Actes 7

¹ Εἶπεν δὲ ὁ ἀρχιερεύς· εἶ ταῦτα οὕτως ἔχει; eipen de ho archiereys· ei tayta ohytōs echei ;

² ὁ δὲ ἔφη, ἄνδρες ἀδελφοὶ καὶ πατέρες, ἀκούσατε. ὁ θεὸς τῆς δόξης ὤφθη τῷ πατρὶ ἡμῶν Ἀβραὰμ ὄντι ἐν τῇ Μεσοποταμίᾳ πρὶν ἢ κατοικῆσαι αὐτὸν ἐν Χαρράν, ho de ephē, andres adelphoi kai pateres, akoysate. ho theos tēs doxēs ōphthē tō patri hēmōn abraam onti en tē mesopotamia prin ē katoikēsai ayton en charran,

³ καὶ εἶπεν πρὸς αὐτόν, ἔξελθε ἐκ τῆς γῆς σου καὶ ἐκ τῆς συγγενείας σου, καὶ δεῦρο εἰς τὴν γῆν ἣν ἄν σοι δείξω. kai eipen pros ayton, exelthe ek tēs gēs soy kai ek tēs syggeneias soy, kai deyro eis tēn gēn hēn an soi deixō.

⁴ τότε ἐξελθὼν ἐκ γῆς Χαλδαίων κατῴκησεν ἐν Χαρράν. κἀκεῖθεν μετὰ τὸ ἀποθανεῖν τὸν πατέρα αὐτοῦ μετῴκισεν αὐτὸν εἰς τὴν γῆν ταύτην εἰς ἣν ὑμεῖς νῦν κατοικεῖτε, tote exelthōn ek gēs chaldaiōn katōkēsen en charran. kakeithen meta to apothanein ton patera aytoy metōkisen ayton eis tēn gēn taytēn eis hēn hymeis nyn katoikeite,

⁵ καὶ οὐκ ἔδωκεν αὐτῷ κληρονομίαν ἐν αὐτῇ οὐδὲ βῆμα ποδός, καὶ ἐπηγγείλατο δοῦναι αὐτῷ εἰς κατάσχεσιν αὐτὴν καὶ τῷ σπέρματι αὐτοῦ μετ’ αὐτόν, οὐκ ὄντος αὐτῷ τέκνου. kai oyk edōken aytō klēronomian en aytē oyde bēma podos, kai epēggeilato doynai aytō eis kataschesin aytēn kai tō spermati aytoy met’ ayton, oyk ontos aytō teknoy.

⁶ ἐλάλησεν δὲ οὕτως ὁ θεὸς ὅτι ἔσται τὸ σπέρμα αὐτοῦ πάροικον ἐν γῇ ἀλλοτρίᾳ, καὶ δουλώσουσιν αὐτὸ καὶ κακώσουσιν ἔτη τετρακόσια· elalēsen de ohytōs ho theos hoti estai to sperma aytoy paroikon en gē allotria, kai doylōsoysin ayto kai kakōsoysin etē tetrakosia·

⁷ καὶ τὸ ἔθνος ᾧ ἐὰν δουλεύσουσιν κρινῶ ἐγώ, ὁ θεὸς εἶπεν, καὶ μετὰ ταῦτα ἐξελεύσονται καὶ λατρεύσουσίν μοι ἐν τῷ τόπῳ τούτῳ. kai to ethnos hō ean doyleysoysin krinō egō, ho theos eipen, kai meta tayta exeleysontai kai latreysoysin moi en tō topō toytō.

⁸ καὶ ἔδωκεν αὐτῷ διαθήκην περιτομῆς· καὶ οὕτως ἐγέννησεν τὸν Ἰσαὰκ καὶ περιέτεμεν αὐτὸν τῇ ἡμέρᾳ τῇ ὀγδόῃ, καὶ Ἰσαὰκ τὸν Ἰακώβ, καὶ Ἰακὼβ τοὺς δώδεκα πατριάρχας. kai edōken aytō diathēkēn peritomēs· kai ohytōs egennēsen ton isaak kai perietemen ayton tē hēmera tē ogdoē, kai isaak ton iakōb, kai iakōb toys dōdeka patriarchas.

