2 Corinthiens 4

¹ Διὰ τοῦτο ἔχοντες τὴν διακονίαν ταύτην, καθὼς ἠλεήθημεν, οὐκ ἐγκακοῦμεν, dia toyto echontes tēn diakonian taytēn, kathōs ēleēthēmen, oyk egkakoymen,

² ἀλλὰ ἀπειπάμεθα τὰ κρυπτὰ τῆς αἰσχύνης, μὴ περιπατοῦντες ἐν πανουργίᾳ μηδὲ δολοῦντες τὸν λόγον τοῦ θεοῦ, ἀλλὰ τῇ φανερώσει τῆς ἀληθείας συνιστάντες ἑαυτοὺς πρὸς πᾶσαν συνείδησιν ἀνθρώπων ἐνώπιον τοῦ θεοῦ. alla apeipametha ta krypta tēs aischynēs, mē peripatoyntes en panoyrgia mēde doloyntes ton logon toy theoy, alla tē phanerōsei tēs alētheias synistantes heaytoys pros pasan syneidēsin anthrōpōn enōpion toy theoy.

³ εἰ δὲ καὶ ἔστιν κεκαλυμμένον τὸ εὐαγγέλιον ἡμῶν, ἐν τοῖς ἀπολλυμένοις ἐστὶν κεκαλυμμένον, ei de kai estin kekalymmenon to eyaggelion hēmōn, en tois apollymenois estin kekalymmenon,

⁴ ἐν οἷς ὁ θεὸς τοῦ αἰῶνος τούτου ἐτύφλωσεν τὰ νοήματα τῶν ἀπίστων εἰς τὸ μὴ αὐγάσαι τὸν φωτισμὸν τοῦ εὐαγγελίου τῆς δόξης τοῦ Χριστοῦ, ὅς ἐστιν εἰκὼν τοῦ θεοῦ. en ohis ho theos toy aiōnos toytoy etyphlōsen ta noēmata tōn apistōn eis to mē aygasai ton phōtismon toy eyaggelioy tēs doxēs toy christoy, hos estin eikōn toy theoy.

⁵ οὐ γὰρ ἑαυτοὺς κηρύσσομεν ἀλλὰ Χριστὸν Ἰησοῦν κύριον, ἑαυτοὺς δὲ δούλους ὑμῶν διὰ Ἰησοῦν. oy gar heaytoys kēryssomen alla christon iēsoyn kyrion, heaytoys de doyloys hymōn dia iēsoyn.

⁶ ὅτι ὁ θεὸς ὁ εἰπών, ἐκ σκότους φῶς λάμψει, ὃς ἔλαμψεν ἐν ταῖς καρδίαις ἡμῶν πρὸς φωτισμὸν τῆς γνώσεως τῆς δόξης τοῦ θεοῦ ἐν προσώπῳ Χριστοῦ. hoti ho theos ho eipōn, ek skotoys phōs lampsei, hos elampsen en tais kardiais hēmōn pros phōtismon tēs gnōseōs tēs doxēs toy theoy en prosōpō christoy.

⁷ Ἔχομεν δὲ τὸν θησαυρὸν τοῦτον ἐν ὀστρακίνοις σκεύεσιν, ἵνα ἡ ὑπερβολὴ τῆς δυνάμεως ᾖ τοῦ θεοῦ καὶ μὴ ἐξ ἡμῶν· echomen de ton thēsayron toyton en ostrakinois skeyesin, hina hē hyperbolē tēs dynameōs ē toy theoy kai mē ex hēmōn·

⁸ ἐν παντὶ θλιβόμενοι ἀλλ’ οὐ στενοχωρούμενοι, ἀπορούμενοι ἀλλ’ οὐκ ἐξαπορούμενοι, en panti thlibomenoi all’ oy stenochōroymenoi, aporoymenoi all’ oyk exaporoymenoi,

⁹ διωκόμενοι ἀλλ’ οὐκ ἐγκαταλειπόμενοι, καταβαλλόμενοι ἀλλ’ οὐκ ἀπολλύμενοι, diōkomenoi all’ oyk egkataleipomenoi, kataballomenoi all’ oyk apollymenoi,

¹⁰ πάντοτε τὴν νέκρωσιν τοῦ Ἰησοῦ ἐν τῷ σώματι περιφέροντες, ἵνα καὶ ἡ ζωὴ τοῦ Ἰησοῦ ἐν τοῖς σώμασιν ἡμῶν φανερωθῇ. pantote tēn nekrōsin toy iēsoy en tō sōmati peripherontes, hina kai hē zōē toy iēsoy en tois sōmasin hēmōn phanerōthē.

