1 Pierre 5

¹ Πρεσβυτέρους οὖν τοὺς ἐν ὑμῖν παρακαλῶ ὁ συμπρεσβύτερος καὶ μάρτυς τῶν τοῦ Χριστοῦ παθημάτων, ὁ καὶ τῆς μελλούσης ἀποκαλύπτεσθαι δόξης κοινωνός· presbyteroys oyn toys en hymin parakalō ho sympresbyteros kai martys tōn toy christoy pathēmatōn, ho kai tēs melloysēs apokalyptesthai doxēs koinōnos·

² ποιμάνατε τὸ ἐν ὑμῖν ποίμνιον τοῦ θεοῦ, μὴ ἀναγκαστῶς ἀλλὰ ἑκουσίως κατὰ θεόν, μηδὲ αἰσχροκερδῶς ἀλλὰ προθύμως, poimanate to en hymin poimnion toy theoy, mē anagkastōs alla hekoysiōs kata theon, mēde aischrokerdōs alla prothymōs,

³ μηδ’ ὡς κατακυριεύοντες τῶν κλήρων ἀλλὰ τύποι γινόμενοι τοῦ ποιμνίου· mēd’ hōs katakyrieyontes tōn klērōn alla typoi ginomenoi toy poimnioy·

⁴ καὶ φανερωθέντος τοῦ ἀρχιποίμενος κομιεῖσθε τὸν ἀμαράντινον τῆς δόξης στέφανον. kai phanerōthentos toy archipoimenos komieisthe ton amarantinon tēs doxēs stephanon.

⁵ Ὁμοίως νεώτεροι ὑποτάγητε πρεσβυτέροις, πάντες δὲ ἀλλήλοις τὴν ταπεινοφροσύνην ἐγκομβώσασθε, ὅτι ὁ θεὸς ὑπερηφάνοις ἀντιτάσσεται, ταπεινοῖς δὲ δίδωσιν χάριν. homoiōs neōteroi hypotagēte presbyterois, pantes de allēlois tēn tapeinophrosynēn egkombōsasthe, hoti ho theos hyperēphanois antitassetai, tapeinois de didōsin charin.

⁶ ταπεινώθητε οὖν ὑπὸ τὴν κραταιὰν χεῖραν τοῦ θεοῦ, ἵνα ὑμᾶς ὑψώσῃ ἐν καιρῷ, tapeinōthēte oyn hypo tēn krataian cheiran toy theoy, hina hymas hypsōsē en kairō,

⁷ πᾶσαν τὴν μέριμναν ὑμῶν ἐπιρίψαντες ἐπ’ αὐτόν, ὅτι αὐτῷ μέλει περὶ ὑμῶν. pasan tēn merimnan hymōn epiripsantes ep’ ayton, hoti aytō melei peri hymōn.

⁸ Νήψατε, γρηγορήσατε. ὁ ἀντίδικος ὑμῶν διάβολος ὡς λέων ὠρυόμενος περιπατεῖ ζητῶν τίνα καταπιεῖν· nēpsate, grēgorēsate. ho antidikos hymōn diabolos hōs leōn ōryomenos peripatei zētōn tina katapiein·

⁹ ᾧ ἀντίστητε στερεοὶ τῇ πίστει, εἰδότες τὰ αὐτὰ τῶν παθημάτων τῇ ἐν τῷ κόσμῳ ὑμῶν ἀδελφότητι ἐπιτελεῖσθαι. hō antistēte stereoi tē pistei, eidotes ta ayta tōn pathēmatōn tē en tō kosmō hymōn adelphotēti epiteleisthai.

¹⁰ ὁ δὲ θεὸς πάσης χάριτος, ὁ καλέσας ὑμᾶς εἰς τὴν αἰώνιον αὐτοῦ δόξαν ἐν Χριστῷ, ὀλίγον παθόντας αὐτὸς καταρτίσει, στηρίξει, σθενώσει, θεμελιώσει. ho de theos pasēs charitos, ho kalesas hymas eis tēn aiōnion aytoy doxan en christō, oligon pathontas aytos katartisei, stērixei, sthenōsei, themeliōsei.

¹¹ αὐτῷ τὸ κράτος εἰς τοὺς αἰῶνας τῶν αἰώνων, ἀμήν. aytō to kratos eis toys aiōnas tōn aiōnōn, amēn.

¹² Διὰ Σιλουανοῦ ὑμῖν τοῦ πιστοῦ ἀδελφοῦ, ὡς λογίζομαι, δι’ ὀλίγων ἔγραψα, παρακαλῶν καὶ ἐπιμαρτυρῶν ταύτην εἶναι ἀληθῆ χάριν τοῦ θεοῦ· εἰς ἣν στῆτε. dia siloyanoy hymin toy pistoy adelphoy, hōs logizomai, di’ oligōn egrapsa, parakalōn kai epimartyrōn taytēn einai alēthē charin toy theoy· eis hēn stēte.

¹³ ἀσπάζεται ὑμᾶς ἡ ἐν Βαβυλῶνι συνεκλεκτὴ καὶ Μᾶρκος ὁ υἱός μου. aspazetai hymas hē en babylōni syneklektē kai markos ho yhios moy.

¹⁴ ἀσπάσασθε ἀλλήλους ἐν φιλήματι ἀγάπης. Εἰρήνη ὑμῖν πᾶσιν τοῖς ἐν Χριστῷ. aspasasthe allēloys en philēmati agapēs. eirēnē hymin pasin tois en christō.