⁹ Καὶ οἱ πατριάρχαι ζηλώσαντες τὸν Ἰωσὴφ ἀπέδοντο εἰς Αἴγυπτον· καὶ ἦν ὁ θεὸς μετ’ αὐτοῦ, kai ohi patriarchai zēlōsantes ton iōsēph apedonto eis aigypton· kai ēn ho theos met’ aytoy,

¹⁰ καὶ ἐξείλατο αὐτὸν ἐκ πασῶν τῶν θλίψεων αὐτοῦ, καὶ ἔδωκεν αὐτῷ χάριν καὶ σοφίαν ἔναντι Φαραὼ βασιλέως Αἰγύπτου, καὶ κατέστησεν αὐτὸν ἡγούμενον ἐπ’ Αἴγυπτον καὶ ἐφ’ ὅλον τὸν οἶκον αὐτοῦ. kai exeilato ayton ek pasōn tōn thlipseōn aytoy, kai edōken aytō charin kai sophian enanti pharaō basileōs aigyptoy, kai katestēsen ayton hēgoymenon ep’ aigypton kai eph’ holon ton oikon aytoy.

¹¹ ἦλθεν δὲ λιμὸς ἐφ’ ὅλην τὴν Αἴγυπτον καὶ Χανάαν καὶ θλῖψις μεγάλη, καὶ οὐχ εὕρισκον χορτάσματα οἱ πατέρες ἡμῶν. ēlthen de limos eph’ holēn tēn aigypton kai chanaan kai thlipsis megalē, kai oych ehyriskon chortasmata ohi pateres hēmōn.

¹² ἀκούσας δὲ Ἰακὼβ ὄντα σιτία εἰς Αἴγυπτον ἐξαπέστειλεν τοὺς πατέρας ἡμῶν πρῶτον· akoysas de iakōb onta sitia eis aigypton exapesteilen toys pateras hēmōn prōton·

¹³ καὶ ἐν τῷ δευτέρῳ ἀνεγνωρίσθη Ἰωσὴφ τοῖς ἀδελφοῖς αὐτοῦ, καὶ φανερὸν ἐγένετο τῷ Φαραὼ τὸ γένος αὐτοῦ. kai en tō deyterō anegnōristhē iōsēph tois adelphois aytoy, kai phaneron egeneto tō pharaō to genos aytoy.

¹⁴ ἀποστείλας δὲ Ἰωσὴφ μετεκαλέσατο Ἰακὼβ τὸν πατέρα αὐτοῦ καὶ πᾶσαν τὴν συγγένειαν ἐν ψυχαῖς ἑβδομήκοντα πέντε, aposteilas de iōsēph metekalesato iakōb ton patera aytoy kai pasan tēn syggeneian en psychais hebdomēkonta pente,

¹⁵ καὶ κατέβη Ἰακὼβ εἰς Αἴγυπτον. καὶ ἐτελεύτησεν αὐτὸς καὶ οἱ πατέρες ἡμῶν, kai katebē iakōb eis aigypton. kai eteleytēsen aytos kai ohi pateres hēmōn,

¹⁶ καὶ μετετέθησαν εἰς Συχὲμ καὶ ἐτέθησαν ἐν τῷ μνήματι ᾧ ὠνήσατο Ἀβραὰμ τιμῆς ἀργυρίου παρὰ τῶν υἱῶν Ἑμμὼρ ἐν Συχέμ. kai metetethēsan eis sychem kai etethēsan en tō mnēmati hō ōnēsato abraam timēs argyrioy para tōn yhiōn hemmōr en sychem.

