Nombres 6

¹ וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃ wayedaber yehwah ʾel־mosheh leʾmor׃

² דַּבֵּר֙ אֶל־בְּנֵ֣י יִשְׂרָאֵ֔ל וְאָמַרְתָּ֖ אֲלֵהֶ֑ם אִ֣ישׁ אֹֽו־אִשָּׁ֗ה כִּ֤י יַפְלִא֙ לִנְדֹּר֙ נֶ֣דֶר נָזִ֔יר לְהַזִּ֖יר לַֽיהוָֽה׃ daber ʾel־beney yiseraʾel weʾamareta ʾalehem ʾiysh ʾow־ʾishah kiy yafeliʾ linedor neder naziyr lehaziyr layhwah׃

³ מִיַּ֤יִן וְשֵׁכָר֙ יַזִּ֔יר חֹ֥מֶץ יַ֛יִן וְחֹ֥מֶץ שֵׁכָ֖ר לֹ֣א יִשְׁתֶּ֑ה וְכָל־מִשְׁרַ֤ת עֲנָבִים֙ לֹ֣א יִשְׁתֶּ֔ה וַעֲנָבִ֛ים לַחִ֥ים וִיבֵשִׁ֖ים לֹ֥א יֹאכֵֽל׃ miyayin weshekhar yaziyr ḥomets yayin weḥomets shekhar loʾ yisheteh wekhal־misherat ʿanaviym loʾ yisheteh waʿanaviym laḥiym wiyveshiym loʾ yoʾkhel׃

⁴ כֹּ֖ל יְמֵ֣י נִזְרֹ֑ו מִכֹּל֩ אֲשֶׁ֨ר יֵעָשֶׂ֜ה מִגֶּ֣פֶן הַיַּ֗יִן מֵחַרְצַנִּ֛ים וְעַד־זָ֖ג לֹ֥א יֹאכֵֽל׃ kol yemey nizerow mikol ʾasher yeʿaseh migefen hayayin meḥaretsaniym weʿad־zag loʾ yoʾkhel׃

⁵ כָּל־יְמֵי֙ נֶ֣דֶר נִזְרֹ֔ו תַּ֖עַר לֹא־יַעֲבֹ֣ר עַל־רֹאשֹׁ֑ו עַד־מְלֹ֨את הַיָּמִ֜ם אֲשֶׁר־יַזִּ֤יר לַיהוָה֙ קָדֹ֣שׁ יִהְיֶ֔ה גַּדֵּ֥ל פֶּ֖רַע שְׂעַ֥ר רֹאשֹֽׁו׃ kal־yemey neder nizerow taʿar loʾ־yaʿavor ʿal־roʾshow ʿad־meloʾt hayamim ʾasher־yaziyr layhwah qadosh yiheyeh gadel peraʿ seʿar roʾshow׃

⁶ כָּל־יְמֵ֥י הַזִּירֹ֖ו לַיהוָ֑ה עַל־נֶ֥פֶשׁ מֵ֖ת לֹ֥א יָבֹֽא׃ kal־yemey haziyrow layhwah ʿal־nefesh met loʾ yavoʾ׃

⁷ לְאָבִ֣יו וּלְאִמֹּ֗ו לְאָחִיו֙ וּלְאַ֣חֹתֹ֔ו לֹא־יִטַּמָּ֥א לָהֶ֖ם בְּמֹתָ֑ם כִּ֛י נֵ֥זֶר אֱלֹהָ֖יו עַל־רֹאשֹֽׁו׃ leʾaviyw uleʾimow leʾaḥiyw uleʾaḥotow loʾ־yiṭamaʾ lahem bemotam kiy nezer ʾelohayw ʿal־roʾshow׃

⁸ כֹּ֖ל יְמֵ֣י נִזְרֹ֑ו קָדֹ֥שׁ ה֖וּא לַֽיהוָֽה׃ kol yemey nizerow qadosh huʾ layhwah׃

Note · Nombres 6.1–8

Une mise à part qui porte sur des pratiques définies

Le vœu inclut les produits de la vigne, la chevelure et le contact avec les morts. Il ne faut pas confondre naziréen et habitant de Nazareth. Le texte décrit une forme d’engagement d’Israël, pas un programme ascétique imposé à tous les chrétiens.

