1 וְאָ֣הַבְתָּ֔ אֵ֖ת יְהוָ֣ה אֱלֹהֶ֑יךָ וְשָׁמַרְתָּ֣ מִשְׁמַרְתֹּ֗ו וְחֻקֹּתָ֧יו וּמִשְׁפָּטָ֛יו וּמִצְוֹתָ֖יו כָּל־הַיָּמִֽים׃ weʾahaveta ʾet yehwah ʾeloheykha weshamareta mishemaretow weḥuqotayw umishepaṭayw umitseotayw kal־hayamiym׃
2 וִֽידַעְתֶּם֮ הַיֹּום֒ כִּ֣י ׀ לֹ֣א אֶת־בְּנֵיכֶ֗ם אֲשֶׁ֤ר לֹֽא־יָדְעוּ֙ וַאֲשֶׁ֣ר לֹא־רָא֔וּ אֶת־מוּסַ֖ר יְהוָ֣ה אֱלֹהֵיכֶ֑ם אֶת־גָּדְלֹ֕ו אֶת־יָדֹו֙ הַחֲזָקָ֔ה וּזְרֹעֹ֖ו הַנְּטוּיָֽה׃ wiydaʿetem hayowm kiy ׀ loʾ ʾet־beneykhem ʾasher loʾ־yadeʿu waʾasher loʾ־raʾu ʾet־musar yehwah ʾeloheykhem ʾet־gadelow ʾet־yadow haḥazaqah uzeroʿow haneṭuyah׃
3 וְאֶת־אֹֽתֹתָיו֙ וְאֶֽת־מַעֲשָׂ֔יו אֲשֶׁ֥ר עָשָׂ֖ה בְּתֹ֣וךְ מִצְרָ֑יִם לְפַרְעֹ֥ה מֶֽלֶךְ־מִצְרַ֖יִם וּלְכָל־אַרְצֹֽו׃ weʾet־ʾototayw weʾet־maʿasayw ʾasher ʿasah betowkhe mitserayim lefareʿoh melekhe־mitserayim ulekhal־ʾaretsow׃
4 וַאֲשֶׁ֣ר עָשָׂה֩ לְחֵ֨יל מִצְרַ֜יִם לְסוּסָ֣יו וּלְרִכְבֹּ֗ו אֲשֶׁ֨ר הֵצִ֜יף אֶת־מֵ֤י יַם־סוּף֙ עַל־פְּנֵיהֶ֔ם בְּרָדְפָ֖ם אַחֲרֵיכֶ֑ם וַיְאַבְּדֵ֣ם יְהוָ֔ה עַ֖ד הַיֹּ֥ום הַזֶּֽה׃ waʾasher ʿasah leḥeyl mitserayim lesusayw ulerikhebow ʾasher hetsiyf ʾet־mey yam־suf ʿal־peneyhem beradefam ʾaḥareykhem wayeʾabedem yehwah ʿad hayowm hazeh׃
5 וַאֲשֶׁ֥ר עָשָׂ֛ה לָכֶ֖ם בַּמִּדְבָּ֑ר עַד־בֹּאֲכֶ֖ם עַד־הַמָּקֹ֥ום הַזֶּֽה׃ waʾasher ʿasah lakhem bamidebar ʿad־boʾakhem ʿad־hamaqowm hazeh׃
6 וַאֲשֶׁ֨ר עָשָׂ֜ה לְדָתָ֣ן וְלַאֲבִירָ֗ם בְּנֵ֣י אֱלִיאָב֮ בֶּן־רְאוּבֵן֒ אֲשֶׁ֨ר פָּצְתָ֤ה הָאָ֙רֶץ֙ אֶת־פִּ֔יהָ וַתִּבְלָעֵ֥ם וְאֶת־בָּתֵּיהֶ֖ם וְאֶת־אָהֳלֵיהֶ֑ם וְאֵ֤ת כָּל־הַיְקוּם֙ אֲשֶׁ֣ר בְּרַגְלֵיהֶ֔ם בְּקֶ֖רֶב כָּל־יִשְׂרָאֵֽל׃ waʾasher ʿasah ledatan welaʾaviyram beney ʾeliyʾav ben־reʾuven ʾasher patsetah haʾarets ʾet־piyha wativelaʿem weʾet־bateyhem weʾet־ʾaholeyhem weʾet kal־hayequm ʾasher berageleyhem beqerev kal־yiseraʾel׃
