1 Ὁμοία γάρ ἐστιν ἡ βασιλεία τῶν οὐρανῶν ἀνθρώπῳ οἰκοδεσπότῃ, ὅστις ἐξῆλθεν ἅμα πρωῒ μισθώσασθαι ἐργάτας εἰς τὸν ἀμπελῶνα αὐτοῦ. homoia gar estin hē basileia tōn oyranōn anthrōpō oikodespotē, hostis exēlthen hama prōi misthōsasthai ergatas eis ton ampelōna aytoy.
2 συμφωνήσας δὲ μετὰ τῶν ἐργατῶν ἐκ δηναρίου τὴν ἡμέραν ἀπέστειλεν αὐτοὺς εἰς τὸν ἀμπελῶνα αὐτοῦ. symphōnēsas de meta tōn ergatōn ek dēnarioy tēn hēmeran apesteilen aytoys eis ton ampelōna aytoy.
3 καὶ ἐξελθὼν περὶ τρίτην ὥραν εἶδεν ἄλλους ἑστῶτας ἐν τῇ ἀγορᾷ ἀργούς, kai exelthōn peri tritēn hōran eiden alloys hestōtas en tē agora argoys,
4 καὶ ἐκείνοις εἶπεν· ὑπάγετε καὶ ὑμεῖς εἰς τὸν ἀμπελῶνα, καὶ ὃ ἐὰν ᾖ δίκαιον δώσω ὑμῖν. kai ekeinois eipen· hypagete kai hymeis eis ton ampelōna, kai ho ean ē dikaion dōsō hymin.
5 οἱ δὲ ἀπῆλθον. πάλιν δὲ ἐξελθὼν περὶ ἕκτην καὶ ἐνάτην ὥραν ἐποίησεν ὡσαύτως. ohi de apēlthon. palin de exelthōn peri hektēn kai enatēn hōran epoiēsen hōsaytōs.
6 περὶ δὲ τὴν ἑνδεκάτην ἐξελθὼν εὗρεν ἄλλους ἑστῶτας, καὶ λέγει αὐτοῖς· τί ὧδε ἑστήκατε ὅλην τὴν ἡμέραν ἀργοί; peri de tēn hendekatēn exelthōn ehyren alloys hestōtas, kai legei aytois· ti hōde hestēkate holēn tēn hēmeran argoi ;
7 λέγουσιν αὐτῷ· ὅτι οὐδεὶς ἡμᾶς ἐμισθώσατο. λέγει αὐτοῖς· ὑπάγετε καὶ ὑμεῖς εἰς τὸν ἀμπελῶνα. legoysin aytō· hoti oydeis hēmas emisthōsato. legei aytois· hypagete kai hymeis eis ton ampelōna.
8 ὀψίας δὲ γενομένης λέγει ὁ κύριος τοῦ ἀμπελῶνος τῷ ἐπιτρόπῳ αὐτοῦ· κάλεσον τοὺς ἐργάτας καὶ ἀπόδος τὸν μισθὸν ἀρξάμενος ἀπὸ τῶν ἐσχάτων ἕως τῶν πρώτων. opsias de genomenēs legei ho kyrios toy ampelōnos tō epitropō aytoy· kaleson toys ergatas kai apodos ton misthon arxamenos apo tōn eschatōn heōs tōn prōtōn.
9 καὶ ἐλθόντες οἱ περὶ τὴν ἑνδεκάτην ὥραν ἔλαβον ἀνὰ δηνάριον. kai elthontes ohi peri tēn hendekatēn hōran elabon ana dēnarion.
10 ἐλθόντες δὲ οἱ πρῶτοι ἐνόμισαν ὅτι πλεῖον λήμψονται· καὶ ἔλαβον τὸ ἀνὰ δηνάριον καὶ αὐτοί. elthontes de ohi prōtoi enomisan hoti pleion lēmpsontai· kai elabon to ana dēnarion kai aytoi.
11 λαβόντες δὲ ἐγόγγυζον κατὰ τοῦ οἰκοδεσπότου labontes de egoggyzon kata toy oikodespotoy
12 λέγοντες· οὗτοι οἱ ἔσχατοι μίαν ὥραν ἐποίησαν, καὶ ἴσους αὐτοὺς ἡμῖν ἐποίησας τοῖς βαστάσασι τὸ βάρος τῆς ἡμέρας καὶ τὸν καύσωνα. legontes· ohytoi ohi eschatoi mian hōran epoiēsan, kai isoys aytoys hēmin epoiēsas tois bastasasi to baros tēs hēmeras kai ton kaysōna.
