1 Τῇ ἐλευθερίᾳ ἡμᾶς Χριστὸς ἠλευθέρωσεν. στήκετε οὖν καὶ μὴ πάλιν ζυγῷ δουλίας ἐνέχεσθε. tē eleytheria hēmas christos ēleytherōsen. stēkete oyn kai mē palin zygō doylias enechesthe.
2 Ἴδε ἐγὼ Παῦλος λέγω ὑμῖν ὅτι ἐὰν περιτέμνησθε, Χριστὸς ὑμᾶς οὐδὲν ὠφελήσει. ide egō paylos legō hymin hoti ean peritemnēsthe, christos hymas oyden ōphelēsei.
3 μαρτύρομαι δὲ πάλιν παντὶ ἀνθρώπῳ περιτεμνομένῳ ὅτι ὀφειλέτης ἐστὶν ὅλον τὸν νόμον ποιῆσαι. martyromai de palin panti anthrōpō peritemnomenō hoti opheiletēs estin holon ton nomon poiēsai.
4 κατηργήθητε ἀπὸ Χριστοῦ οἵτινες ἐν νόμῳ δικαιοῦσθε, τῆς χάριτος ἐξεπέσατε. katērgēthēte apo christoy ohitines en nomō dikaioysthe, tēs charitos exepesate.
5 ἡμεῖς γὰρ πνεύματι ἐκ πίστεως ἐλπίδα δικαιοσύνης ἀπεκδεχόμεθα. hēmeis gar pneymati ek pisteōs elpida dikaiosynēs apekdechometha.
6 ἐν γὰρ Χριστῷ Ἰησοῦ οὔτε περιτομή τι ἰσχύει οὔτε ἀκροβυστία, ἀλλὰ πίστις δι’ ἀγάπης ἐνεργουμένη. en gar christō iēsoy oyte peritomē ti ischyei oyte akrobystia, alla pistis di’ agapēs energoymenē.
7 Ἐτρέχετε καλῶς· τίς ὑμᾶς ἐνέκοψεν ἀληθείᾳ μὴ πείθεσθαι; etrechete kalōs· tis hymas enekopsen alētheia mē peithesthai ;
8 ἡ πεισμονὴ οὐκ ἐκ τοῦ καλοῦντος ὑμᾶς. hē peismonē oyk ek toy kaloyntos hymas.
9 μικρὰ ζύμη ὅλον τὸ φύραμα ζυμοῖ. mikra zymē holon to phyrama zymoi.
10 ἐγὼ πέποιθα εἰς ὑμᾶς ἐν κυρίῳ ὅτι οὐδὲν ἄλλο φρονήσετε· ὁ δὲ ταράσσων ὑμᾶς βαστάσει τὸ κρίμα, ὅστις ἐὰν ᾖ. egō pepoitha eis hymas en kyriō hoti oyden allo phronēsete· ho de tarassōn hymas bastasei to krima, hostis ean ē.
11 ἐγὼ δέ, ἀδελφοί, εἰ περιτομὴν ἔτι κηρύσσω, τί ἔτι διώκομαι; ἄρα κατήργηται τὸ σκάνδαλον τοῦ σταυροῦ. egō de, adelphoi, ei peritomēn eti kēryssō, ti eti diōkomai ; ara katērgētai to skandalon toy stayroy.
12 ὄφελον καὶ ἀποκόψονται οἱ ἀναστατοῦντες ὑμᾶς. ophelon kai apokopsontai ohi anastatoyntes hymas.
13 Ὑμεῖς γὰρ ἐπ’ ἐλευθερίᾳ ἐκλήθητε, ἀδελφοί· μόνον μὴ τὴν ἐλευθερίαν εἰς ἀφορμὴν τῇ σαρκί, ἀλλὰ διὰ τῆς ἀγάπης δουλεύετε ἀλλήλοις. hymeis gar ep’ eleytheria eklēthēte, adelphoi· monon mē tēn eleytherian eis aphormēn tē sarki, alla dia tēs agapēs doyleyete allēlois.
