Juges 12

¹ וַיִּצָּעֵק֙ אִ֣ישׁ אֶפְרַ֔יִם וַֽיַּעֲבֹ֖ר צָפֹ֑ונָה וַיֹּאמְר֨וּ לְיִפְתָּ֜ח מַדּ֣וּעַ ׀ עָבַ֣רְתָּ ׀ לְהִלָּחֵ֣ם בִּבְנֵי־עַמֹּ֗ון וְלָ֙נוּ֙ לֹ֤א קָרָ֙אתָ֙ לָלֶ֣כֶת עִמָּ֔ךְ בֵּיתְךָ֕ נִשְׂרֹ֥ף עָלֶ֖יךָ בָּאֵֽשׁ׃ wayitsaʿeq ʾiysh ʾeferayim wayaʿavor tsafownah wayoʾmeru leyifetaḥ maduaʿ ׀ ʿavareta ׀ lehilaḥem biveney־ʿamown welanu loʾ qaraʾta lalekhet ʿimakhe beytekha niserof ʿaleykha baʾesh׃

² וַיֹּ֤אמֶר יִפְתָּח֙ אֲלֵיהֶ֔ם אִ֣ישׁ רִ֗יב הָיִ֛יתִי אֲנִ֛י וְעַמִּ֥י וּבְנֵֽי־עַמֹּ֖ון מְאֹ֑ד וָאֶזְעַ֣ק אֶתְכֶ֔ם וְלֹֽא־הֹושַׁעְתֶּ֥ם אֹותִ֖י מִיָּדָֽם׃ wayoʾmer yifetaḥ ʾaleyhem ʾiysh riyv hayiytiy ʾaniy weʿamiy uveney־ʿamown meʾod waʾezeʿaq ʾetekhem weloʾ־howshaʿetem ʾowtiy miyadam׃

³ וָֽאֶרְאֶ֞ה כִּֽי־אֵינְךָ֣ מֹושִׁ֗יעַ וָאָשִׂ֨ימָה נַפְשִׁ֤י בְכַפִּי֙ וָֽאֶעְבְּרָה֙ אֶל־בְּנֵ֣י עַמֹּ֔ון וַיִּתְּנֵ֥ם יְהוָ֖ה בְּיָדִ֑י וְלָמָ֞ה עֲלִיתֶ֥ם אֵלַ֛י הַיֹּ֥ום הַזֶּ֖ה לְהִלָּ֥חֶם בִּֽי׃ waʾereʾeh kiy־ʾeynekha mowshiyʿa waʾasiymah nafeshiy vekhapiy waʾeʿeberah ʾel־beney ʿamown wayitenem yehwah beyadiy welamah ʿaliytem ʾelay hayowm hazeh lehilaḥem biy׃

⁴ וַיִּקְבֹּ֤ץ יִפְתָּח֙ אֶת־כָּל־אַנְשֵׁ֣י גִלְעָ֔ד וַיִּלָּ֖חֶם אֶת־אֶפְרָ֑יִם וַיַּכּוּ֩ אַנְשֵׁ֨י גִלְעָ֜ד אֶת־אֶפְרַ֗יִם כִּ֤י אָמְרוּ֙ פְּלִיטֵ֤י אֶפְרַ֙יִם֙ אַתֶּ֔ם גִּלְעָ֕ד בְּתֹ֥וךְ אֶפְרַ֖יִם בְּתֹ֥וךְ מְנַשֶּֽׁה׃ wayiqebots yifetaḥ ʾet־kal־ʾaneshey gileʿad wayilaḥem ʾet־ʾeferayim wayaku ʾaneshey gileʿad ʾet־ʾeferayim kiy ʾameru peliyṭey ʾeferayim ʾatem gileʿad betowkhe ʾeferayim betowkhe menasheh׃

Note · Juges 12.1–4

Les menaces et le mépris font basculer le désaccord

Éphraïm menace d’incendier la maison de Jephté ; celui-ci répond par son récit de l’appel au secours et de la victoire. L’insulte visant les Galaadites contribue à la rupture. Ni l’expérience d’une délivrance ni le sentiment d’avoir été injustement traité ne garantissent ici une réponse capable d’arrêter l’escalade.

