1 Ἔλεγεν δὲ παραβολὴν αὐτοῖς πρὸς τὸ δεῖν πάντοτε προσεύχεσθαι αὐτοὺς καὶ μὴ ἐνκακεῖν, elegen de parabolēn aytois pros to dein pantote proseychesthai aytoys kai mē enkakein,
2 λέγων· κριτής τις ἦν ἔν τινι πόλει τὸν θεὸν μὴ φοβούμενος καὶ ἄνθρωπον μὴ ἐντρεπόμενος. legōn· kritēs tis ēn en tini polei ton theon mē phoboymenos kai anthrōpon mē entrepomenos.
3 χήρα δὲ ἦν ἐν τῇ πόλει ἐκείνῃ, καὶ ἤρχετο πρὸς αὐτὸν λέγουσα· ἐκδίκησόν με ἀπὸ τοῦ ἀντιδίκου μου. chēra de ēn en tē polei ekeinē, kai ērcheto pros ayton legoysa· ekdikēson me apo toy antidikoy moy.
4 καὶ οὐκ ἤθελεν ἐπὶ χρόνον· μετὰ δὲ ταῦτα εἶπεν ἐν ἑαυτῷ· εἰ καὶ τὸν θεὸν οὐ φοβοῦμαι οὐδὲ ἄνθρωπον ἐντρέπομαι, kai oyk ēthelen epi chronon· meta de tayta eipen en heaytō· ei kai ton theon oy phoboymai oyde anthrōpon entrepomai,
5 διά γε τὸ παρέχειν μοι κόπον τὴν χήραν ταύτην, ἐκδικήσω αὐτήν, ἵνα μὴ εἰς τέλος ἐρχομένη ὑπωπιάζῃ με. dia ge to parechein moi kopon tēn chēran taytēn, ekdikēsō aytēn, hina mē eis telos erchomenē hypōpiazē me.
6 εἶπεν δὲ ὁ κύριος, ἀκούσατε τί ὁ κριτὴς τῆς ἀδικίας λέγει· eipen de ho kyrios, akoysate ti ho kritēs tēs adikias legei·
7 ὁ δὲ θεὸς οὐ μὴ ποιήσῃ τὴν ἐκδίκησιν τῶν ἐκλεκτῶν αὐτοῦ τῶν βοώντων αὐτῷ ἡμέρας καὶ νυκτός, καὶ μακροθυμεῖ ἐπ’ αὐτοῖς; ho de theos oy mē poiēsē tēn ekdikēsin tōn eklektōn aytoy tōn boōntōn aytō hēmeras kai nyktos, kai makrothymei ep’ aytois ;
8 λέγω ὑμῖν ὅτι ποιήσει τὴν ἐκδίκησιν αὐτῶν ἐν τάχει. πλὴν ὁ υἱὸς τοῦ ἀνθρώπου ἐλθὼν ἆρα εὑρήσει τὴν πίστιν ἐπὶ τῆς γῆς; legō hymin hoti poiēsei tēn ekdikēsin aytōn en tachei. plēn ho yhios toy anthrōpoy elthōn ara ehyrēsei tēn pistin epi tēs gēs ;
9 Εἶπεν δὲ καὶ πρός τινας τοὺς πεποιθότας ἐφ’ ἑαυτοῖς ὅτι εἰσὶν δίκαιοι καὶ ἐξουθενοῦντας τοὺς λοιποὺς τὴν παραβολὴν ταύτην· eipen de kai pros tinas toys pepoithotas eph’ heaytois hoti eisin dikaioi kai exoythenoyntas toys loipoys tēn parabolēn taytēn·
10 Ἄνθρωποι δύο ἀνέβησαν εἰς τὸ ἱερὸν προσεύξασθαι, ὁ εἷς Φαρισαῖος καὶ ὁ ἕτερος τελώνης. anthrōpoi dyo anebēsan eis to hieron proseyxasthai, ho ehis pharisaios kai ho heteros telōnēs.