⁹ וְכִֽי־יָמ֨וּת מֵ֤ת עָלָיו֙ בְּפֶ֣תַע פִּתְאֹ֔ם וְטִמֵּ֖א רֹ֣אשׁ נִזְרֹ֑ו וְגִלַּ֤ח רֹאשֹׁו֙ בְּיֹ֣ום טָהֳרָתֹ֔ו בַּיֹּ֥ום הַשְּׁבִיעִ֖י יְגַלְּחֶֽנּוּ׃ wekhiy־yamut met ʿalayw befetaʿ piteʾom weṭimeʾ roʾsh nizerow wegilaḥ roʾshow beyowm ṭahoratow bayowm hasheviyʿiy yegaleḥenu׃

¹⁰ וּבַיֹּ֣ום הַשְּׁמִינִ֗י יָבִא֙ שְׁתֵּ֣י תֹרִ֔ים אֹ֥ו שְׁנֵ֖י בְּנֵ֣י יֹונָ֑ה אֶל־הַכֹּהֵ֔ן אֶל־פֶּ֖תַח אֹ֥הֶל מֹועֵֽד׃ uvayowm hashemiyniy yaviʾ shetey toriym ʾow sheney beney yownah ʾel־hakohen ʾel־petaḥ ʾohel mowʿed׃

¹¹ וְעָשָׂ֣ה הַכֹּהֵ֗ן אֶחָ֤ד לְחַטָּאת֙ וְאֶחָ֣ד לְעֹלָ֔ה וְכִפֶּ֣ר עָלָ֔יו מֵאֲשֶׁ֥ר חָטָ֖א עַל־הַנָּ֑פֶשׁ וְקִדַּ֥שׁ אֶת־רֹאשֹׁ֖ו בַּיֹּ֥ום הַהֽוּא׃ weʿasah hakohen ʾeḥad leḥaṭaʾt weʾeḥad leʿolah wekhiper ʿalayw meʾasher ḥaṭaʾ ʿal־hanafesh weqidash ʾet־roʾshow bayowm hahuʾ׃

¹² וְהִזִּ֤יר לַֽיהוָה֙ אֶת־יְמֵ֣י נִזְרֹ֔ו וְהֵבִ֛יא כֶּ֥בֶשׂ בֶּן־שְׁנָתֹ֖ו לְאָשָׁ֑ם וְהַיָּמִ֤ים הָרִאשֹׁנִים֙ יִפְּל֔וּ כִּ֥י טָמֵ֖א נִזְרֹֽו׃ wehiziyr layhwah ʾet־yemey nizerow weheviyʾ keves ben־shenatow leʾasham wehayamiym hariʾshoniym yipelu kiy ṭameʾ nizerow׃

Note · Nombres 6.9–12

Un événement subi peut modifier le statut rituel

Une mort soudaine à proximité interrompt la consécration même sans faute volontaire du naziréen. Le rite de reprise rappelle la différence entre accident, impureté et intention morale. Il serait injuste de lire chaque offrande prescrite comme l’aveu d’une mauvaise conduite personnelle.

¹³ וְזֹ֥את תֹּורַ֖ת הַנָּזִ֑יר בְּיֹ֗ום מְלֹאת֙ יְמֵ֣י נִזְרֹ֔ו יָבִ֣יא אֹתֹ֔ו אֶל־פֶּ֖תַח אֹ֥הֶל מֹועֵֽד׃ wezoʾt towrat hanaziyr beyowm meloʾt yemey nizerow yaviyʾ ʾotow ʾel־petaḥ ʾohel mowʿed׃

