Apocalypse 1

¹ Ἀποκάλυψις Ἰησοῦ Χριστοῦ, ἣν ἔδωκεν αὐτῷ ὁ θεός, δεῖξαι τοῖς δούλοις αὐτοῦ ἃ δεῖ γενέσθαι ἐν τάχει, καὶ ἐσήμανεν ἀποστείλας διὰ τοῦ ἀγγέλου αὐτοῦ τῷ δούλῳ αὐτοῦ Ἰωάννῃ, apokalypsis iēsoy christoy, hēn edōken aytō ho theos, deixai tois doylois aytoy ha dei genesthai en tachei, kai esēmanen aposteilas dia toy aggeloy aytoy tō doylō aytoy iōannē,

² ὃς ἐμαρτύρησεν τὸν λόγον τοῦ θεοῦ καὶ τὴν μαρτυρίαν Ἰησοῦ Χριστοῦ, ὅσα ἴδεν. hos emartyrēsen ton logon toy theoy kai tēn martyrian iēsoy christoy, hosa iden.

³ μακάριος ὁ ἀναγινώσκων καὶ οἱ ἀκούοντες τὸν λόγον τῆς προφητείας καὶ τηροῦντες τὰ ἐν αὐτῇ γεγραμμένα, ὁ γὰρ καιρὸς ἐγγύς. makarios ho anaginōskōn kai ohi akoyontes ton logon tēs prophēteias kai tēroyntes ta en aytē gegrammena, ho gar kairos eggys.

⁴ Ἰωάννης ταῖς ἑπτὰ ἐκκλησίαις ταῖς ἐν τῇ Ἀσίᾳ· χάρις ὑμῖν καὶ εἰρήνη ἀπὸ ὁ ὢν καὶ ὁ ἦν καὶ ὁ ἐρχόμενος, καὶ ἀπὸ τῶν ἑπτὰ πνευμάτων ἃ ἐνώπιον τοῦ θρόνου αὐτοῦ, iōannēs tais hepta ekklēsiais tais en tē asia· charis hymin kai eirēnē apo ho ōn kai ho ēn kai ho erchomenos, kai apo tōn hepta pneymatōn ha enōpion toy thronoy aytoy,

⁵ καὶ ἀπὸ Ἰησοῦ Χριστοῦ, ὁ μάρτυς ὁ πιστός, ὁ πρωτότοκος τῶν νεκρῶν καὶ ὁ ἄρχων τῶν βασιλέων τῆς γῆς. τῷ ἀγαπῶντι ἡμᾶς καὶ λύσαντι ἡμᾶς ἐκ τῶν ἁμαρτιῶν ἡμῶν ἐν τῷ αἵματι αὐτοῦ, kai apo iēsoy christoy, ho martys ho pistos, ho prōtotokos tōn nekrōn kai ho archōn tōn basileōn tēs gēs. tō agapōnti hēmas kai lysanti hēmas ek tōn hamartiōn hēmōn en tō ahimati aytoy,

⁶ καὶ ἐποίησεν ἡμᾶς βασιλείαν, ἱερεῖς τῷ θεῷ καὶ πατρὶ αὐτοῦ, αὐτῷ ἡ δόξα καὶ τὸ κράτος εἰς τοὺς αἰῶνας τῶν αἰώνων· ἀμήν. kai epoiēsen hēmas basileian, hiereis tō theō kai patri aytoy, aytō hē doxa kai to kratos eis toys aiōnas tōn aiōnōn· amēn.

⁷ Ἰδοὺ ἔρχεται μετὰ τῶν νεφελῶν, καὶ ὄψεται αὐτὸν πᾶς ὀφθαλμὸς καὶ οἵτινες αὐτὸν ἐξεκέντησαν, καὶ κόψονται ἐπ’ αὐτὸν πᾶσαι αἱ φυλαὶ τῆς γῆς. ναί, ἀμήν. idoy erchetai meta tōn nephelōn, kai opsetai ayton pas ophthalmos kai ohitines ayton exekentēsan, kai kopsontai ep’ ayton pasai ahi phylai tēs gēs. nai, amēn.

⁸ ἐγώ εἰμι τὸ ἄλφα καὶ τὸ ω, λέγει κύριος ὁ θεός, ὁ ὢν καὶ ὁ ἦν καὶ ὁ ἐρχόμενος, ὁ παντοκράτωρ. egō eimi to alpha kai to ō, legei kyrios ho theos, ho ōn kai ho ēn kai ho erchomenos, ho pantokratōr.

⁹ Ἐγὼ Ἰωάννης, ὁ ἀδελφὸς ὑμῶν καὶ συνκοινωνὸς ἐν τῇ θλίψει καὶ βασιλείᾳ καὶ ὑπομονῇ ἐν Ἰησοῦ, ἐγενόμην ἐν τῇ νήσῳ τῇ καλουμένῃ Πάτμῳ διὰ τὸν λόγον τοῦ θεοῦ καὶ διὰ τὴν μαρτυρίαν Ἰησοῦ. egō iōannēs, ho adelphos hymōn kai synkoinōnos en tē thlipsei kai basileia kai hypomonē en iēsoy, egenomēn en tē nēsō tē kaloymenē patmō dia ton logon toy theoy kai dia tēn martyrian iēsoy.

