1 Καὶ διαγενομένου τοῦ σαββάτου Μαρία ἡ Μαγδαληνὴ καὶ Μαρία ἡ Ἰακώβου καὶ Σαλώμη ἠγόρασαν ἀρώματα, ἵνα ἐλθοῦσαι ἀλείψωσιν αὐτόν. kai diagenomenoy toy sabbatoy maria hē magdalēnē kai maria hē iakōboy kai salōmē ēgorasan arōmata, hina elthoysai aleipsōsin ayton.
2 καὶ λίαν πρωῒ τῇ μιᾷ τῶν σαββάτων ἔρχονται ἐπὶ τὸ μνῆμα, ἀνατείλαντος τοῦ ἡλίου. kai lian prōi tē mia tōn sabbatōn erchontai epi to mnēma, anateilantos toy hēlioy.
3 καὶ ἔλεγον πρὸς ἑαυτάς· τίς ἀποκυλίσει ἡμῖν τὸν λίθον ἐκ τῆς θύρας τοῦ μνημείου; kai elegon pros heaytas· tis apokylisei hēmin ton lithon ek tēs thyras toy mnēmeioy ;
4 καὶ ἀναβλέψασαι θεωροῦσιν ὅτι ἀνακεκύλισται ὁ λίθος· ἦν γὰρ μέγας σφόδρα. kai anablepsasai theōroysin hoti anakekylistai ho lithos· ēn gar megas sphodra.
5 καὶ εἰσελθοῦσαι εἰς τὸ μνημεῖον εἶδον νεανίσκον καθήμενον ἐν τοῖς δεξιοῖς περιβεβλημένον στολὴν λευκήν, καὶ ἐξεθαμβήθησαν. kai eiselthoysai eis to mnēmeion eidon neaniskon kathēmenon en tois dexiois peribeblēmenon stolēn leykēn, kai exethambēthēsan.
6 ὁ δὲ λέγει αὐταῖς· μὴ ἐκθαμβεῖσθε. Ἰησοῦν ζητεῖτε τὸν Ναζαρηνὸν τὸν ἐσταυρωμένον· ἠγέρθη, οὐκ ἔστιν ὧδε· ἴδε ὁ τόπος ὅπου ἔθηκαν αὐτόν. ho de legei aytais· mē ekthambeisthe. iēsoyn zēteite ton nazarēnon ton estayrōmenon· ēgerthē, oyk estin hōde· ide ho topos hopoy ethēkan ayton.
7 ἀλλὰ ὑπάγετε εἴπατε τοῖς μαθηταῖς αὐτοῦ καὶ τῷ Πέτρῳ ὅτι προάγει ὑμᾶς εἰς τὴν Γαλιλαίαν· ἐκεῖ αὐτὸν ὄψεσθε, καθὼς εἶπεν ὑμῖν. alla hypagete eipate tois mathētais aytoy kai tō petrō hoti proagei hymas eis tēn galilaian· ekei ayton opsesthe, kathōs eipen hymin.
8 καὶ ἐξελθοῦσαι ἔφυγον ἀπὸ τοῦ μνημείου· εἶχεν γὰρ αὐτὰς τρόμος καὶ ἔκστασις, καὶ οὐδενὶ οὐδὲν εἶπον· ἐφοβοῦντο γάρ. kai exelthoysai ephygon apo toy mnēmeioy· eichen gar aytas tromos kai ekstasis, kai oydeni oyden eipon· ephoboynto gar.
9 Ἀναστὰς δὲ πρωῒ πρώτῃ σαββάτου ἐφάνη πρῶτον Μαρίᾳ τῇ Μαγδαληνῇ, ἀφ’ ἧς ἐκβεβλήκει ἑπτὰ δαιμόνια. anastas de prōi prōtē sabbatoy ephanē prōton maria tē magdalēnē, aph’ hēs ekbeblēkei hepta daimonia.