14 ὁ γὰρ πᾶς νόμος ἐν ἑνὶ λόγῳ πεπλήρωται, ἐν τῷ ἀγαπήσεις τὸν πλησίον σου ὡς σεαυτόν. ho gar pas nomos en heni logō peplērōtai, en tō agapēseis ton plēsion soy hōs seayton.
15 εἰ δὲ ἀλλήλους δάκνετε καὶ κατεσθίετε, βλέπετε μὴ ὑπ’ ἀλλήλων ἀναλωθῆτε. ei de allēloys daknete kai katesthiete, blepete mē hyp’ allēlōn analōthēte.
16 Λέγω δέ, πνεύματι περιπατεῖτε καὶ ἐπιθυμίαν σαρκὸς οὐ μὴ τελέσητε. legō de, pneymati peripateite kai epithymian sarkos oy mē telesēte.
17 ἡ γὰρ σὰρξ ἐπιθυμεῖ κατὰ τοῦ πνεύματος, τὸ δὲ πνεῦμα κατὰ τῆς σαρκός· ταῦτα γὰρ ἀλλήλοις ἀντίκειται, ἵνα μὴ ἃ ἐὰν θέλητε ταῦτα ποιῆτε. hē gar sarx epithymei kata toy pneymatos, to de pneyma kata tēs sarkos· tayta gar allēlois antikeitai, hina mē ha ean thelēte tayta poiēte.
18 εἰ δὲ πνεύματι ἄγεσθε, οὐκ ἐστὲ ὑπὸ νόμον. ei de pneymati agesthe, oyk este hypo nomon.
19 φανερὰ δέ ἐστιν τὰ ἔργα τῆς σαρκός, ἅτινά ἐστιν πορνεία, ἀκαθαρσία, ἀσέλγεια, phanera de estin ta erga tēs sarkos, hatina estin porneia, akatharsia, aselgeia,
20 εἰδωλολατρία, φαρμακεία, ἔχθραι, ἔρις, ζῆλος, θυμοί, ἐριθείαι, διχοστασίαι, αἱρέσεις, eidōlolatria, pharmakeia, echthrai, eris, zēlos, thymoi, eritheiai, dichostasiai, ahireseis,
21 φθόνοι, μέθαι, κῶμοι, καὶ τὰ ὅμοια τούτοις, ἃ προλέγω ὑμῖν καθὼς προεῖπον ὅτι οἱ τὰ τοιαῦτα πράσσοντες βασιλείαν θεοῦ οὐ κληρονομήσουσιν. phthonoi, methai, kōmoi, kai ta homoia toytois, ha prolegō hymin kathōs proeipon hoti ohi ta toiayta prassontes basileian theoy oy klēronomēsoysin.
22 ὁ δὲ καρπὸς τοῦ πνεύματός ἐστιν ἀγάπη, χαρά, εἰρήνη, μακροθυμία, χρηστότης, ἀγαθωσύνη, πίστις, ho de karpos toy pneymatos estin agapē, chara, eirēnē, makrothymia, chrēstotēs, agathōsynē, pistis,
23 πραΰτης, ἐγκράτεια· κατὰ τῶν τοιούτων οὐκ ἔστιν νόμος. praytēs, egkrateia· kata tōn toioytōn oyk estin nomos.
24 οἱ δὲ τοῦ Χριστοῦ Ἰησοῦ τὴν σάρκα ἐσταύρωσαν σὺν τοῖς παθήμασιν καὶ ταῖς ἐπιθυμίαις. ohi de toy christoy iēsoy tēn sarka estayrōsan syn tois pathēmasin kai tais epithymiais.
25 εἰ ζῶμεν πνεύματι, πνεύματι καὶ στοιχῶμεν. ei zōmen pneymati, pneymati kai stoichōmen.
26 μὴ γινώμεθα κενόδοξοι, ἀλλήλους προκαλούμενοι, ἀλλήλοις φθονοῦντες. mē ginōmetha kenodoxoi, allēloys prokaloymenoi, allēlois phthonoyntes.