑμεῖς ἐὰν μὴ ἐν ἐμοὶ μένητε. meinate en emoi, kagō en hymin. kathōs to klēma oy dynatai karpon pherein aph’ heaytoy ean mē menē en tē ampelō, ohytōs oyde hymeis ean mē en emoi menēte.

⁵ ἐγώ εἰμι ἡ ἄμπελος, ὑμεῖς τὰ κλήματα. ὁ μένων ἐν ἐμοὶ κἀγὼ ἐν αὐτῷ, οὗτος φέρει καρπὸν πολύν, ὅτι χωρὶς ἐμοῦ οὐ δύνασθε ποιεῖν οὐδέν. egō eimi hē ampelos, hymeis ta klēmata. ho menōn en emoi kagō en aytō, ohytos pherei karpon polyn, hoti chōris emoy oy dynasthe poiein oyden.

⁶ ἐὰν μή τις μένῃ ἐν ἐμοί, ἐβλήθη ἔξω ὡς τὸ κλῆμα καὶ ἐξηράνθη, καὶ συνάγουσιν αὐτὸ καὶ εἰς τὸ πῦρ βάλλουσιν, καὶ καίεται. ean mē tis menē en emoi, eblēthē exō hōs to klēma kai exēranthē, kai synagoysin ayto kai eis to pyr balloysin, kai kaietai.

⁷ ἐὰν μείνητε ἐν ἐμοὶ καὶ τὰ ῥήματά μου ἐν ὑμῖν μείνῃ, ὃ ἐὰν θέλητε αἰτήσασθε, καὶ γενήσεται ὑμῖν. ean meinēte en emoi kai ta hrēmata moy en hymin meinē, ho ean thelēte aitēsasthe, kai genēsetai hymin.

⁸ ἐν τούτῳ ἐδοξάσθη ὁ πατήρ μου, ἵνα καρπὸν πολὺν φέρητε καὶ γενήσεσθε ἐμοὶ μαθηταί. en toytō edoxasthē ho patēr moy, hina karpon polyn pherēte kai genēsesthe emoi mathētai.

⁹ καθὼς ἠγάπησέν με ὁ πατήρ, κἀγὼ ἠγάπησα ὑμᾶς· μείνατε ἐν τῇ ἀγάπῃ τῇ ἐμῇ. kathōs ēgapēsen me ho patēr, kagō ēgapēsa hymas· meinate en tē agapē tē emē.

¹⁰ ἐὰν τὰς ἐντολάς μου τηρήσητε, μενεῖτε ἐν τῇ ἀγάπῃ μου, καθὼς κἀγὼ τοῦ πατρός μου τὰς ἐντολὰς τετήρηκα καὶ μένω αὐτοῦ ἐν τῇ ἀγάπῃ. ean tas entolas moy tērēsēte, meneite en tē agapē moy, kathōs kagō toy patros moy tas entolas tetērēka kai menō aytoy en tē agapē.

¹¹ ταῦτα λελάληκα ὑμῖν ἵνα ἡ χαρὰ ἡ ἐμὴ ἐν ὑμῖν ᾖ καὶ ἡ χαρὰ ὑμῶν πληρωθῇ. tayta lelalēka hymin hina hē chara hē emē en hymin ē kai hē chara hymōn plērōthē.

¹² αὕτη ἐστὶν ἡ ἐντολὴ ἡ ἐμή, ἵνα ἀγαπᾶτε ἀλλήλους καθὼς ἠγάπησα ὑμᾶς· ahytē estin hē entolē hē emē, hina agapate allēloys kathōs ēgapēsa hymas·

¹³ μείζονα ταύτης ἀγάπην οὐδεὶς ἔχει ἵνα τὴν ψυχὴν αὐτοῦ θῇ ὑπὲρ τῶν φίλων αὐτοῦ. meizona taytēs agapēn oydeis echei hina tēn psychēn aytoy thē hyper tōn philōn aytoy.

¹⁴ ὑμεῖς φίλοι μού ἐστε, ἐὰν ποιῆτε ἃ ἐγὼ ἐντέλλομαι ὑμῖν. hymeis philoi moy este, ean poiēte ha egō entellomai hymin.

¹⁵ οὐκέτι λέγω ὑμᾶς δούλους, ὅτι ὁ δοῦλος οὐκ οἶδεν τί ποιεῖ αὐτοῦ ὁ κύριος· ὑμᾶς δὲ εἴρηκα φίλους, ὅτι πάντα ἃ ἤκουσα παρὰ τοῦ πατρός μου ἐγνώρισα ὑμῖν. oyketi legō hymas doyloys, hoti ho doylos oyk oiden ti poiei aytoy ho kyrios· hymas de eirēka philoys, hoti panta ha ēkoysa para toy patros moy egnōrisa hymin.