⁵ וַיִּלְכֹּ֥ד גִּלְעָ֛ד אֶֽת־מַעְבְּרֹ֥ות הַיַּרְדֵּ֖ן לְאֶפְרָ֑יִם וְֽ֠הָיָה כִּ֣י יֹאמְר֞וּ פְּלִיטֵ֤י אֶפְרַ֙יִם֙ אֶעֱבֹ֔רָה וַיֹּ֨אמְרוּ לֹ֧ו אַנְשֵֽׁי־גִלְעָ֛ד הַֽאֶפְרָתִ֥י אַ֖תָּה וַיֹּ֥אמֶֽר ׀ לֹֽא׃ wayilekod gileʿad ʾet־maʿeberowt hayareden leʾeferayim wehayah kiy yoʾmeru peliyṭey ʾeferayim ʾeʿevorah wayoʾmeru low ʾaneshey־gileʿad haʾeferatiy ʾatah wayoʾmer ׀ loʾ׃

⁶ וַיֹּ֣אמְרוּ לֹו֩ אֱמָר־נָ֨א שִׁבֹּ֜לֶת וַיֹּ֣אמֶר סִבֹּ֗לֶת וְלֹ֤א יָכִין֙ לְדַבֵּ֣ר כֵּ֔ן וַיֹּאחֲז֣וּ אֹותֹ֔ו וַיִּשְׁחָט֖וּהוּ אֶל־מַעְבְּרֹ֣ות הַיַּרְדֵּ֑ן וַיִּפֹּ֞ל בָּעֵ֤ת הַהִיא֙ מֵֽאֶפְרַ֔יִם אַרְבָּעִ֥ים וּשְׁנַ֖יִם אָֽלֶף׃ wayoʾmeru low ʾemar־naʾ shibolet wayoʾmer sibolet weloʾ yakhiyn ledaber ken wayoʾḥazu ʾowtow wayisheḥaṭuhu ʾel־maʿeberowt hayareden wayipol baʿet hahiyʾ meʾeferayim ʾarebaʿiym ushenayim ʾalef׃

⁷ וַיִּשְׁפֹּ֥ט יִפְתָּ֛ח אֶת־יִשְׂרָאֵ֖ל שֵׁ֣שׁ שָׁנִ֑ים וַיָּ֗מָת יִפְתָּח֙ הַגִּלְעָדִ֔י וַיִּקָּבֵ֖ר בְּעָרֵ֥י גִלְעָֽד׃ פ wayishepoṭ yifetaḥ ʾet־yiseraʾel shesh shaniym wayamat yifetaḥ hagileʿadiy wayiqaver beʿarey gileʿad׃ f

Note · Juges 12.5–7

Un accent devient un instrument de sélection meurtrière

Le mot schibboleth distingue ceux qui ne peuvent le prononcer comme les gardes l’exigent. Le narrateur rapporte un nombre considérable de morts, puis la fin de Jephté. La scène ne célèbre pas une fidélité doctrinale : elle montre une identification tribale exploitée pour égorger des fugitifs. Aucune différence de langage ne rend une personne moins digne de vivre.