¹¹ ἀεὶ γὰρ ἡμεῖς οἱ ζῶντες εἰς θάνατον παραδιδόμεθα διὰ Ἰησοῦν, ἵνα καὶ ἡ ζωὴ τοῦ Ἰησοῦ φανερωθῇ ἐν τῇ θνητῇ σαρκὶ ἡμῶν. aei gar hēmeis ohi zōntes eis thanaton paradidometha dia iēsoyn, hina kai hē zōē toy iēsoy phanerōthē en tē thnētē sarki hēmōn.

¹² ὥστε ὁ θάνατος ἐν ἡμῖν ἐνεργεῖται, ἡ δὲ ζωὴ ἐν ὑμῖν. hōste ho thanatos en hēmin energeitai, hē de zōē en hymin.

¹³ ἔχοντες δὲ τὸ αὐτὸ πνεῦμα τῆς πίστεως, κατὰ τὸ γεγραμμένον, ἐπίστευσα, διὸ καὶ ἐλάλησα, καὶ ἡμεῖς πιστεύομεν, διὸ καὶ λαλοῦμεν, echontes de to ayto pneyma tēs pisteōs, kata to gegrammenon, episteysa, dio kai elalēsa, kai hēmeis pisteyomen, dio kai laloymen,

¹⁴ εἰδότες ὅτι ὁ ἐγείρας τὸν κύριον Ἰησοῦν καὶ ἡμᾶς σὺν Ἰησοῦ ἐγερεῖ καὶ παραστήσει σὺν ὑμῖν. eidotes hoti ho egeiras ton kyrion iēsoyn kai hēmas syn iēsoy egerei kai parastēsei syn hymin.

¹⁵ τὰ γὰρ πάντα δι’ ὑμᾶς, ἵνα ἡ χάρις πλεονάσασα διὰ τῶν πλειόνων τὴν εὐχαριστίαν περισσεύσῃ εἰς τὴν δόξαν τοῦ θεοῦ. ta gar panta di’ hymas, hina hē charis pleonasasa dia tōn pleionōn tēn eycharistian perisseysē eis tēn doxan toy theoy.

¹⁶ Διὸ οὐκ ἐγκακοῦμεν, ἀλλ’ εἰ καὶ ὁ ἔξω ἡμῶν ἄνθρωπος διαφθείρεται, ἀλλ’ ὁ ἔσω ἡμῶν ἀνακαινοῦται ἡμέρᾳ καὶ ἡμέρᾳ. dio oyk egkakoymen, all’ ei kai ho exō hēmōn anthrōpos diaphtheiretai, all’ ho esō hēmōn anakainoytai hēmera kai hēmera.

¹⁷ τὸ γὰρ παραυτίκα ἐλαφρὸν τῆς θλίψεως ἡμῶν καθ’ ὑπερβολὴν εἰς ὑπερβολὴν αἰώνιον βάρος δόξης κατεργάζεται ἡμῖν, to gar paraytika elaphron tēs thlipseōs hēmōn kath’ hyperbolēn eis hyperbolēn aiōnion baros doxēs katergazetai hēmin,

¹⁸ μὴ σκοπούντων ἡμῶν τὰ βλεπόμενα ἀλλὰ τὰ μὴ βλεπόμενα· τὰ γὰρ βλεπόμενα πρόσκαιρα, τὰ δὲ μὴ βλεπόμενα αἰώνια. mē skopoyntōn hēmōn ta blepomena alla ta mē blepomena· ta gar blepomena proskaira, ta de mē blepomena aiōnia.