11 ὁ Φαρισαῖος σταθεὶς ταῦτα προσηύχετο· ὁ θεός, εὐχαριστῶ σοι ὅτι οὐκ εἰμὶ ὥσπερ οἱ λοιποὶ τῶν ἀνθρώπων, ἅρπαγες, ἄδικοι, μοιχοί, ἢ καὶ ὡς οὗτος ὁ τελώνης· ho pharisaios statheis tayta prosēycheto· ho theos, eycharistō soi hoti oyk eimi hōsper ohi loipoi tōn anthrōpōn, harpages, adikoi, moichoi, ē kai hōs ohytos ho telōnēs·
12 νηστεύω δὶς τοῦ σαββάτου, ἀποδεκατεύω πάντα ὅσα κτῶμαι. nēsteyō dis toy sabbatoy, apodekateyō panta hosa ktōmai.
13 ὁ δὲ τελώνης μακρόθεν ἑστὼς οὐκ ἤθελεν οὐδὲ τοὺς ὀφθαλμοὺς ἐπᾶραι εἰς τὸν οὐρανόν, ἀλλ’ ἔτυπτεν τὸ στῆθος αὐτοῦ λέγων· ὁ θεός, ἱλάσθητί μοι τῷ ἁμαρτωλῷ. ho de telōnēs makrothen hestōs oyk ēthelen oyde toys ophthalmoys eparai eis ton oyranon, all’ etypten to stēthos aytoy legōn· ho theos, hilasthēti moi tō hamartōlō.
14 λέγω ὑμῖν, κατέβη οὗτος δεδικαιωμένος εἰς τὸν οἶκον αὐτοῦ ἢ γὰρ ἐκεῖνος· ὅτι πᾶς ὁ ὑψῶν ἑαυτὸν ταπεινωθήσεται, ὁ δὲ ταπεινῶν ἑαυτὸν ὑψωθήσεται. legō hymin, katebē ohytos dedikaiōmenos eis ton oikon aytoy ē gar ekeinos· hoti pas ho hypsōn heayton tapeinōthēsetai, ho de tapeinōn heayton hypsōthēsetai.
15 Προσέφερον δὲ αὐτῷ καὶ τὰ βρέφη ἵνα αὐτῶν ἅπτηται· ἰδόντες δὲ οἱ μαθηταὶ ἐπετίμων αὐτοῖς. prosepheron de aytō kai ta brephē hina aytōn haptētai· idontes de ohi mathētai epetimōn aytois.
16 ὁ δὲ Ἰησοῦς προσεκαλέσατο αὐτὰ λέγων· ἄφετε τὰ παιδία ἔρχεσθαι πρός με καὶ μὴ κωλύετε αὐτά· τῶν γὰρ τοιούτων ἐστὶν ἡ βασιλεία τοῦ θεοῦ. ho de iēsoys prosekalesato ayta legōn· aphete ta paidia erchesthai pros me kai mē kōlyete ayta· tōn gar toioytōn estin hē basileia toy theoy.
17 ἀμὴν λέγω ὑμῖν, ὃς ἂν μὴ δέξηται τὴν βασιλείαν τοῦ θεοῦ ὡς παιδίον, οὐ μὴ εἰσέλθῃ εἰς αὐτήν. amēn legō hymin, hos an mē dexētai tēn basileian toy theoy hōs paidion, oy mē eiselthē eis aytēn.
18 Καὶ ἐπηρώτησέν τις αὐτὸν ἄρχων λέγων· διδάσκαλε ἀγαθέ, τί ποιήσας ζωὴν αἰώνιον κληρονομήσω; kai epērōtēsen tis ayton archōn legōn· didaskale agathe, ti poiēsas zōēn aiōnion klēronomēsō ;
19 εἶπεν δὲ αὐτῷ ὁ Ἰησοῦς· τί με λέγεις ἀγαθόν; οὐδεὶς ἀγαθὸς εἰ μὴ εἷς θεός. eipen de aytō ho iēsoys· ti me legeis agathon ; oydeis agathos ei mē ehis theos.