¹⁷ καθὼς δὲ ἤγγιζεν ὁ χρόνος τῆς ἐπαγγελίας ἧς ὡμολόγησεν ὁ θεὸς τῷ Ἀβραάμ, ηὔξησεν ὁ λαὸς καὶ ἐπληθύνθη ἐν Αἰγύπτῳ, kathōs de ēggizen ho chronos tēs epaggelias hēs hōmologēsen ho theos tō abraam, ēyxēsen ho laos kai eplēthynthē en aigyptō,

¹⁸ ἄχρι οὗ ἀνέστη βασιλεὺς ἕτερος ἐπ’ Αἴγυπτον ὃς οὐκ ᾔδει τὸν Ἰωσήφ. achri ohy anestē basileys heteros ep’ aigypton hos oyk ēdei ton iōsēph.

¹⁹ οὗτος κατασοφισάμενος τὸ γένος ἡμῶν ἐκάκωσεν τοὺς πατέρας τοῦ ποιεῖν τὰ βρέφη ἔκθετα αὐτῶν εἰς τὸ μὴ ζῳογονεῖσθαι. ohytos katasophisamenos to genos hēmōn ekakōsen toys pateras toy poiein ta brephē ektheta aytōn eis to mē zōogoneisthai.

²⁰ ἐν ᾧ καιρῷ ἐγεννήθη Μωϋσῆς, καὶ ἦν ἀστεῖος τῷ θεῷ· ὃς ἀνετράφη μῆνας τρεῖς ἐν τῷ οἴκῳ τοῦ πατρός· en hō kairō egennēthē mōysēs, kai ēn asteios tō theō· hos anetraphē mēnas treis en tō oikō toy patros·

²¹ ἐκτεθέντος δὲ αὐτοῦ ἀνείλατο αὐτὸν ἡ θυγάτηρ Φαραὼ καὶ ἀνεθρέψατο αὐτὸν ἑαυτῇ εἰς υἱόν. ektethentos de aytoy aneilato ayton hē thygatēr pharaō kai anethrepsato ayton heaytē eis yhion.

²² καὶ ἐπαιδεύθη Μωϋσῆς ἐν πάσῃ σοφίᾳ Αἰγυπτίων, ἦν δὲ δυνατὸς ἐν λόγοις καὶ ἔργοις αὐτοῦ. kai epaideythē mōysēs en pasē sophia aigyptiōn, ēn de dynatos en logois kai ergois aytoy.

²³ ὡς δὲ ἐπληροῦτο αὐτῷ τεσσερακονταετὴς χρόνος, ἀνέβη ἐπὶ τὴν καρδίαν αὐτοῦ ἐπισκέψασθαι τοὺς ἀδελφοὺς αὐτοῦ τοὺς υἱοὺς Ἰσραήλ. hōs de eplēroyto aytō tesserakontaetēs chronos, anebē epi tēn kardian aytoy episkepsasthai toys adelphoys aytoy toys yhioys israēl.

²⁴ καὶ ἰδών τινα ἀδικούμενον ἠμύνατο καὶ ἐποίησεν ἐκδίκησιν τῷ καταπονουμένῳ πατάξας τὸν Αἰγύπτιον. kai idōn tina adikoymenon ēmynato kai epoiēsen ekdikēsin tō kataponoymenō pataxas ton aigyption.

²⁵ ἐνόμιζεν δὲ συνιέναι τοὺς ἀδελφοὺς ὅτι ὁ θεὸς διὰ χειρὸς αὐτοῦ δίδωσιν σωτηρίαν αὐτοῖς, οἱ δὲ οὐ συνῆκαν. enomizen de synienai toys adelphoys hoti ho theos dia cheiros aytoy didōsin sōtērian aytois, ohi de oy synēkan.