7 כִּ֤י עֵֽינֵיכֶם֙ הָֽרֹאֹ֔ת אֶת־כָּל־מַעֲשֵׂ֥ה יְהוָ֖ה הַגָּדֹ֑ל אֲשֶׁ֖ר עָשָֽׂה׃ kiy ʿeyneykhem haroʾot ʾet־kal־maʿaseh yehwah hagadol ʾasher ʿasah׃
8 וּשְׁמַרְתֶּם֙ אֶת־כָּל־הַמִּצְוָ֔ה אֲשֶׁ֛ר אָנֹכִ֥י מְצַוְּךָ֖ הַיֹּ֑ום לְמַ֣עַן תֶּחֶזְק֗וּ וּבָאתֶם֙ וִֽירִשְׁתֶּ֣ם אֶת־הָאָ֔רֶץ אֲשֶׁ֥ר אַתֶּ֛ם עֹבְרִ֥ים שָׁ֖מָּה לְרִשְׁתָּֽהּ׃ ushemaretem ʾet־kal־hamitsewah ʾasher ʾanokhiy metsauekha hayowm lemaʿan teḥezequ uvaʾtem wiyrishetem ʾet־haʾarets ʾasher ʾatem ʿoveriym shamah lerishetah׃
9 וּלְמַ֨עַן תַּאֲרִ֤יכוּ יָמִים֙ עַל־הָ֣אֲדָמָ֔ה אֲשֶׁר֩ נִשְׁבַּ֨ע יְהוָ֧ה לַאֲבֹתֵיכֶ֛ם לָתֵ֥ת לָהֶ֖ם וּלְזַרְעָ֑ם אֶ֛רֶץ זָבַ֥ת חָלָ֖ב וּדְבָֽשׁ׃ ס ulemaʿan taʾariykhu yamiym ʿal־haʾadamah ʾasher nishebaʿ yehwah laʾavoteykhem latet lahem ulezareʿam ʾerets zavat ḥalav udevash׃ s
10 כִּ֣י הָאָ֗רֶץ אֲשֶׁ֨ר אַתָּ֤ה בָא־שָׁ֙מָּה֙ לְרִשְׁתָּ֔הּ לֹ֣א כְאֶ֤רֶץ מִצְרַ֙יִם֙ הִ֔וא אֲשֶׁ֥ר יְצָאתֶ֖ם מִשָּׁ֑ם אֲשֶׁ֤ר תִּזְרַע֙ אֶֽת־זַרְעֲךָ֔ וְהִשְׁקִ֥יתָ בְרַגְלְךָ֖ כְּגַ֥ן הַיָּרָֽק׃ kiy haʾarets ʾasher ʾatah vaʾ־shamah lerishetah loʾ kheʾerets mitserayim hiwʾ ʾasher yetsaʾtem misham ʾasher tizeraʿ ʾet־zareʿakha wehisheqiyta veragelekha kegan hayaraq׃
11 וְהָאָ֗רֶץ אֲשֶׁ֨ר אַתֶּ֜ם עֹבְרִ֥ים שָׁ֙מָּה֙ לְרִשְׁתָּ֔הּ אֶ֥רֶץ הָרִ֖ים וּבְקָעֹ֑ת לִמְטַ֥ר הַשָּׁמַ֖יִם תִּשְׁתֶּה־מָּֽיִם׃ wehaʾarets ʾasher ʾatem ʿoveriym shamah lerishetah ʾerets hariym uveqaʿot limeṭar hashamayim tisheteh־mayim׃