⁸ וַיִּשְׁפֹּ֤ט אַֽחֲרָיו֙ אֶת־יִשְׂרָאֵ֔ל אִבְצָ֖ן מִבֵּ֥ית לָֽחֶם׃ wayishepoṭ ʾaḥarayw ʾet־yiseraʾel ʾivetsan mibeyt laḥem׃

⁹ וַיְהִי־לֹ֞ו שְׁלֹשִׁ֣ים בָּנִ֗ים וּשְׁלֹשִׁ֤ים בָּנֹות֙ שִׁלַּ֣ח הַח֔וּצָה וּשְׁלֹשִׁ֣ים בָּנֹ֔ות הֵבִ֥יא לְבָנָ֖יו מִן־הַח֑וּץ וַיִּשְׁפֹּ֥ט אֶת־יִשְׂרָאֵ֖ל שֶׁ֥בַע שָׁנִֽים׃ wayehiy־low sheloshiym baniym usheloshiym banowt shilaḥ haḥutsah usheloshiym banowt heviyʾ levanayw min־haḥuts wayishepoṭ ʾet־yiseraʾel shevaʿ shaniym׃

¹⁰ וַיָּ֣מָת אִבְצָ֔ן וַיִּקָּבֵ֖ר בְּבֵ֥ית לָֽחֶם׃ פ wayamat ʾivetsan wayiqaver beveyt laḥem׃ f

¹¹ וַיִּשְׁפֹּ֤ט אַֽחֲרָיו֙ אֶת־יִשְׂרָאֵ֔ל אֵילֹ֖ון הַזְּבֽוּלֹנִ֑י וַיִּשְׁפֹּ֥ט אֶת־יִשְׂרָאֵ֖ל עֶ֥שֶׂר שָׁנִֽים׃ wayishepoṭ ʾaḥarayw ʾet־yiseraʾel ʾeylown hazevuloniy wayishepoṭ ʾet־yiseraʾel ʿeser shaniym׃

¹² וַיָּ֖מָת אֵלֹ֣ון הַזְּבֽוּלֹנִ֑י וַיִּקָּבֵ֥ר בְּאַיָּלֹ֖ון בְּאֶ֥רֶץ זְבוּלֻֽן׃ פ wayamat ʾelown hazevuloniy wayiqaver beʾayalown beʾerets zevulun׃ f

¹³ וַיִּשְׁפֹּ֥ט אַחֲרָ֖יו אֶת־יִשְׂרָאֵ֑ל עַבְדֹּ֥ון בֶּן־הִלֵּ֖ל הַפִּרְעָתֹונִֽי׃ wayishepoṭ ʾaḥarayw ʾet־yiseraʾel ʿavedown ben־hilel hapireʿatowniy׃

¹⁴ וַיְהִי־לֹ֞ו אַרְבָּעִ֣ים בָּנִ֗ים וּשְׁלֹשִׁים֙ בְּנֵ֣י בָנִ֔ים רֹכְבִ֖ים עַל־שִׁבְעִ֣ים עֲיָרִ֑ם וַיִּשְׁפֹּ֥ט אֶת־יִשְׂרָאֵ֖ל שְׁמֹנֶ֥ה שָׁנִֽים׃ wayehiy־low ʾarebaʿiym baniym usheloshiym beney vaniym rokheviym ʿal־shiveʿiym ʿayarim wayishepoṭ ʾet־yiseraʾel shemoneh shaniym׃

¹⁵ וַיָּ֛מָת עַבְדֹּ֥ון בֶּן־הִלֵּ֖ל הַפִּרְעָתֹונִ֑י וַיִּקָּבֵ֤ר בְּפִרְעָתֹון֙ בְּאֶ֣רֶץ אֶפְרַ֔יִם בְּהַ֖ר הָעֲמָלֵקִֽי׃ פ wayamat ʿavedown ben־hilel hapireʿatowniy wayiqaver befireʿatown beʾerets ʾeferayim behar haʿamaleqiy׃ f

Note · Juges 12.8–15

Les responsables suivants ne sont pas tous connus par des guerres

Ibtsan, Élôn et Abdôn sont présentés par quelques repères de durée, de famille et de sépulture. Les alliances matrimoniales et les montures disent une influence sociale, sans en raconter tous les usages. Ces notices interdisent de réduire tout le temps des juges à une succession continue d’exploits individuels également détaillés.