²⁶ τῇ τε ἐπιούσῃ ἡμέρᾳ ὤφθη αὐτοῖς μαχομένοις καὶ συνήλλασσεν αὐτοὺς εἰς εἰρήνην εἰπών, ἄνδρες, ἀδελφοί ἐστε· ἱνατί ἀδικεῖτε ἀλλήλους; tē te epioysē hēmera ōphthē aytois machomenois kai synēllassen aytoys eis eirēnēn eipōn, andres, adelphoi este· hinati adikeite allēloys ;

²⁷ ὁ δὲ ἀδικῶν τὸν πλησίον ἀπώσατο αὐτὸν εἰπών, τίς σε κατέστησεν ἄρχοντα καὶ δικαστὴν ἐφ’ ἡμῶν; ho de adikōn ton plēsion apōsato ayton eipōn, tis se katestēsen archonta kai dikastēn eph’ hēmōn ;

²⁸ μὴ ἀνελεῖν με σὺ θέλεις ὃν τρόπον ἀνεῖλες ἐχθὲς τὸν Αἰγύπτιον; mē anelein me sy theleis hon tropon aneiles echthes ton aigyption ;

²⁹ ἔφυγεν δὲ Μωϋσῆς ἐν τῷ λόγῳ τούτῳ, καὶ ἐγένετο πάροικος ἐν γῇ Μαδιάμ, οὗ ἐγέννησεν υἱοὺς δύο. ephygen de mōysēs en tō logō toytō, kai egeneto paroikos en gē madiam, ohy egennēsen yhioys dyo.

³⁰ Καὶ πληρωθέντων ἐτῶν τεσσεράκοντα ὤφθη αὐτῷ ἐν τῇ ἐρήμῳ τοῦ ὄρους Σινᾶ ἄγγελος ἐν φλογὶ πυρὸς βάτου. kai plērōthentōn etōn tesserakonta ōphthē aytō en tē erēmō toy oroys sina aggelos en phlogi pyros batoy.

³¹ ὁ δὲ Μωϋσῆς ἰδὼν ἐθαύμαζεν τὸ ὅραμα· προσερχομένου δὲ αὐτοῦ κατανοῆσαι ἐγένετο φωνὴ κυρίου, ho de mōysēs idōn ethaymazen to horama· proserchomenoy de aytoy katanoēsai egeneto phōnē kyrioy,

³² ἐγὼ ὁ θεὸς τῶν πατέρων σου, ὁ θεὸς Ἀβραὰμ καὶ Ἰσαὰκ καὶ Ἰακώβ. ἔντρομος δὲ γενόμενος Μωϋσῆς οὐκ ἐτόλμα κατανοῆσαι. egō ho theos tōn paterōn soy, ho theos abraam kai isaak kai iakōb. entromos de genomenos mōysēs oyk etolma katanoēsai.

³³ εἶπεν δὲ αὐτῷ ὁ κύριος, λῦσον τὸ ὑπόδημα τῶν ποδῶν σου, ὁ γὰρ τόπος ἐφ’ ᾧ ἕστηκας γῆ ἁγία ἐστίν. eipen de aytō ho kyrios, lyson to hypodēma tōn podōn soy, ho gar topos eph’ hō hestēkas gē hagia estin.

³⁴ ἰδὼν εἶδον τὴν κάκωσιν τοῦ λαοῦ μου τοῦ ἐν Αἰγύπτῳ, καὶ τοῦ στεναγμοῦ αὐτῶν ἤκουσα, καὶ κατέβην ἐξελέσθαι αὐτούς· καὶ νῦν δεῦρο ἀποστείλω σε εἰς Αἴγυπτον. idōn eidon tēn kakōsin toy laoy moy toy en aigyptō, kai toy stenagmoy aytōn ēkoysa, kai katebēn exelesthai aytoys· kai nyn deyro aposteilō se eis aigypton.

³⁵ Τοῦτον τὸν Μωϋσῆν, ὃν ἠρνήσαντο εἰπόντες, τίς σε κατέστησεν ἄρχοντα καὶ δικαστήν; τοῦτον ὁ θεὸς καὶ ἄρχοντα καὶ λυτρωτὴν ἀπέσταλκεν σὺν χειρὶ ἀγγέλου τοῦ ὀφθέντος αὐτῷ ἐν τῇ βάτῳ. toyton ton mōysēn, hon ērnēsanto eipontes, tis se katestēsen archonta kai dikastēn ; toyton ho theos kai archonta kai lytrōtēn apestalken syn cheiri aggeloy toy ophthentos aytō en tē batō.

