1 Διαμαρτύρομαι ἐνώπιον τοῦ θεοῦ καὶ Χριστοῦ Ἰησοῦ, τοῦ μέλλοντος κρίνειν ζῶντας καὶ νεκρούς, καὶ τὴν ἐπιφάνειαν αὐτοῦ καὶ τὴν βασιλείαν αὐτοῦ· diamartyromai enōpion toy theoy kai christoy iēsoy, toy mellontos krinein zōntas kai nekroys, kai tēn epiphaneian aytoy kai tēn basileian aytoy·
2 κήρυξον τὸν λόγον, ἐπίστηθι εὐκαίρως ἀκαίρως, ἔλεγξον, παρακάλεσον, ἐπιτίμησον, ἐν πάσῃ μακροθυμίᾳ καὶ διδαχῇ. kēryxon ton logon, epistēthi eykairōs akairōs, elegxon, parakaleson, epitimēson, en pasē makrothymia kai didachē.
3 ἔσται γὰρ καιρὸς ὅτε τῆς ὑγιαινούσης διδασκαλίας οὐκ ἀνέξονται, ἀλλὰ κατὰ τὰς ἰδίας ἐπιθυμίας ἑαυτοῖς ἐπισωρεύσουσιν διδασκάλους κνηθόμενοι τὴν ἀκοήν, estai gar kairos hote tēs hygiainoysēs didaskalias oyk anexontai, alla kata tas idias epithymias heaytois episōreysoysin didaskaloys knēthomenoi tēn akoēn,
4 καὶ ἀπὸ μὲν τῆς ἀληθείας τὴν ἀκοὴν ἀποστρέψουσιν, ἐπὶ δὲ τοὺς μύθους ἐκτραπήσονται. kai apo men tēs alētheias tēn akoēn apostrepsoysin, epi de toys mythoys ektrapēsontai.
5 σὺ δὲ νῆφε ἐν πᾶσιν, κακοπάθησον, ἔργον ποίησον εὐαγγελιστοῦ, τὴν διακονίαν σου πληροφόρησον. sy de nēphe en pasin, kakopathēson, ergon poiēson eyaggelistoy, tēn diakonian soy plērophorēson.
6 ἐγὼ γὰρ ἤδη σπένδομαι, καὶ ὁ καιρὸς τῆς ἀναλύσεώς μου ἐφέστηκεν. egō gar ēdē spendomai, kai ho kairos tēs analyseōs moy ephestēken.
7 τὸν καλὸν ἀγῶνα ἠγώνισμαι, τὸν δρόμον τετέλεκα, τὴν πίστιν τετήρηκα· ton kalon agōna ēgōnismai, ton dromon teteleka, tēn pistin tetērēka·
8 λοιπὸν ἀπόκειταί μοι ὁ τῆς δικαιοσύνης στέφανος, ὃν ἀποδώσει μοι ὁ κύριος ἐν ἐκείνῃ τῇ ἡμέρᾳ, ὁ δίκαιος κριτής, οὐ μόνον δὲ ἐμοὶ ἀλλὰ καὶ πᾶσι τοῖς ἠγαπηκόσι τὴν ἐπιφάνειαν αὐτοῦ. loipon apokeitai moi ho tēs dikaiosynēs stephanos, hon apodōsei moi ho kyrios en ekeinē tē hēmera, ho dikaios kritēs, oy monon de emoi alla kai pasi tois ēgapēkosi tēn epiphaneian aytoy.
9 Σπούδασον ἐλθεῖν πρός με ταχέως. spoydason elthein pros me tacheōs.
10 Δημᾶς γάρ με ἐγκατέλιπεν ἀγαπήσας τὸν νῦν αἰῶνα, καὶ ἐπορεύθη εἰς Θεσσαλονίκην, Κρήσκης εἰς Γαλλίαν, Τίτος εἰς Δαλματίαν· dēmas gar me egkatelipen agapēsas ton nyn aiōna, kai eporeythē eis thessalonikēn, krēskēs eis gallian, titos eis dalmatian·
11 Λουκᾶς ἐστιν μόνος μετ’ ἐμοῦ. Μᾶρκον ἀναλαβὼν ἄγε μετὰ σεαυτοῦ, ἔστιν γάρ μοι εὔχρηστος εἰς διακονίαν. loykas estin monos met’ emoy. markon analabōn age meta seaytoy, estin gar moi eychrēstos eis diakonian.