13 ὁ δὲ ἀποκριθεὶς ἑνὶ αὐτῶν εἶπεν· ἑταῖρε, οὐκ ἀδικῶ σε· οὐχὶ δηναρίου συνεφώνησάς μοι; ho de apokritheis heni aytōn eipen· hetaire, oyk adikō se· oychi dēnarioy synephōnēsas moi ;
14 ἆρον τὸ σὸν καὶ ὕπαγε. θέλω δὲ τούτῳ τῷ ἐσχάτῳ δοῦναι ὡς καὶ σοί· aron to son kai hypage. thelō de toytō tō eschatō doynai hōs kai soi·
15 ἢ οὐκ ἔξεστίν μοι ὃ θέλω ποιῆσαι ἐν τοῖς ἐμοῖς; ἢ ὁ ὀφθαλμός σου πονηρός ἐστιν ὅτι ἐγὼ ἀγαθός εἰμι; ē oyk exestin moi ho thelō poiēsai en tois emois ; ē ho ophthalmos soy ponēros estin hoti egō agathos eimi ;
16 οὕτως ἔσονται οἱ ἔσχατοι πρῶτοι καὶ οἱ πρῶτοι ἔσχατοι. ohytōs esontai ohi eschatoi prōtoi kai ohi prōtoi eschatoi.
17 Καὶ ἀναβαίνων ὁ Ἰησοῦς εἰς Ἱεροσόλυμα παρέλαβεν τοὺς δώδεκα κατ’ ἰδίαν, καὶ ἐν τῇ ὁδῷ εἶπεν αὐτοῖς· kai anabainōn ho iēsoys eis hierosolyma parelaben toys dōdeka kat’ idian, kai en tē hodō eipen aytois·
18 ἰδοὺ ἀναβαίνομεν εἰς Ἱεροσόλυμα, καὶ ὁ υἱὸς τοῦ ἀνθρώπου παραδοθήσεται τοῖς ἀρχιερεῦσιν καὶ γραμματεῦσιν, καὶ κατακρινοῦσιν αὐτὸν εἰς θάνατον. idoy anabainomen eis hierosolyma, kai ho yhios toy anthrōpoy paradothēsetai tois archiereysin kai grammateysin, kai katakrinoysin ayton eis thanaton.
19 καὶ παραδώσουσιν αὐτὸν τοῖς ἔθνεσιν εἰς τὸ ἐμπαῖξαι καὶ μαστιγῶσαι καὶ σταυρῶσαι, καὶ τῇ τρίτῃ ἡμέρᾳ ἐγερθήσεται. kai paradōsoysin ayton tois ethnesin eis to empaixai kai mastigōsai kai stayrōsai, kai tē tritē hēmera egerthēsetai.
20 Τότε προσῆλθεν αὐτῷ ἡ μήτηρ τῶν υἱῶν Ζεβεδαίου μετὰ τῶν υἱῶν αὐτῆς, προσκυνοῦσα καὶ αἰτοῦσά τι παρ’ αὐτοῦ. tote prosēlthen aytō hē mētēr tōn yhiōn zebedaioy meta tōn yhiōn aytēs, proskynoysa kai aitoysa ti par’ aytoy.
21 ὁ δὲ εἶπεν αὐτῇ· τί θέλεις; λέγει αὐτῷ· εἰπὲ ἵνα καθίσωσιν οὗτοι οἱ δύο υἱοί μου εἷς ἐκ δεξιῶν καὶ εἷς ἐξ εὐωνύμων σου ἐν τῇ βασιλείᾳ σου. ho de eipen aytē· ti theleis ; legei aytō· eipe hina kathisōsin ohytoi ohi dyo yhioi moy ehis ek dexiōn kai ehis ex eyōnymōn soy en tē basileia soy.
22 ἀποκριθεὶς δὲ ὁ Ἰησοῦς εἶπεν· οὐκ οἴδατε τί αἰτεῖσθε. δύνασθε πιεῖν τὸ ποτήριον ὃ ἐγὼ μέλλω πίνειν; λέγουσιν αὐτῷ· δυνάμεθα. apokritheis de ho iēsoys eipen· oyk oidate ti aiteisthe. dynasthe piein to potērion ho egō mellō pinein ; legoysin aytō· dynametha.