³⁶ οὗτος ἐξήγαγεν αὐτοὺς ποιήσας τέρατα καὶ σημεῖα ἐν γῇ Αἰγύπτῳ καὶ ἐν ἐρυθρᾷ θαλάσσῃ καὶ ἐν τῇ ἐρήμῳ ἔτη τεσσεράκοντα. ohytos exēgagen aytoys poiēsas terata kai sēmeia en gē aigyptō kai en erythra thalassē kai en tē erēmō etē tesserakonta.

³⁷ οὗτός ἐστιν ὁ Μωϋσῆς ὁ εἴπας τοῖς υἱοῖς Ἰσραήλ, προφήτην ὑμῖν ἀναστήσει ὁ θεὸς ἐκ τῶν ἀδελφῶν ὑμῶν ὡς ἐμέ. ohytos estin ho mōysēs ho eipas tois yhiois israēl, prophētēn hymin anastēsei ho theos ek tōn adelphōn hymōn hōs eme.

³⁸ οὗτός ἐστιν ὁ γενόμενος ἐν τῇ ἐκκλησίᾳ ἐν τῇ ἐρήμῳ μετὰ τοῦ ἀγγέλου τοῦ λαλοῦντος αὐτῷ ἐν τῷ ὄρει Σινᾶ καὶ τῶν πατέρων ἡμῶν, ὃς ἐδέξατο λόγια ζῶντα δοῦναι ἡμῖν, ohytos estin ho genomenos en tē ekklēsia en tē erēmō meta toy aggeloy toy laloyntos aytō en tō orei sina kai tōn paterōn hēmōn, hos edexato logia zōnta doynai hēmin,

³⁹ ᾧ οὐκ ἠθέλησαν ὑπήκοοι γενέσθαι οἱ πατέρες ἡμῶν ἀλλὰ ἀπώσαντο καὶ ἐστράφησαν ἐν ταῖς καρδίαις αὐτῶν εἰς Αἴγυπτον, hō oyk ēthelēsan hypēkooi genesthai ohi pateres hēmōn alla apōsanto kai estraphēsan en tais kardiais aytōn eis aigypton,

⁴⁰ εἰπόντες τῷ Ἀαρών· ποίησον ἡμῖν θεοὺς οἳ προπορεύσονται ἡμῶν· ὁ γὰρ Μωϋσῆς οὗτος, ὃς ἐξήγαγεν ἡμᾶς ἐκ γῆς Αἰγύπτου, οὐκ οἴδαμεν τί ἐγένετο αὐτῷ. eipontes tō aarōn· poiēson hēmin theoys ohi proporeysontai hēmōn· ho gar mōysēs ohytos, hos exēgagen hēmas ek gēs aigyptoy, oyk oidamen ti egeneto aytō.

⁴¹ καὶ ἐμοσχοποίησαν ἐν ταῖς ἡμέραις ἐκείναις καὶ ἀνήγαγον θυσίαν τῷ εἰδώλῳ, καὶ εὐφραίνοντο ἐν τοῖς ἔργοις τῶν χειρῶν αὐτῶν. kai emoschopoiēsan en tais hēmerais ekeinais kai anēgagon thysian tō eidōlō, kai eyphrainonto en tois ergois tōn cheirōn aytōn.

