Deutéronome 18

¹ לֹֽא־יִ֠הְיֶה לַכֹּהֲנִ֨ים הַלְוִיִּ֜ם כָּל־שֵׁ֧בֶט לֵוִ֛י חֵ֥לֶק וְנַחֲלָ֖ה עִם־יִשְׂרָאֵ֑ל אִשֵּׁ֧י יְהוָ֛ה וְנַחֲלָתֹ֖ו יֹאכֵלֽוּן׃ loʾ־yiheyeh lakohaniym halewiyim kal־sheveṭ lewiy ḥeleq wenaḥalah ʿim־yiseraʾel ʾishey yehwah wenaḥalatow yoʾkhelun׃

² וְנַחֲלָ֥ה לֹא־יִֽהְיֶה־לֹּ֖ו בְּקֶ֣רֶב אֶחָ֑יו יְהוָה֙ ה֣וּא נַחֲלָתֹ֔ו כַּאֲשֶׁ֖ר דִּבֶּר־לֹֽו׃ ס wenaḥalah loʾ־yiheyeh־low beqerev ʾeḥayw yehwah huʾ naḥalatow kaʾasher diber־low׃ s

³ וְזֶ֡ה יִהְיֶה֩ מִשְׁפַּ֨ט הַכֹּהֲנִ֜ים מֵאֵ֣ת הָעָ֗ם מֵאֵ֛ת זֹבְחֵ֥י הַזֶּ֖בַח אִם־שֹׁ֣ור אִם־שֶׂ֑ה וְנָתַן֙ לַכֹּהֵ֔ן הַזְּרֹ֥עַ וְהַלְּחָיַ֖יִם וְהַקֵּבָֽה׃ wezeh yiheyeh mishepaṭ hakohaniym meʾet haʿam meʾet zoveḥey hazevaḥ ʾim־showr ʾim־seh wenatan lakohen hazeroaʿ wehaleḥayayim wehaqevah׃

⁴ רֵאשִׁ֨ית דְּגָֽנְךָ֜ תִּֽירֹשְׁךָ֣ וְיִצְהָרֶ֗ךָ וְרֵאשִׁ֛ית גֵּ֥ז צֹאנְךָ֖ תִּתֶּן־לֹּֽו ׃ reʾshiyt deganekha tiyroshekha weyitseharekha wereʾshiyt gez tsoʾnekha titen־low ׃

⁵ כִּ֣י בֹ֗ו בָּחַ֛ר יְהוָ֥ה אֱלֹהֶ֖יךָ מִכָּל־שְׁבָטֶ֑יךָ לַעֲמֹ֨ד לְשָׁרֵ֧ת בְּשֵׁם־יְהוָ֛ה ה֥וּא וּבָנָ֖יו כָּל־הַיָּמִֽים׃ ס kiy vow baḥar yehwah ʾeloheykha mikal־shevaṭeykha laʿamod lesharet beshem־yehwah huʾ uvanayw kal־hayamiym׃ s

⁶ וְכִֽי־יָבֹ֨א הַלֵּוִ֜י מֵאַחַ֤ד שְׁעָרֶ֙יךָ֙ מִכָּל־יִשְׂרָאֵ֔ל אֲשֶׁר־ה֖וּא גָּ֣ר שָׁ֑ם וּבָא֙ בְּכָל־אַוַּ֣ת נַפְשֹׁ֔ו אֶל־הַמָּקֹ֖ום אֲשֶׁר־יִבְחַ֥ר יְהוָֽה׃ wekhiy־yavoʾ halewiy meʾaḥad sheʿareykha mikal־yiseraʾel ʾasher־huʾ gar sham uvaʾ bekhal־ʾauat nafeshow ʾel־hamaqowm ʾasher־yiveḥar yehwah׃

⁷ וְשֵׁרֵ֕ת בְּשֵׁ֖ם יְהוָ֣ה אֱלֹהָ֑יו כְּכָל־אֶחָיו֙ הַלְוִיִּ֔ם הָעֹמְדִ֥ים שָׁ֖ם לִפְנֵ֥י יְהוָֽה׃ wesheret beshem yehwah ʾelohayw kekhal־ʾeḥayw halewiyim haʿomediym sham lifeney yehwah׃

⁸ חֵ֥לֶק כְּחֵ֖לֶק יֹאכֵ֑לוּ לְבַ֥ד מִמְכָּרָ֖יו עַל־הָאָבֹֽות׃ ס ḥeleq keḥeleq yoʾkhelu levad mimekarayw ʿal־haʾavowt׃ s

Note · Deutéronome 18.1–8

Servir demande une subsistance et une place reconnue

Les ressources du prêtre sont définies et le Lévite venu d’une autre ville peut participer au service. La règle ne laisse pas toute décision à la préférence de celui qui occupe déjà la place. Le statut religieux ne rend pas pour autant le bénéficiaire propriétaire sans condition des dons reçus.