¹⁰ ἐγενόμην ἐν πνεύματι ἐν τῇ κυριακῇ ἡμέρᾳ, καὶ ἤκουσα ὀπίσω μου φωνὴν μεγάλην ὡς σάλπιγγος egenomēn en pneymati en tē kyriakē hēmera, kai ēkoysa opisō moy phōnēn megalēn hōs salpiggos

¹¹ λεγούσης, ὃ βλέπεις γράψον εἰς βιβλίον καὶ πέμψον ταῖς ἑπτὰ ἐκκλησίαις, εἰς Ἔφεσον καὶ εἰς Ζμύρναν καὶ εἰς Πέργαμον καὶ εἰς Θυάτειρα καὶ εἰς Σάρδεις καὶ εἰς Φιλαδελφίαν καὶ εἰς Λαοδίκιαν. legoysēs, ho blepeis grapson eis biblion kai pempson tais hepta ekklēsiais, eis epheson kai eis zmyrnan kai eis pergamon kai eis thyateira kai eis sardeis kai eis philadelphian kai eis laodikian.

¹² καὶ ἐπέστρεψα βλέπειν τὴν φωνὴν ἥτις ἐλάλει μετ’ ἐμοῦ· καὶ ἐπιστρέψας εἶδον ἑπτὰ λυχνίας χρυσᾶς, kai epestrepsa blepein tēn phōnēn hētis elalei met’ emoy· kai epistrepsas eidon hepta lychnias chrysas,

¹³ καὶ ἐν μέσῳ τῶν λυχνιῶν ὅμοιον υἱὸν ἀνθρώπου, ἐνδεδυμένον ποδήρη καὶ περιεζωσμένον πρὸς τοῖς μασθοῖς ζώνην χρυσᾶν· kai en mesō tōn lychniōn homoion yhion anthrōpoy, endedymenon podērē kai periezōsmenon pros tois masthois zōnēn chrysan·

¹⁴ ἡ δὲ κεφαλὴ αὐτοῦ καὶ αἱ τρίχες λευκαὶ ὡς ἔριον λευκόν, ὡς χιών, καὶ οἱ ὀφθαλμοὶ αὐτοῦ ὡς φλὸξ πυρός, hē de kephalē aytoy kai ahi triches leykai hōs erion leykon, hōs chiōn, kai ohi ophthalmoi aytoy hōs phlox pyros,

¹⁵ καὶ οἱ πόδες αὐτοῦ ὅμοιοι χαλκολιβάνῳ ὡς ἐν καμίνῳ πεπυρωμένῳ, καὶ ἡ φωνὴ αὐτοῦ ὡς φωνὴ ὑδάτων πολλῶν, kai ohi podes aytoy homoioi chalkolibanō hōs en kaminō pepyrōmenō, kai hē phōnē aytoy hōs phōnē hydatōn pollōn,

¹⁶ καὶ ἔχων ἐν τῇ δεξιᾷ χειρὶ αὐτοῦ ἀστέρας ἑπτά, καὶ ἐκ τοῦ στόματος αὐτοῦ ῥομφαία δίστομος ὀξεῖα ἐκπορευομένη, καὶ ἡ ὄψις αὐτοῦ ὡς ὁ ἥλιος φαίνει ἐν τῇ δυνάμει αὐτοῦ. kai echōn en tē dexia cheiri aytoy asteras hepta, kai ek toy stomatos aytoy hromphaia distomos oxeia ekporeyomenē, kai hē opsis aytoy hōs ho hēlios phainei en tē dynamei aytoy.

¹⁷ καὶ ὅτε εἶδον αὐτόν, ἔπεσα πρὸς τοὺς πόδας αὐτοῦ ὡς νεκρός· καὶ ἔθηκεν τὴν δεξιὰν αὐτοῦ ἐπ’ ἐμὲ λέγων, μὴ φοβοῦ· ἐγώ εἰμι ὁ πρῶτος καὶ ὁ ἔσχατος, kai hote eidon ayton, epesa pros toys podas aytoy hōs nekros· kai ethēken tēn dexian aytoy ep’ eme legōn, mē phoboy· egō eimi ho prōtos kai ho eschatos,

¹⁸ καὶ ὁ ζῶν, καὶ ἐγενόμην νεκρὸς καὶ ἰδοὺ ζῶν εἰμι εἰς τοὺς αἰῶνας τῶν αἰώνων, καὶ ἔχω τὰς κλεῖς τοῦ θανάτου καὶ τοῦ ᾅδου. kai ho zōn, kai egenomēn nekros kai idoy zōn eimi eis toys aiōnas tōn aiōnōn, kai echō tas kleis toy thanatoy kai toy hadoy.

¹⁹ γράψον οὖν ἃ εἶδες καὶ ἃ εἰσὶν καὶ ἃ μέλλει γενέσθαι μετὰ ταῦτα. grapson oyn ha eides kai ha eisin kai ha mellei genesthai meta tayta.

²⁰ τὸ μυστήριον τῶν ἑπτὰ ἀστέρων οὓς εἶδες ἐπὶ τῆς δεξιᾶς μου, καὶ τὰς ἑπτὰ λυχνίας τὰς χρυσᾶς· οἱ ἑπτὰ ἀστέρες ἄγγελοι τῶν ἑπτὰ ἐκκλησιῶν εἰσιν, καὶ αἱ λυχνίαι αἱ ἑπτὰ ἑπτὰ ἐκκλησίαι εἰσίν. to mystērion tōn hepta asterōn ohys eides epi tēs dexias moy, kai tas hepta lychnias tas chrysas· ohi hepta asteres aggeloi tōn hepta ekklēsiōn eisin, kai ahi lychniai ahi hepta hepta ekklēsiai eisin.