⁴² ἔστρεψεν δὲ ὁ θεὸς καὶ παρέδωκεν αὐτοὺς λατρεύειν τῇ στρατιᾷ τοῦ οὐρανοῦ, καθὼς γέγραπται ἐν βίβλῳ τῶν προφητῶν, μὴ σφάγια καὶ θυσίας προσηνέγκατέ μοι ἔτη τεσσεράκοντα ἐν τῇ ἐρήμῳ, οἶκος Ἰσραήλ; estrepsen de ho theos kai paredōken aytoys latreyein tē stratia toy oyranoy, kathōs gegraptai en biblō tōn prophētōn, mē sphagia kai thysias prosēnegkate moi etē tesserakonta en tē erēmō, oikos israēl ;

⁴³ καὶ ἀνελάβετε τὴν σκηνὴν τοῦ Μολὸχ καὶ τὸ ἄστρον τοῦ θεοῦ Ῥομφάν, τοὺς τύπους οὓς ἐποιήσατε προσκυνεῖν αὐτοῖς; καὶ μετοικιῶ ὑμᾶς ἐπέκεινα Βαβυλῶνος. kai anelabete tēn skēnēn toy moloch kai to astron toy theoy hromphan, toys typoys ohys epoiēsate proskynein aytois ; kai metoikiō hymas epekeina babylōnos.

⁴⁴ Ἡ σκηνὴ τοῦ μαρτυρίου ἦν τοῖς πατράσιν ἡμῶν ἐν τῇ ἐρήμῳ, καθὼς διετάξατο ὁ λαλῶν τῷ Μωϋσῇ ποιῆσαι αὐτὴν κατὰ τὸν τύπον ὃν ἑωράκει, hē skēnē toy martyrioy ēn tois patrasin hēmōn en tē erēmō, kathōs dietaxato ho lalōn tō mōysē poiēsai aytēn kata ton typon hon heōrakei,

⁴⁵ ἣν καὶ εἰσήγαγον διαδεξάμενοι οἱ πατέρες ἡμῶν μετὰ Ἰησοῦ ἐν τῇ κατασχέσει τῶν ἐθνῶν ὧν ἐξῶσεν ὁ θεὸς ἀπὸ προσώπου τῶν πατέρων ἡμῶν ἕως τῶν ἡμερῶν Δαυείδ, hēn kai eisēgagon diadexamenoi ohi pateres hēmōn meta iēsoy en tē kataschesei tōn ethnōn hōn exōsen ho theos apo prosōpoy tōn paterōn hēmōn heōs tōn hēmerōn dayeid,

⁴⁶ ὃς εὗρεν χάριν ἐνώπιον τοῦ θεοῦ καὶ ᾐτήσατο εὑρεῖν σκήνωμα τῷ οἴκῳ Ἰακώβ. hos ehyren charin enōpion toy theoy kai ētēsato ehyrein skēnōma tō oikō iakōb.

⁴⁷ Σαλωμῶν δὲ οἰκοδόμησεν αὐτῷ οἶκον. salōmōn de oikodomēsen aytō oikon.

⁴⁸ ἀλλ’ οὐχ ὁ ὕψιστος ἐν χειροποιήτοις κατοικεῖ· καθὼς ὁ προφήτης λέγει, all’ oych ho hypsistos en cheiropoiētois katoikei· kathōs ho prophētēs legei,

⁴⁹ ὁ οὐρανός μοι θρόνος, ἡ δὲ γῆ ὑποπόδιον τῶν ποδῶν μου· ποῖον οἶκον οἰκοδομήσετέ μοι, λέγει κύριος, ἢ τίς τόπος τῆς καταπαύσεώς μου; ho oyranos moi thronos, hē de gē hypopodion tōn podōn moy· poion oikon oikodomēsete moi, legei kyrios, ē tis topos tēs katapayseōs moy ;

⁵⁰ οὐχὶ ἡ χείρ μου ἐποίησεν ταῦτα πάντα; oychi hē cheir moy epoiēsen tayta panta ;

⁵¹ Σκληροτράχηλοι καὶ ἀπερίτμητοι καρδίαις καὶ τοῖς ὠσίν, ὑμεῖς ἀεὶ τῷ πνεύματι τῷ ἁγίῳ ἀντιπίπτετε, ὡς οἱ πατέρες ὑμῶν καὶ ὑμεῖς. sklērotrachēloi kai aperitmētoi kardiais kai tois ōsin, hymeis aei tō pneymati tō hagiō antipiptete, hōs ohi pateres hymōn kai hymeis.