⁹ כִּ֤י אַתָּה֙ בָּ֣א אֶל־הָאָ֔רֶץ אֲשֶׁר־יְהוָ֥ה אֱלֹהֶ֖יךָ נֹתֵ֣ן לָ֑ךְ לֹֽא־תִלְמַ֣ד לַעֲשֹׂ֔ות כְּתֹועֲבֹ֖ת הַגֹּויִ֥ם הָהֵֽם׃ kiy ʾatah baʾ ʾel־haʾarets ʾasher־yehwah ʾeloheykha noten lakhe loʾ־tilemad laʿasowt ketowʿavot hagowyim hahem׃

¹⁰ לֹֽא־יִמָּצֵ֣א בְךָ֔ מַעֲבִ֥יר בְּנֹֽו־וּבִתֹּ֖ו בָּאֵ֑שׁ קֹסֵ֣ם קְסָמִ֔ים מְעֹונֵ֥ן וּמְנַחֵ֖שׁ וּמְכַשֵּֽׁף׃ loʾ־yimatseʾ vekha maʿaviyr benow־uvitow baʾesh qosem qesamiym meʿownen umenaḥesh umekhashef׃

¹¹ וְחֹבֵ֖ר חָ֑בֶר וְשֹׁאֵ֥ל אֹוב֙ וְיִדְּעֹנִ֔י וְדֹרֵ֖שׁ אֶל־הַמֵּתִֽים׃ weḥover ḥaver weshoʾel ʾowv weyideʿoniy wedoresh ʾel־hametiym׃

¹² כִּֽי־תֹועֲבַ֥ת יְהוָ֖ה כָּל־עֹ֣שֵׂה אֵ֑לֶּה וּבִגְלַל֙ הַתֹּועֵבֹ֣ת הָאֵ֔לֶּה יְהוָ֣ה אֱלֹהֶ֔יךָ מֹורִ֥ישׁ אֹותָ֖ם מִפָּנֶֽיךָ׃ kiy־towʿavat yehwah kal־ʿoseh ʾeleh uvigelal hatowʿevot haʾeleh yehwah ʾeloheykha mowriysh ʾowtam mipaneykha׃

¹³ תָּמִ֣ים תִּֽהְיֶ֔ה עִ֖ם יְהוָ֥ה אֱלֹהֶֽיךָ׃ ס tamiym tiheyeh ʿim yehwah ʾeloheykha׃ s

¹⁴ כִּ֣י ׀ הַגֹּויִ֣ם הָאֵ֗לֶּה אֲשֶׁ֤ר אַתָּה֙ יֹורֵ֣שׁ אֹותָ֔ם אֶל־מְעֹנְנִ֥ים וְאֶל־קֹסְמִ֖ים יִשְׁמָ֑עוּ וְאַתָּ֕ה לֹ֣א כֵ֔ן נָ֥תַן לְךָ֖ יְהוָ֥ה אֱלֹהֶֽיךָ׃ kiy ׀ hagowyim haʾeleh ʾasher ʾatah yowresh ʾowtam ʾel־meʿoneniym weʾel־qosemiym yishemaʿu weʾatah loʾ khen natan lekha yehwah ʾeloheykha׃

Note · Deutéronome 18.9–14

Le désir de savoir ne justifie pas tout recours

Les pratiques dénoncées comprennent aussi le passage d’enfants au feu. La condamnation de ces actes ne donne pas aux lecteurs un droit de persécution. La question spirituelle demeure : chercher une réponse n’autorise pas à traiter Dieu, autrui ou les morts comme des moyens disponibles à notre projet.

¹⁵ נָבִ֨יא מִקִּרְבְּךָ֤ מֵאַחֶ֙יךָ֙ כָּמֹ֔נִי יָקִ֥ים לְךָ֖ יְהוָ֣ה אֱלֹהֶ֑יךָ אֵלָ֖יו תִּשְׁמָעֽוּן׃ naviyʾ miqirebekha meʾaḥeykha kamoniy yaqiym lekha yehwah ʾeloheykha ʾelayw tishemaʿun׃