12 Τυχικὸν δὲ ἀπέστειλα εἰς Ἔφεσον. tychikon de apesteila eis epheson.
13 τὸν φελόνην, ὃν ἀπέλιπον ἐν Τρῳάδι παρὰ Κάρπῳ, ἐρχόμενος φέρε, καὶ τὰ βιβλία, μάλιστα τὰς μεμβράνας. ton phelonēn, hon apelipon en trōadi para karpō, erchomenos phere, kai ta biblia, malista tas membranas.
14 Ἀλέξανδρος ὁ χαλκεὺς πολλά μοι κακὰ ἐνεδείξατο· ἀποδώσει αὐτῷ ὁ κύριος κατὰ τὰ ἔργα αὐτοῦ· alexandros ho chalkeys polla moi kaka enedeixato· apodōsei aytō ho kyrios kata ta erga aytoy·
15 ὃν καὶ σὺ φυλάσσου, λίαν γὰρ ἀντέστη τοῖς ἡμετέροις λόγοις. hon kai sy phylassoy, lian gar antestē tois hēmeterois logois.
16 ἐν τῇ πρώτῃ μου ἀπολογίᾳ οὐδείς μοι παρεγένετο, ἀλλὰ πάντες με ἐγκατέλιπον· μὴ αὐτοῖς λογισθείη· en tē prōtē moy apologia oydeis moi paregeneto, alla pantes me egkatelipon· mē aytois logistheiē·
17 ὁ δὲ κύριός μοι παρέστη καὶ ἐνεδυνάμωσέν με, ἵνα δι’ ἐμοῦ τὸ κήρυγμα πληροφορηθῇ καὶ ἀκούσωσιν πάντα τὰ ἔθνη, καὶ ἐρύσθην ἐκ στόματος λέοντος. ho de kyrios moi parestē kai enedynamōsen me, hina di’ emoy to kērygma plērophorēthē kai akoysōsin panta ta ethnē, kai erysthēn ek stomatos leontos.
18 ῥύσεταί με ὁ κύριος ἀπὸ παντὸς ἔργου πονηροῦ καὶ σώσει εἰς τὴν βασιλείαν αὐτοῦ τὴν ἐπουράνιον, ᾧ ἡ δόξα εἰς τοὺς αἰῶνας τῶν αἰώνων· ἀμήν. hrysetai me ho kyrios apo pantos ergoy ponēroy kai sōsei eis tēn basileian aytoy tēn epoyranion, hō hē doxa eis toys aiōnas tōn aiōnōn· amēn.
19 Ἄσπασαι Πρίσκαν καὶ Ἀκύλαν καὶ τὸν Ὀνησιφόρου οἶκον. aspasai priskan kai akylan kai ton onēsiphoroy oikon.
20 Ἔραστος ἔμεινεν ἐν Κορίνθῳ, Τρόφιμον δὲ ἀπέλιπον ἐν Μιλήτῳ ἀσθενοῦντα. erastos emeinen en korinthō, trophimon de apelipon en milētō asthenoynta.
21 σπούδασον πρὸ χειμῶνος ἐλθεῖν. ἀσπάζεταί σε Εὔβουλος καὶ Πούδης καὶ Λίνος καὶ Κλαυδία καὶ οἱ ἀδελφοὶ πάντες. spoydason pro cheimōnos elthein. aspazetai se eyboylos kai poydēs kai linos kai klaydia kai ohi adelphoi pantes.
22 Ὁ κύριος μετὰ τοῦ πνεύματός σου. ἡ χάρις μεθ’ ὑμῶν. ho kyrios meta toy pneymatos soy. hē charis meth’ hymōn.