¹⁴ וְהִקְרִ֣יב אֶת־קָרְבָּנֹ֣ו לַיהוָ֡ה כֶּבֶשׂ֩ בֶּן־שְׁנָתֹ֨ו תָמִ֤ים אֶחָד֙ לְעֹלָ֔ה וְכַבְשָׂ֨ה אַחַ֧ת בַּת־שְׁנָתָ֛הּ תְּמִימָ֖ה לְחַטָּ֑את וְאַֽיִל־אֶחָ֥ד תָּמִ֖ים לִשְׁלָמִֽים׃ wehiqeriyv ʾet־qarebanow layhwah keves ben־shenatow tamiym ʾeḥad leʿolah wekhavesah ʾaḥat bat־shenatah temiymah leḥaṭaʾt weʾayil־ʾeḥad tamiym lishelamiym׃

¹⁵ וְסַ֣ל מַצֹּ֗ות סֹ֤לֶת חַלֹּת֙ בְּלוּלֹ֣ת בַּשֶּׁ֔מֶן וּרְקִיקֵ֥י מַצֹּ֖ות מְשֻׁחִ֣ים בַּשָּׁ֑מֶן וּמִנְחָתָ֖ם וְנִסְכֵּיהֶֽם׃ wesal matsowt solet ḥalot belulot bashemen ureqiyqey matsowt meshuḥiym bashamen umineḥatam wenisekeyhem׃

¹⁶ וְהִקְרִ֥יב הַכֹּהֵ֖ן לִפְנֵ֣י יְהוָ֑ה וְעָשָׂ֥ה אֶת־חַטָּאתֹ֖ו וְאֶת־עֹלָתֹֽו׃ wehiqeriyv hakohen lifeney yehwah weʿasah ʾet־ḥaṭaʾtow weʾet־ʿolatow׃

¹⁷ וְאֶת־הָאַ֜יִל יַעֲשֶׂ֨ה זֶ֤בַח שְׁלָמִים֙ לַֽיהוָ֔ה עַ֖ל סַ֣ל הַמַּצֹּ֑ות וְעָשָׂה֙ הַכֹּהֵ֔ן אֶת־מִנְחָתֹ֖ו וְאֶת־נִסְכֹּֽו׃ weʾet־haʾayil yaʿaseh zevaḥ shelamiym layhwah ʿal sal hamatsowt weʿasah hakohen ʾet־mineḥatow weʾet־nisekow׃

¹⁸ וְגִלַּ֣ח הַנָּזִ֗יר פֶּ֛תַח אֹ֥הֶל מֹועֵ֖ד אֶת־רֹ֣אשׁ נִזְרֹ֑ו וְלָקַ֗ח אֶת־שְׂעַר֙ רֹ֣אשׁ נִזְרֹ֔ו וְנָתַן֙ עַל־הָאֵ֔שׁ אֲשֶׁר־תַּ֖חַת זֶ֥בַח הַשְּׁלָמִֽים׃ wegilaḥ hanaziyr petaḥ ʾohel mowʿed ʾet־roʾsh nizerow welaqaḥ ʾet־seʿar roʾsh nizerow wenatan ʿal־haʾesh ʾasher־taḥat zevaḥ hashelamiym׃

¹⁹ וְלָקַ֨ח הַכֹּהֵ֜ן אֶת־הַזְּרֹ֣עַ בְּשֵׁלָה֮ מִן־הָאַיִל֒ וְֽחַלַּ֨ת מַצָּ֤ה אַחַת֙ מִן־הַסַּ֔ל וּרְקִ֥יק מַצָּ֖ה אֶחָ֑ד וְנָתַן֙ עַל־כַּפֵּ֣י הַנָּזִ֔יר אַחַ֖ר הִֽתְגַּלְּחֹ֥ו אֶת־נִזְרֹֽו׃ welaqaḥ hakohen ʾet־hazeroaʿ beshelah min־haʾayil weḥalat matsah ʾaḥat min־hasal ureqiyq matsah ʾeḥad wenatan ʿal־kapey hanaziyr ʾaḥar hitegaleḥow ʾet־nizerow׃