12 אֶ֕רֶץ אֲשֶׁר־יְהוָ֥ה אֱלֹהֶ֖יךָ דֹּרֵ֣שׁ אֹתָ֑הּ תָּמִ֗יד עֵינֵ֨י יְהוָ֤ה אֱלֹהֶ֙יךָ֙ בָּ֔הּ מֵֽרֵשִׁית֙ הַשָּׁנָ֔ה וְעַ֖ד אַחֲרִ֥ית שָׁנָֽה׃ ס ʾerets ʾasher־yehwah ʾeloheykha doresh ʾotah tamiyd ʿeyney yehwah ʾeloheykha bah mereshiyt hashanah weʿad ʾaḥariyt shanah׃ s
Note · Deutéronome 11.1–12
L’expérience des parents doit devenir enseignement
Le discours distingue ce que les enfants n’ont pas directement connu. L’appel à se souvenir ne suppose donc pas une mémoire vécue identique chez tous. La comparaison des terres souligne aussi une dépendance qui demeurera après l’entrée, au-delà de l’effort humain d’irriguer ou de cultiver.
13 וְהָיָ֗ה אִם־שָׁמֹ֤עַ תִּשְׁמְעוּ֙ אֶל־מִצְוֹתַ֔י אֲשֶׁ֧ר אָנֹכִ֛י מְצַוֶּ֥ה אֶתְכֶ֖ם הַיֹּ֑ום לְאַהֲבָ֞ה אֶת־יְהוָ֤ה אֱלֹֽהֵיכֶם֙ וּלְעָבְדֹ֔ו בְּכָל־לְבַבְכֶ֖ם וּבְכָל־נַפְשְׁכֶֽם׃ wehayah ʾim־shamoaʿ tishemeʿu ʾel־mitseotay ʾasher ʾanokhiy metsaueh ʾetekhem hayowm leʾahavah ʾet־yehwah ʾeloheykhem uleʿavedow bekhal־levavekhem uvekhal־nafeshekhem׃
14 וְנָתַתִּ֧י מְטַֽר־אַרְצְכֶ֛ם בְּעִתֹּ֖ו יֹורֶ֣ה וּמַלְקֹ֑ושׁ וְאָסַפְתָּ֣ דְגָנֶ֔ךָ וְתִֽירֹשְׁךָ֖ וְיִצְהָרֶֽךָ׃ wenatatiy meṭar־ʾaretsekhem beʿitow yowreh umaleqowsh weʾasafeta deganekha wetiyroshekha weyitseharekha׃
15 וְנָתַתִּ֛י עֵ֥שֶׂב בְּשָׂדְךָ֖ לִבְהֶמְתֶּ֑ךָ וְאָכַלְתָּ֖ וְשָׂבָֽעְתָּ׃ wenatatiy ʿesev besadekha livehemetekha weʾakhaleta wesavaʿeta׃
16 הִשָּֽׁמְר֣וּ לָכֶ֔ם פֶּ֥ן יִפְתֶּ֖ה לְבַבְכֶ֑ם וְסַרְתֶּ֗ם וַעֲבַדְתֶּם֙ אֱלֹהִ֣ים אֲחֵרִ֔ים וְהִשְׁתַּחֲוִיתֶ֖ם לָהֶֽם׃ hishameru lakhem pen yifeteh levavekhem wesaretem waʿavadetem ʾelohiym ʾaḥeriym wehishetaḥawiytem lahem׃