20 τὰς ἐντολὰς οἶδας· μὴ μοιχεύσῃς, μὴ φονεύσῃς, μὴ κλέψῃς, μὴ ψευδομαρτυρήσῃς, τίμα τὸν πατέρα σου καὶ τὴν μητέρα σου. tas entolas oidas· mē moicheysēs, mē phoneysēs, mē klepsēs, mē pseydomartyrēsēs, tima ton patera soy kai tēn mētera soy.
21 ὁ δὲ εἶπεν· ταῦτα πάντα ἐφύλαξα ἐκ νεότητος. ho de eipen· tayta panta ephylaxa ek neotētos.
22 ἀκούσας δὲ ὁ Ἰησοῦς εἶπεν αὐτῷ· ἔτι ἕν σοι λείπει· πάντα ὅσα ἔχεις πώλησον καὶ διάδος πτωχοῖς, καὶ ἕξεις θησαυρὸν ἐν οὐρανοῖς, καὶ δεῦρο ἀκολούθει μοι. akoysas de ho iēsoys eipen aytō· eti hen soi leipei· panta hosa echeis pōlēson kai diados ptōchois, kai hexeis thēsayron en oyranois, kai deyro akoloythei moi.
23 ὁ δὲ ἀκούσας ταῦτα περίλυπος ἐγενήθη, ἦν γὰρ πλούσιος σφόδρα. ho de akoysas tayta perilypos egenēthē, ēn gar ploysios sphodra.
24 ἰδὼν δὲ αὐτὸν ὁ Ἰησοῦς εἶπεν· πῶς δυσκόλως οἱ τὰ χρήματα ἔχοντες εἰς τὴν βασιλείαν τοῦ θεοῦ εἰσπορεύονται· idōn de ayton ho iēsoys eipen· pōs dyskolōs ohi ta chrēmata echontes eis tēn basileian toy theoy eisporeyontai·
25 εὐκοπώτερον γάρ ἐστιν κάμηλον διὰ τρήματος βελόνης εἰσελθεῖν ἢ πλούσιον εἰς τὴν βασιλείαν τοῦ θεοῦ εἰσελθεῖν. eykopōteron gar estin kamēlon dia trēmatos belonēs eiselthein ē ploysion eis tēn basileian toy theoy eiselthein.
26 εἶπαν δὲ οἱ ἀκούσαντες· καὶ τίς δύναται σωθῆναι; eipan de ohi akoysantes· kai tis dynatai sōthēnai ;
27 ὁ δὲ εἶπεν· τὰ ἀδύνατα παρὰ ἀνθρώποις δυνατὰ παρὰ τῷ θεῷ ἐστιν. ho de eipen· ta adynata para anthrōpois dynata para tō theō estin.
28 Εἶπεν δὲ Πέτρος· ἰδοὺ ἡμεῖς ἀφέντες τὰ ἴδια ἠκολουθήσαμέν σοι. eipen de petros· idoy hēmeis aphentes ta idia ēkoloythēsamen soi.
29 ὁ δὲ εἶπεν αὐτοῖς· ἀμὴν λέγω ὑμῖν, οὐδείς ἐστιν ὃς ἀφῆκεν οἰκίαν ἢ γυναῖκα ἢ ἀδελφοὺς ἢ γονεῖς ἢ τέκνα ἕνεκεν τῆς βασιλείας τοῦ θεοῦ, ho de eipen aytois· amēn legō hymin, oydeis estin hos aphēken oikian ē gynaika ē adelphoys ē goneis ē tekna heneken tēs basileias toy theoy,
30 ὃς οὐχὶ μὴ ἀπολάβῃ πολλαπλασίονα ἐν τῷ καιρῷ τούτῳ, καὶ ἐν τῷ αἰῶνι τῷ ἐρχομένῳ ζωὴν αἰώνιον. hos oychi mē apolabē pollaplasiona en tō kairō toytō, kai en tō aiōni tō erchomenō zōēn aiōnion.