23 λέγει αὐτοῖς· τὸ μὲν ποτήριόν μου πίεσθε, τὸ δὲ καθίσαι ἐκ δεξιῶν μου καὶ ἐξ εὐωνύμων, οὐκ ἔστιν ἐμὸν τοῦτο δοῦναι, ἀλλ’ οἷς ἡτοίμασται ὑπὸ τοῦ πατρός μου. legei aytois· to men potērion moy piesthe, to de kathisai ek dexiōn moy kai ex eyōnymōn, oyk estin emon toyto doynai, all’ ohis hētoimastai hypo toy patros moy.
24 ἀκούσαντες δὲ οἱ δέκα ἠγανάκτησαν περὶ τῶν δύο ἀδελφῶν. akoysantes de ohi deka ēganaktēsan peri tōn dyo adelphōn.
25 ὁ δὲ Ἰησοῦς προσκαλεσάμενος αὐτοὺς εἶπεν· οἴδατε ὅτι οἱ ἄρχοντες τῶν ἐθνῶν κατακυριεύουσιν αὐτῶν καὶ οἱ μεγάλοι κατεξουσιάζουσιν αὐτῶν. ho de iēsoys proskalesamenos aytoys eipen· oidate hoti ohi archontes tōn ethnōn katakyrieyoysin aytōn kai ohi megaloi katexoysiazoysin aytōn.
26 οὐχ οὕτως ἔσται ἐν ὑμῖν· ἀλλ’ ὃς ἐὰν θέλῃ ἐν ὑμῖν μέγας γενέσθαι ἔσται ὑμῶν διάκονος, oych ohytōs estai en hymin· all’ hos ean thelē en hymin megas genesthai estai hymōn diakonos,
27 καὶ ὃς ἂν θέλῃ ἐν ὑμῖν εἶναι πρῶτος ἔσται ὑμῶν δοῦλος· kai hos an thelē en hymin einai prōtos estai hymōn doylos·
28 ὥσπερ ὁ υἱὸς τοῦ ἀνθρώπου οὐκ ἦλθεν διακονηθῆναι, ἀλλὰ διακονῆσαι καὶ δοῦναι τὴν ψυχὴν αὐτοῦ λύτρον ἀντὶ πολλῶν. hōsper ho yhios toy anthrōpoy oyk ēlthen diakonēthēnai, alla diakonēsai kai doynai tēn psychēn aytoy lytron anti pollōn.
29 Καὶ ἐκπορευομένων αὐτῶν ἀπὸ Ἱερειχὼ ἠκολούθησεν αὐτῷ ὄχλος πολύς. kai ekporeyomenōn aytōn apo hiereichō ēkoloythēsen aytō ochlos polys.
30 καὶ ἰδοὺ δύο τυφλοὶ καθήμενοι παρὰ τὴν ὁδόν, ἀκούσαντες ὅτι Ἰησοῦς παράγει, ἔκραξαν λέγοντες, ἐλέησον ἡμᾶς, υἱὲ Δαυείδ. kai idoy dyo typhloi kathēmenoi para tēn hodon, akoysantes hoti iēsoys paragei, ekraxan legontes, eleēson hēmas, yhie dayeid.
31 ὁ δὲ ὄχλος ἐπετίμησεν αὐτοῖς ἵνα σιωπήσωσιν· οἱ δὲ μεῖζον ἔκραξαν λέγοντες· κύριε, ἐλέησον ἡμᾶς, υἱέ Δαυείδ. ho de ochlos epetimēsen aytois hina siōpēsōsin· ohi de meizon ekraxan legontes· kyrie, eleēson hēmas, yhie dayeid.
32 καὶ στὰς ὁ Ἰησοῦς ἐφώνησεν αὐτοὺς καὶ εἶπεν· τί θέλετε ποιήσω ὑμῖν; kai stas ho iēsoys ephōnēsen aytoys kai eipen· ti thelete poiēsō hymin ;
33 λέγουσιν αὐτῷ· κύριε, ἵνα ἀνοιγῶσιν οἱ ὀφθαλμοὶ ἡμῶν. legoysin aytō· kyrie, hina anoigōsin ohi ophthalmoi hēmōn.
34 σπλαγχνισθεὶς δὲ ὁ Ἰησοῦς ἥψατο τῶν ὀμμάτων αὐτῶν, καὶ εὐθέως ἀνέβλεψαν καὶ ἠκολούθησαν αὐτῷ. splagchnistheis de ho iēsoys hēpsato tōn ommatōn aytōn, kai eytheōs aneblepsan kai ēkoloythēsan aytō.