17 וְחָרָ֨ה אַף־יְהוָ֜ה בָּכֶ֗ם וְעָצַ֤ר אֶת־הַשָּׁמַ֙יִם֙ וְלֹֽא־יִהְיֶ֣ה מָטָ֔ר וְהָ֣אֲדָמָ֔ה לֹ֥א תִתֵּ֖ן אֶת־יְבוּלָ֑הּ וַאֲבַדְתֶּ֣ם מְהֵרָ֗ה מֵעַל֙ הָאָ֣רֶץ הַטֹּבָ֔ה אֲשֶׁ֥ר יְהוָ֖ה נֹתֵ֥ן לָכֶֽם׃ weḥarah ʾaf־yehwah bakhem weʿatsar ʾet־hashamayim weloʾ־yiheyeh maṭar wehaʾadamah loʾ titen ʾet־yevulah waʾavadetem meherah meʿal haʾarets haṭovah ʾasher yehwah noten lakhem׃
18 וְשַׂמְתֶּם֙ אֶת־דְּבָרַ֣י אֵ֔לֶּה עַל־לְבַבְכֶ֖ם וְעַֽל־נַפְשְׁכֶ֑ם וּקְשַׁרְתֶּ֨ם אֹתָ֤ם לְאֹות֙ עַל־יֶדְכֶ֔ם וְהָי֥וּ לְטֹוטָפֹ֖ת בֵּ֥ין עֵינֵיכֶֽם׃ wesametem ʾet־devaray ʾeleh ʿal־levavekhem weʿal־nafeshekhem uqesharetem ʾotam leʾowt ʿal־yedekhem wehayu leṭowṭafot beyn ʿeyneykhem׃
19 וְלִמַּדְתֶּ֥ם אֹתָ֛ם אֶת־בְּנֵיכֶ֖ם לְדַבֵּ֣ר בָּ֑ם בְּשִׁבְתְּךָ֤ בְּבֵיתֶ֙ךָ֙ וּבְלֶכְתְּךָ֣ בַדֶּ֔רֶךְ וּֽבְשָׁכְבְּךָ֖ וּבְקוּמֶֽךָ׃ welimadetem ʾotam ʾet־beneykhem ledaber bam beshivetekha beveytekha uvelekhetekha vaderekhe uveshakhebekha uvequmekha׃
20 וּכְתַבְתָּ֛ם עַל־מְזוּזֹ֥ות בֵּיתֶ֖ךָ וּבִשְׁעָרֶֽיךָ׃ ukhetavetam ʿal־mezuzowt beytekha uvisheʿareykha׃
21 לְמַ֨עַן יִרְבּ֤וּ יְמֵיכֶם֙ וִימֵ֣י בְנֵיכֶ֔ם עַ֚ל הָֽאֲדָמָ֔ה אֲשֶׁ֨ר נִשְׁבַּ֧ע יְהוָ֛ה לַאֲבֹתֵיכֶ֖ם לָתֵ֣ת לָהֶ֑ם כִּימֵ֥י הַשָּׁמַ֖יִם עַל־הָאָֽרֶץ׃ ס lemaʿan yirebu yemeykhem wiymey veneykhem ʿal haʾadamah ʾasher nishebaʿ yehwah laʾavoteykhem latet lahem kiymey hashamayim ʿal־haʾarets׃ s
Note · Deutéronome 11.13–21
La parole doit circuler dans la vie ordinaire
L’amour et le service se prolongent par des signes et un enseignement dans la maison et sur la route. Ce rythme rejoint Deutéronome 6. Le signe ne remplace pas l’écoute : une inscription visible ne garantit pas que les pratiques familiales et sociales correspondent à ce qu’elle rappelle.