10 ἐκείνη πορευθεῖσα ἀπήγγειλεν τοῖς μετ’ αὐτοῦ γενομένοις, πενθοῦσιν καὶ κλαίουσιν. ekeinē poreytheisa apēggeilen tois met’ aytoy genomenois, penthoysin kai klaioysin.
11 κἀκεῖνοι ἀκούσαντες ὅτι ζῇ καὶ ἐθεάθη ὑπ’ αὐτῆς ἠπίστησαν. kakeinoi akoysantes hoti zē kai etheathē hyp’ aytēs ēpistēsan.
12 Μετὰ δὲ ταῦτα δυσὶν ἐξ αὐτῶν περιπατοῦσιν ἐφανερώθη ἐν ἑτέρᾳ μορφῇ, πορευομένοις εἰς ἀγρόν. meta de tayta dysin ex aytōn peripatoysin ephanerōthē en hetera morphē, poreyomenois eis agron.
13 κἀκεῖνοι ἀπελθόντες ἀπήγγειλαν τοῖς λοιποῖς· οὐδὲ ἐκείνοις ἐπίστευσαν. kakeinoi apelthontes apēggeilan tois loipois· oyde ekeinois episteysan.
14 Ὕστερον ἀνακειμένοις αὐτοῖς τοῖς ἕνδεκα ἐφανερώθη, καὶ ὠνείδισεν τὴν ἀπιστίαν αὐτῶν καὶ σκληροκαρδίαν, ὅτι τοῖς θεασαμένοις αὐτὸν ἐγηγερμένον οὐκ ἐπίστευσαν. hysteron anakeimenois aytois tois hendeka ephanerōthē, kai ōneidisen tēn apistian aytōn kai sklērokardian, hoti tois theasamenois ayton egēgermenon oyk episteysan.
15 καὶ εἶπεν αὐτοῖς· πορευθέντες εἰς τὸν κόσμον ἅπαντα κηρύξατε τὸ εὐαγγέλιον πάσῃ τῇ κτίσει. kai eipen aytois· poreythentes eis ton kosmon hapanta kēryxate to eyaggelion pasē tē ktisei.
16 ὁ πιστεύσας καὶ βαπτισθεὶς σωθήσεται, ὁ δὲ ἀπιστήσας κατακριθήσεται. ho pisteysas kai baptistheis sōthēsetai, ho de apistēsas katakrithēsetai.
17 σημεῖα δὲ τοῖς πιστεύσασιν ταῦτα παρακολουθήσει· ἐν τῷ ὀνόματί μου δαιμόνια ἐκβαλοῦσιν, γλώσσαις λαλήσουσιν καιναῖς, sēmeia de tois pisteysasin tayta parakoloythēsei· en tō onomati moy daimonia ekbaloysin, glōssais lalēsoysin kainais,
18 ὄφεις ἀροῦσιν, κἂν θανάσιμόν τι πίωσιν οὐ μὴ αὐτοὺς βλάψῃ, ἐπὶ ἀρρώστους χεῖρας ἐπιθήσουσιν καὶ καλῶς ἕξουσιν. opheis aroysin, kan thanasimon ti piōsin oy mē aytoys blapsē, epi arrōstoys cheiras epithēsoysin kai kalōs hexoysin.
19 ὁ μὲν οὖν κύριος μετὰ τὸ λαλῆσαι αὐτοῖς ἀνελήμφθη εἰς τὸν οὐρανὸν καὶ ἐκάθισεν ἐκ δεξιῶν τοῦ θεοῦ. ho men oyn kyrios meta to lalēsai aytois anelēmphthē eis ton oyranon kai ekathisen ek dexiōn toy theoy.
20 ἐκεῖνοι δὲ ἐξελθόντες ἐκήρυξαν πανταχοῦ, τοῦ κυρίου συνεργοῦντος καὶ τὸν λόγον βεβαιοῦντος διὰ τῶν ἐπακολουθούντων σημείων. ekeinoi de exelthontes ekēryxan pantachoy, toy kyrioy synergoyntos kai ton logon bebaioyntos dia tōn epakoloythoyntōn sēmeiōn.