¹⁶ כְּכֹ֨ל אֲשֶׁר־שָׁאַ֜לְתָּ מֵעִ֨ם יְהוָ֤ה אֱלֹהֶ֙יךָ֙ בְּחֹרֵ֔ב בְּיֹ֥ום הַקָּהָ֖ל לֵאמֹ֑ר לֹ֣א אֹסֵ֗ף לִשְׁמֹ֙עַ֙ אֶת־קֹול֙ יְהוָ֣ה אֱלֹהָ֔י וְאֶת־הָאֵ֨שׁ הַגְּדֹלָ֥ה הַזֹּ֛את לֹֽא־אֶרְאֶ֥ה עֹ֖וד וְלֹ֥א אָמֽוּת׃ kekhol ʾasher־shaʾaleta meʿim yehwah ʾeloheykha beḥorev beyowm haqahal leʾmor loʾ ʾosef lishemoaʿ ʾet־qowl yehwah ʾelohay weʾet־haʾesh hagedolah hazoʾt loʾ־ʾereʾeh ʿowd weloʾ ʾamut׃

¹⁷ וַיֹּ֥אמֶר יְהוָ֖ה אֵלָ֑י הֵיטִ֖יבוּ אֲשֶׁ֥ר דִּבֵּֽרוּ׃ wayoʾmer yehwah ʾelay heyṭiyvu ʾasher diberu׃

¹⁸ נָבִ֨יא אָקִ֥ים לָהֶ֛ם מִקֶּ֥רֶב אֲחֵיהֶ֖ם כָּמֹ֑וךָ וְנָתַתִּ֤י דְבָרַי֙ בְּפִ֔יו וְדִבֶּ֣ר אֲלֵיהֶ֔ם אֵ֖ת כָּל־אֲשֶׁ֥ר אֲצַוֶּֽנּוּ׃ naviyʾ ʾaqiym lahem miqerev ʾaḥeyhem kamowkha wenatatiy devaray befiyw wediber ʾaleyhem ʾet kal־ʾasher ʾatsauenu׃

¹⁹ וְהָיָ֗ה הָאִישׁ֙ אֲשֶׁ֤ר לֹֽא־יִשְׁמַע֙ אֶל־דְּבָרַ֔י אֲשֶׁ֥ר יְדַבֵּ֖ר בִּשְׁמִ֑י אָנֹכִ֖י אֶדְרֹ֥שׁ מֵעִמֹּֽו׃ wehayah haʾiysh ʾasher loʾ־yishemaʿ ʾel־devaray ʾasher yedaber bishemiy ʾanokhiy ʾederosh meʿimow׃

²⁰ אַ֣ךְ הַנָּבִ֡יא אֲשֶׁ֣ר יָזִיד֩ לְדַבֵּ֨ר דָּבָ֜ר בִּשְׁמִ֗י אֵ֣ת אֲשֶׁ֤ר לֹֽא־צִוִּיתִיו֙ לְדַבֵּ֔ר וַאֲשֶׁ֣ר יְדַבֵּ֔ר בְּשֵׁ֖ם אֱלֹהִ֣ים אֲחֵרִ֑ים וּמֵ֖ת הַנָּבִ֥יא הַהֽוּא׃ ʾakhe hanaviyʾ ʾasher yaziyd ledaber davar bishemiy ʾet ʾasher loʾ־tsiuiytiyw ledaber waʾasher yedaber beshem ʾelohiym ʾaḥeriym umet hanaviyʾ hahuʾ׃

²¹ וְכִ֥י תֹאמַ֖ר בִּלְבָבֶ֑ךָ אֵיכָה֙ נֵדַ֣ע אֶת־הַדָּבָ֔ר אֲשֶׁ֥ר לֹא־דִבְּרֹ֖ו יְהוָֽה׃ wekhiy toʾmar bilevavekha ʾeykhah nedaʿ ʾet־hadavar ʾasher loʾ־diberow yehwah׃

²² אֲשֶׁר֩ יְדַבֵּ֨ר הַנָּבִ֜יא בְּשֵׁ֣ם יְהוָ֗ה וְלֹֽא־יִהְיֶ֤ה הַדָּבָר֙ וְלֹ֣א יָבֹ֔וא ה֣וּא הַדָּבָ֔ר אֲשֶׁ֥ר לֹא־דִבְּרֹ֖ו יְהוָ֑ה בְּזָדֹון֙ דִּבְּרֹ֣ו הַנָּבִ֔יא לֹ֥א תָג֖וּר מִמֶּֽנּוּ׃ ס ʾasher yedaber hanaviyʾ beshem yehwah weloʾ־yiheyeh hadavar weloʾ yavowʾ huʾ hadavar ʾasher loʾ־diberow yehwah bezadown diberow hanaviyʾ loʾ tagur mimenu׃ s

Note · Deutéronome 18.15–22

Le prophète doit répondre de ce qu’il attribue à Dieu

La parole annoncée ne vient pas simplement de son assurance personnelle. Le passage prévoit aussi la présomption et l’échec de la prédiction. Ce critère doit être lu avec Deutéronome 13 : un signe réalisé ne suffit pas non plus à légitimer un appel qui détourne de Dieu.