22 כִּי֩ אִם־שָׁמֹ֨ר תִּשְׁמְר֜וּן אֶת־כָּל־הַמִּצְוָ֣ה הַזֹּ֗את אֲשֶׁ֧ר אָנֹכִ֛י מְצַוֶּ֥ה אֶתְכֶ֖ם לַעֲשֹׂתָ֑הּ לְאַהֲבָ֞ה אֶת־יְהוָ֧ה אֱלֹהֵיכֶ֛ם לָלֶ֥כֶת בְּכָל־דְּרָכָ֖יו וּלְדָבְקָה־בֹֽו׃ kiy ʾim־shamor tishemerun ʾet־kal־hamitsewah hazoʾt ʾasher ʾanokhiy metsaueh ʾetekhem laʿasotah leʾahavah ʾet־yehwah ʾeloheykhem lalekhet bekhal־derakhayw uledaveqah־vow׃
23 וְהֹורִ֧ישׁ יְהוָ֛ה אֶת־כָּל־הַגֹּויִ֥ם הָאֵ֖לֶּה מִלִּפְנֵיכֶ֑ם וִֽירִשְׁתֶּ֣ם גֹּויִ֔ם גְּדֹלִ֥ים וַעֲצֻמִ֖ים מִכֶּֽם׃ wehowriysh yehwah ʾet־kal־hagowyim haʾeleh milifeneykhem wiyrishetem gowyim gedoliym waʿatsumiym mikem׃
24 כָּל־הַמָּקֹ֗ום אֲשֶׁ֨ר תִּדְרֹ֧ךְ כַּֽף־רַגְלְכֶ֛ם בֹּ֖ו לָכֶ֣ם יִהְיֶ֑ה מִן־הַמִּדְבָּ֨ר וְהַלְּבָנֹ֜ון מִן־הַנָּהָ֣ר נְהַר־פְּרָ֗ת וְעַד֙ הַיָּ֣ם הָֽאַחֲרֹ֔ון יִהְיֶ֖ה גְּבֻלְכֶֽם׃ kal־hamaqowm ʾasher tiderokhe kaf־ragelekhem bow lakhem yiheyeh min־hamidebar wehalevanown min־hanahar nehar־perat weʿad hayam haʾaḥarown yiheyeh gevulekhem׃
25 לֹא־יִתְיַצֵּ֥ב אִ֖ישׁ בִּפְנֵיכֶ֑ם פַּחְדְּכֶ֨ם וּמֹֽורַאֲכֶ֜ם יִתֵּ֣ן ׀ יְהוָ֣ה אֱלֹֽהֵיכֶ֗ם עַל־פְּנֵ֤י כָל־הָאָ֙רֶץ֙ אֲשֶׁ֣ר תִּדְרְכוּ־בָ֔הּ כַּאֲשֶׁ֖ר דִּבֶּ֥ר לָכֶֽם׃ ס loʾ־yiteyatsev ʾiysh bifeneykhem paḥedekhem umowraʾakhem yiten ׀ yehwah ʾeloheykhem ʿal־peney khal־haʾarets ʾasher tiderekhu־vah kaʾasher diber lakhem׃ s
26 רְאֵ֗ה אָנֹכִ֛י נֹתֵ֥ן לִפְנֵיכֶ֖ם הַיֹּ֑ום בְּרָכָ֖ה וּקְלָלָֽה׃ reʾeh ʾanokhiy noten lifeneykhem hayowm berakhah uqelalah׃
27 אֶֽת־הַבְּרָכָ֑ה אֲשֶׁ֣ר תִּשְׁמְע֗וּ אֶל־מִצְוֹת֙ יְהוָ֣ה אֱלֹֽהֵיכֶ֔ם אֲשֶׁ֧ר אָנֹכִ֛י מְצַוֶּ֥ה אֶתְכֶ֖ם הַיֹּֽום׃ ʾet־haberakhah ʾasher tishemeʿu ʾel־mitseot yehwah ʾeloheykhem ʾasher ʾanokhiy metsaueh ʾetekhem hayowm׃