²⁰ וְהֵנִיף֩ אֹותָ֨ם הַכֹּהֵ֥ן ׀ תְּנוּפָה֮ לִפְנֵ֣י יְהוָה֒ קֹ֤דֶשׁ הוּא֙ לַכֹּהֵ֔ן עַ֚ל חֲזֵ֣ה הַתְּנוּפָ֔ה וְעַ֖ל שֹׁ֣וק הַתְּרוּמָ֑ה וְאַחַ֛ר יִשְׁתֶּ֥ה הַנָּזִ֖יר יָֽיִן׃ weheniyf ʾowtam hakohen ׀ tenufah lifeney yehwah qodesh huʾ lakohen ʿal ḥazeh hatenufah weʿal showq haterumah weʾaḥar yisheteh hanaziyr yayin׃

²¹ זֹ֣את תֹּורַ֣ת הַנָּזִיר֮ אֲשֶׁ֣ר יִדֹּר֒ קָרְבָּנֹ֤ו לַֽיהוָה֙ עַל־נִזְרֹ֔ו מִלְּבַ֖ד אֲשֶׁר־תַּשִּׂ֣יג יָדֹ֑ו כְּפִ֤י נִדְרֹו֙ אֲשֶׁ֣ר יִדֹּ֔ר כֵּ֣ן יַעֲשֶׂ֔ה עַ֖ל תֹּורַ֥ת נִזְרֹֽו׃ פ zoʾt towrat hanaziyr ʾasher yidor qarebanow layhwah ʿal־nizerow milevad ʾasher־tasiyg yadow kefiy niderow ʾasher yidor ken yaʿaseh ʿal towrat nizerow׃ f

Note · Nombres 6.13–21

L’engagement possède aussi un terme

Les offrandes et le rasage marquent l’accomplissement de la période. La personne peut ensuite reprendre l’usage du vin. Une discipline temporaire ne devient donc pas automatiquement une règle permanente, et l’on ne peut faire du prolongement indéfini d’un vœu la preuve obligée de la fidélité.

²² וַיְדַבֵּ֥ר יְהוָ֖ה אֶל־מֹשֶׁ֥ה לֵּאמֹֽר׃ wayedaber yehwah ʾel־mosheh leʾmor׃

²³ דַּבֵּ֤ר אֶֽל־אַהֲרֹן֙ וְאֶל־בָּנָ֣יו לֵאמֹ֔ר כֹּ֥ה תְבָרֲכ֖וּ אֶת־בְּנֵ֣י יִשְׂרָאֵ֑ל אָמֹ֖ור לָהֶֽם׃ ס daber ʾel־ʾaharon weʾel־banayw leʾmor koh tevarakhu ʾet־beney yiseraʾel ʾamowr lahem׃ s

²⁴ יְבָרֶכְךָ֥ יְהוָ֖ה וְיִשְׁמְרֶֽךָ׃ ס yevarekhekha yehwah weyishemerekha׃ s

²⁵ יָאֵ֨ר יְהוָ֧ה ׀ פָּנָ֛יו אֵלֶ֖יךָ וִֽיחֻנֶּֽךָּ׃ ס yaʾer yehwah ׀ panayw ʾeleykha wiyḥuneka׃ s

²⁶ יִשָּׂ֨א יְהוָ֤ה ׀ פָּנָיו֙ אֵלֶ֔יךָ וְיָשֵׂ֥ם לְךָ֖ שָׁלֹֽום׃ ס yisaʾ yehwah ׀ panayw ʾeleykha weyasem lekha shalowm׃ s

²⁷ וְשָׂמ֥וּ אֶת־שְׁמִ֖י עַל־בְּנֵ֣י יִשְׂרָאֵ֑ל וַאֲנִ֖י אֲבָרֲכֵֽם׃ פ wesamu ʾet־shemiy ʿal־beney yiseraʾel waʾaniy ʾavarakhem׃ f

Note · Nombres 6.22–27

Bénir ne signifie pas disposer de Dieu

Aaron et ses fils reçoivent des paroles à prononcer, puis Dieu affirme qu’il bénira. La distinction demeure entre le ministre et l’origine du don. La paix annoncée n’est pas une garantie d’absence de toute épreuve ; elle situe le peuple sous une faveur qui ne se réduit pas à ses réussites.