⁵² τίνα τῶν προφητῶν οὐκ ἐδίωξαν οἱ πατέρες ὑμῶν; καὶ ἀπέκτειναν τοὺς προκαταγγείλαντας περὶ τῆς ἐλεύσεως τοῦ δικαίου οὗ νῦν ὑμεῖς προδόται καὶ φονεῖς ἐγένεσθε, tina tōn prophētōn oyk ediōxan ohi pateres hymōn ; kai apekteinan toys prokataggeilantas peri tēs eleyseōs toy dikaioy ohy nyn hymeis prodotai kai phoneis egenesthe,

⁵³ οἵτινες ἐλάβετε τὸν νόμον εἰς διαταγὰς ἀγγέλων, καὶ οὐκ ἐφυλάξατε. ohitines elabete ton nomon eis diatagas aggelōn, kai oyk ephylaxate.

⁵⁴ Ἀκούοντες δὲ ταῦτα διεπρίοντο ταῖς καρδίαις αὐτῶν καὶ ἔβρυχον τοὺς ὀδόντας ἐπ’ αὐτόν. akoyontes de tayta dieprionto tais kardiais aytōn kai ebrychon toys odontas ep’ ayton.

⁵⁵ ὑπάρχων δὲ πλήρης πνεύματος ἁγίου ἀτενίσας εἰς τὸν οὐρανὸν εἶδεν δόξαν θεοῦ καὶ Ἰησοῦν ἑστῶτα ἐκ δεξιῶν τοῦ θεοῦ, hyparchōn de plērēs pneymatos hagioy atenisas eis ton oyranon eiden doxan theoy kai iēsoyn hestōta ek dexiōn toy theoy,

⁵⁶ καὶ εἶπεν, ἰδοὺ θεωρῶ τοὺς οὐρανοὺς διηνοιγμένους καὶ τὸν υἱὸν τοῦ ἀνθρώπου ἐκ δεξιῶν ἑστῶτα τοῦ θεοῦ. kai eipen, idoy theōrō toys oyranoys diēnoigmenoys kai ton yhion toy anthrōpoy ek dexiōn hestōta toy theoy.

⁵⁷ κράξαντες δὲ φωνῇ μεγάλῃ συνέσχον τὰ ὦτα αὐτῶν, καὶ ὥρμησαν ὁμοθυμαδὸν ἐπ’ αὐτόν, kraxantes de phōnē megalē syneschon ta ōta aytōn, kai hōrmēsan homothymadon ep’ ayton,

⁵⁸ καὶ ἐκβαλόντες ἔξω τῆς πόλεως ἐλιθοβόλουν. καὶ οἱ μάρτυρες ἀπέθεντο τὰ ἱμάτια αὐτῶν παρὰ τοὺς πόδας νεανίου καλουμένου Σαύλου. kai ekbalontes exō tēs poleōs elithoboloyn. kai ohi martyres apethento ta himatia aytōn para toys podas neanioy kaloymenoy sayloy.

⁵⁹ καὶ ἐλιθοβόλουν τὸν Στέφανον ἐπικαλούμενον καὶ λέγοντα, κύριε Ἰησοῦ, δέξαι τὸ πνεῦμά μου. kai elithoboloyn ton stephanon epikaloymenon kai legonta, kyrie iēsoy, dexai to pneyma moy.

⁶⁰ θεὶς δὲ τὰ γόνατα ἔκραξεν φωνῇ μεγάλῃ· κύριε, μὴ στήσῃς αὐτοῖς τὴν ἁμαρτίαν ταύτην. καὶ τοῦτο εἰπὼν ἐκοιμήθη. theis de ta gonata ekraxen phōnē megalē· kyrie, mē stēsēs aytois tēn hamartian taytēn. kai toyto eipōn ekoimēthē.