28 וְהַקְּלָלָ֗ה אִם־לֹ֤א תִשְׁמְעוּ֙ אֶל־מִצְוֹת֙ יְהוָ֣ה אֱלֹֽהֵיכֶ֔ם וְסַרְתֶּ֣ם מִן־הַדֶּ֔רֶךְ אֲשֶׁ֧ר אָנֹכִ֛י מְצַוֶּ֥ה אֶתְכֶ֖ם הַיֹּ֑ום לָלֶ֗כֶת אַחֲרֵ֛י אֱלֹהִ֥ים אֲחֵרִ֖ים אֲשֶׁ֥ר לֹֽא־יְדַעְתֶּֽם׃ ס wehaqelalah ʾim־loʾ tishemeʿu ʾel־mitseot yehwah ʾeloheykhem wesaretem min־haderekhe ʾasher ʾanokhiy metsaueh ʾetekhem hayowm lalekhet ʾaḥarey ʾelohiym ʾaḥeriym ʾasher loʾ־yedaʿetem׃ s
29 וְהָיָ֗ה כִּ֤י יְבִֽיאֲךָ֙ יְהוָ֣ה אֱלֹהֶ֔יךָ אֶל־הָאָ֕רֶץ אֲשֶׁר־אַתָּ֥ה בָא־שָׁ֖מָּה לְרִשְׁתָּ֑הּ וְנָתַתָּ֤ה אֶת־הַבְּרָכָה֙ עַל־הַ֣ר גְּרִזִ֔ים וְאֶת־הַקְּלָלָ֖ה עַל־הַ֥ר עֵיבָֽל׃ wehayah kiy yeviyʾakha yehwah ʾeloheykha ʾel־haʾarets ʾasher־ʾatah vaʾ־shamah lerishetah wenatatah ʾet־haberakhah ʿal־har geriziym weʾet־haqelalah ʿal־har ʿeyval׃
30 הֲלֹא־הֵ֜מָּה בְּעֵ֣בֶר הַיַּרְדֵּ֗ן אַֽחֲרֵי֙ דֶּ֚רֶךְ מְבֹ֣וא הַשֶּׁ֔מֶשׁ בְּאֶ֙רֶץ֙ הַֽכְּנַעֲנִ֔י הַיֹּשֵׁ֖ב בָּעֲרָבָ֑ה מ֚וּל הַגִּלְגָּ֔ל אֵ֖צֶל אֵלֹונֵ֥י מֹרֶֽה׃ haloʾ־hemah beʿever hayareden ʾaḥarey derekhe mevowʾ hashemesh beʾerets hakenaʿaniy hayoshev baʿaravah mul hagilegal ʾetsel ʾelowney moreh׃
31 כִּ֤י אַתֶּם֙ עֹבְרִ֣ים אֶת־הַיַּרְדֵּ֔ן לָבֹא֙ לָרֶ֣שֶׁת אֶת־הָאָ֔רֶץ אֲשֶׁר־יְהוָ֥ה אֱלֹהֵיכֶ֖ם נֹתֵ֣ן לָכֶ֑ם וִֽירִשְׁתֶּ֥ם אֹתָ֖הּ וִֽישַׁבְתֶּם־בָּֽהּ׃ kiy ʾatem ʿoveriym ʾet־hayareden lavoʾ lareshet ʾet־haʾarets ʾasher־yehwah ʾeloheykhem noten lakhem wiyrishetem ʾotah wiyshavetem־bah׃
32 וּשְׁמַרְתֶּ֣ם לַעֲשֹׂ֔ות אֵ֥ת כָּל־הַֽחֻקִּ֖ים וְאֶת־הַמִּשְׁפָּטִ֑ים אֲשֶׁ֧ר אָנֹכִ֛י נֹתֵ֥ן לִפְנֵיכֶ֖ם הַיֹּֽום׃ ushemaretem laʿasowt ʾet kal־haḥuqiym weʾet־hamishepaṭiym ʾasher ʾanokhiy noten lifeneykhem hayowm׃
Note · Deutéronome 11.22–32
Le choix est annoncé avant d’être mis en scène dans le pays
Les montagnes de Garizim et d’Ébal préparent la proclamation qui sera reprise plus loin. Le peuple ne reçoit pas seulement un territoire, mais une responsabilité. Le langage de la possession et des adversaires reste situé dans cette histoire, sans fournir un programme actuel d’expansion religieuse.