¹⁶ οὐχ ὑμεῖς με ἐξελέξασθε, ἀλλ’ ἐγὼ ἐξελεξάμην ὑμᾶς καὶ ἔθηκα ὑμᾶς ἵνα ὑμεῖς ὑπάγητε καὶ καρπὸν φέρητε καὶ ὁ καρπὸς ὑμῶν μένῃ, ἵνα ὅ τι ἂν αἰτήσητε τὸν πατέρα ἐν τῷ ὀνόματί μου δῷ ὑμῖν. oych hymeis me exelexasthe, all’ egō exelexamēn hymas kai ethēka hymas hina hymeis hypagēte kai karpon pherēte kai ho karpos hymōn menē, hina ho ti an aitēsēte ton patera en tō onomati moy dō hymin.

¹⁷ ταῦτα ἐντέλλομαι ὑμῖν, ἵνα ἀγαπᾶτε ἀλλήλους. tayta entellomai hymin, hina agapate allēloys.

¹⁸ Εἰ ὁ κόσμος ὑμᾶς μισεῖ, γινώσκετε ὅτι ἐμὲ πρῶτον μεμίσηκεν. ei ho kosmos hymas misei, ginōskete hoti eme prōton memisēken.

¹⁹ εἰ ἐκ τοῦ κόσμου ἦτε, ὁ κόσμος ἂν τὸ ἴδιον ἐφίλει· ὅτι δὲ ἐκ τοῦ κόσμου οὐκ ἐστέ, ἀλλ’ ἐγὼ ἐξελεξάμην ὑμᾶς ἐκ τοῦ κόσμου, διὰ τοῦτο μισεῖ ὑμᾶς ὁ κόσμος. ei ek toy kosmoy ēte, ho kosmos an to idion ephilei· hoti de ek toy kosmoy oyk este, all’ egō exelexamēn hymas ek toy kosmoy, dia toyto misei hymas ho kosmos.

²⁰ μνημονεύετε τοῦ λόγου οὗ ἐγὼ εἶπον ὑμῖν· οὐκ ἔστιν δοῦλος μείζων τοῦ κυρίου αὐτοῦ. εἰ ἐμὲ ἐδίωξαν, καὶ ὑμᾶς διώξουσιν· εἰ τὸν λόγον μου ἐτήρησαν, καὶ τὸν ὑμέτερον τηρήσουσιν. mnēmoneyete toy logoy ohy egō eipon hymin· oyk estin doylos meizōn toy kyrioy aytoy. ei eme ediōxan, kai hymas diōxoysin· ei ton logon moy etērēsan, kai ton hymeteron tērēsoysin.

²¹ ἀλλὰ ταῦτα πάντα ποιήσουσιν εἰς ὑμᾶς διὰ τὸ ὄνομά μου, ὅτι οὐκ οἴδασιν τὸν πέμψαντά με. alla tayta panta poiēsoysin eis hymas dia to onoma moy, hoti oyk oidasin ton pempsanta me.

²² εἰ μὴ ἦλθον καὶ ἐλάλησα αὐτοῖς, ἁμαρτίαν οὐκ εἴχοσαν· νῦν δὲ πρόφασιν οὐκ ἔχουσιν περὶ τῆς ἁμαρτίας αὐτῶν. ei mē ēlthon kai elalēsa aytois, hamartian oyk eichosan· nyn de prophasin oyk echoysin peri tēs hamartias aytōn.

²³ ὁ ἐμὲ μισῶν καὶ τὸν πατέρα μου μισεῖ. ho eme misōn kai ton patera moy misei.

²⁴ εἰ τὰ ἔργα μὴ ἐποίησα ἐν αὐτοῖς ἃ οὐδεὶς ἄλλος ἐποίησεν, ἁμαρτίαν οὐκ εἴχοσαν· νῦν δὲ καὶ ἑωράκασιν καὶ μεμισήκασιν καὶ ἐμὲ καὶ τὸν πατέρα μου. ei ta erga mē epoiēsa en aytois ha oydeis allos epoiēsen, hamartian oyk eichosan· nyn de kai heōrakasin kai memisēkasin kai eme kai ton patera moy.

²⁵ ἀλλ’ ἵνα πληρωθῇ ὁ λόγος ὁ ἐν τῷ νόμῳ αὐτῶν γεγραμμένος ὅτι ἐμίσησάν με δωρεάν. all’ hina plērōthē ho logos ho en tō nomō aytōn gegrammenos hoti emisēsan me dōrean.

²⁶ ὅταν ἔλθῃ ὁ παράκλητος ὃν ἐγὼ πέμψω ὑμῖν παρὰ τοῦ πατρός, τὸ πνεῦμα τῆς ἀληθείας ὃ παρὰ τοῦ πατρὸς ἐκπορεύεται, ἐκεῖνος μαρτυρήσει περὶ ἐμοῦ· hotan elthē ho paraklētos hon egō pempsō hymin para toy patros, to pneyma tēs alētheias ho para toy patros ekporeyetai, ekeinos martyrēsei peri emoy·

²⁷ καὶ ὑμεῖς δὲ μαρτυρεῖτε, ὅτι ἀπ’ ἀρχῆς μετ’ ἐμοῦ ἐστε. kai hymeis de martyreite, hoti ap’ archēs met’ emoy este.