31 Παραλαβὼν δὲ τοὺς δώδεκα εἶπεν πρὸς αὐτούς· ἰδοὺ ἀναβαίνομεν εἰς Ἱερουσαλήμ, καὶ τελεσθήσεται πάντα τὰ γεγραμμένα διὰ τῶν προφητῶν τῷ υἱῷ τοῦ ἀνθρώπου· paralabōn de toys dōdeka eipen pros aytoys· idoy anabainomen eis hieroysalēm, kai telesthēsetai panta ta gegrammena dia tōn prophētōn tō yhiō toy anthrōpoy·
32 παραδοθήσεται γὰρ τοῖς ἔθνεσιν καὶ ἐμπαιχθήσεται καὶ ὑβρισθήσεται καὶ ἐμπτυσθήσεται, paradothēsetai gar tois ethnesin kai empaichthēsetai kai hybristhēsetai kai emptysthēsetai,
33 καὶ μαστιγώσαντες ἀποκτενοῦσιν αὐτόν, καὶ τῇ ἡμέρᾳ τῇ τρίτῃ ἀναστήσεται. kai mastigōsantes apoktenoysin ayton, kai tē hēmera tē tritē anastēsetai.
34 καὶ αὐτοὶ οὐδὲν τούτων συνῆκαν, καὶ ἦν τὸ ῥῆμα τοῦτο κεκρυμμένον ἀπ’ αὐτῶν, καὶ οὐκ ἐγίνωσκον τὰ λεγόμενα. kai aytoi oyden toytōn synēkan, kai ēn to hrēma toyto kekrymmenon ap’ aytōn, kai oyk eginōskon ta legomena.
35 Ἐγένετο δὲ ἐν τῷ ἐγγίζειν αὐτὸν εἰς Ἱερειχὼ τυφλός τις ἐκάθητο παρὰ τὴν ὁδὸν ἐπαιτῶν. egeneto de en tō eggizein ayton eis hiereichō typhlos tis ekathēto para tēn hodon epaitōn.
36 ἀκούσας δὲ ὄχλου διαπορευομένου ἐπυνθάνετο τί εἴη τοῦτο· akoysas de ochloy diaporeyomenoy epynthaneto ti eiē toyto·
37 ἀπήγγειλαν δὲ αὐτῷ ὅτι Ἰησοῦς ὁ Ναζωραῖος παρέρχεται. apēggeilan de aytō hoti iēsoys ho nazōraios parerchetai.
38 καὶ ἐβόησεν λέγων· Ἰησοῦ υἱὲ Δαυείδ, ἐλέησόν με. kai eboēsen legōn· iēsoy yhie dayeid, eleēson me.
39 καὶ οἱ προάγοντες ἐπετίμων αὐτῷ ἵνα σιγήσῃ· αὐτὸς δὲ πολλῷ μᾶλλον ἔκραζεν· υἱὲ Δαυείδ, ἐλέησόν με. kai ohi proagontes epetimōn aytō hina sigēsē· aytos de pollō mallon ekrazen· yhie dayeid, eleēson me.
40 σταθεὶς δὲ ὁ Ἰησοῦς ἐκέλευσεν αὐτὸν ἀχθῆναι πρὸς αὐτόν. ἐγγίσαντος δὲ αὐτοῦ ἐπηρώτησεν αὐτόν· statheis de ho iēsoys ekeleysen ayton achthēnai pros ayton. eggisantos de aytoy epērōtēsen ayton·
41 τί σοι θέλεις ποιήσω; ὁ δὲ εἶπεν· κύριε, ἵνα ἀναβλέψω. ti soi theleis poiēsō ; ho de eipen· kyrie, hina anablepsō.
42 καὶ ὁ Ἰησοῦς εἶπεν αὐτῷ· ἀνάβλεψον· ἡ πίστις σου σέσωκέν σε. kai ho iēsoys eipen aytō· anablepson· hē pistis soy sesōken se.
43 καὶ παραχρῆμα ἀνέβλεψεν, καὶ ἠκολούθει αὐτῷ δοξάζων τὸν θεόν. καὶ πᾶς ὁ λαὸς ἰδὼν ἔδωκεν αἶνον τῷ θεῷ. kai parachrēma aneblepsen, kai ēkoloythei aytō doxazōn ton theon. kai pas ho laos idōn edōken ainon tō theō.