1 וַיִּסַּ֨ע מִשָּׁ֤ם אַבְרָהָם֙ אַ֣רְצָה הַנֶּ֔גֶב וַיֵּ֥שֶׁב בֵּין־קָדֵ֖שׁ וּבֵ֣ין שׁ֑וּר וַיָּ֖גָר בִּגְרָֽר׃ wayisaʿ misham ʾaveraham ʾaretsah hanegev wayeshev beyn־qadesh uveyn shur wayagar bigerar׃

2 וַיֹּ֧אמֶר אַבְרָהָ֛ם אֶל־שָׂרָ֥ה אִשְׁתֹּ֖ו אֲחֹ֣תִי הִ֑וא וַיִּשְׁלַ֗ח אֲבִימֶ֙לֶךְ֙ מֶ֣לֶךְ גְּרָ֔ר וַיִּקַּ֖ח אֶת־שָׂרָֽה׃ wayoʾmer ʾaveraham ʾel־sarah ʾishetow ʾaḥotiy hiwʾ wayishelaḥ ʾaviymelekhe melekhe gerar wayiqaḥ ʾet־sarah׃

3 וַיָּבֹ֧א אֱלֹהִ֛ים אֶל־אֲבִימֶ֖לֶךְ בַּחֲלֹ֣ום הַלָּ֑יְלָה וַיֹּ֣אמֶר לֹ֗ו הִנְּךָ֥ מֵת֙ עַל־הָאִשָּׁ֣ה אֲשֶׁר־לָקַ֔חְתָּ וְהִ֖וא בְּעֻ֥לַת בָּֽעַל׃ wayavoʾ ʾelohiym ʾel־ʾaviymelekhe baḥalowm halayelah wayoʾmer low hinekha met ʿal־haʾishah ʾasher־laqaḥeta wehiwʾ beʿulat baʿal׃

4 וַאֲבִימֶ֕לֶךְ לֹ֥א קָרַ֖ב אֵלֶ֑יהָ וַיֹּאמַ֕ר אֲדֹנָ֕י הֲגֹ֥וי גַּם־צַדִּ֖יק תַּהֲרֹֽג׃ waʾaviymelekhe loʾ qarav ʾeleyha wayoʾmar ʾadonay hagowy gam־tsadiyq taharog׃

5 הֲלֹ֨א ה֤וּא אָֽמַר־לִי֙ אֲחֹ֣תִי הִ֔וא וְהִֽיא־גַם־הִ֥וא אָֽמְרָ֖ה אָחִ֣י ה֑וּא בְּתָם־לְבָבִ֛י וּבְנִקְיֹ֥ן כַּפַּ֖י עָשִׂ֥יתִי זֹֽאת׃ haloʾ huʾ ʾamar־liy ʾaḥotiy hiwʾ wehiyʾ־gam־hiwʾ ʾamerah ʾaḥiy huʾ betam־levaviy uveniqeyon kapay ʿasiytiy zoʾt׃

6 וַיֹּאמֶר֩ אֵלָ֨יו הָֽאֱלֹהִ֜ים בַּחֲלֹ֗ם גַּ֣ם אָנֹכִ֤י יָדַ֙עְתִּי֙ כִּ֤י בְתָם־לְבָבְךָ֙ עָשִׂ֣יתָ זֹּ֔את וָאֶחְשֹׂ֧ךְ גַּם־אָנֹכִ֛י אֹֽותְךָ֖ מֵחֲטֹו־לִ֑י עַל־כֵּ֥ן לֹא־נְתַתִּ֖יךָ לִנְגֹּ֥עַ אֵלֶֽיהָ׃ wayoʾmer ʾelayw haʾelohiym baḥalom gam ʾanokhiy yadaʿetiy kiy vetam־levavekha ʿasiyta zoʾt waʾeḥesokhe gam־ʾanokhiy ʾowtekha meḥaṭow־liy ʿal־ken loʾ־netatiykha linegoaʿ ʾeleyha׃

7 וְעַתָּ֗ה הָשֵׁ֤ב אֵֽשֶׁת־הָאִישׁ֙ כִּֽי־נָבִ֣יא ה֔וּא וְיִתְפַּלֵּ֥ל בַּֽעַדְךָ֖ וֶֽחְיֵ֑ה וְאִם־אֵֽינְךָ֣ מֵשִׁ֗יב דַּ֚ע כִּי־מֹ֣ות תָּמ֔וּת אַתָּ֖ה וְכָל־אֲשֶׁר־לָֽךְ׃ weʿatah hashev ʾeshet־haʾiysh kiy־naviyʾ huʾ weyitepalel baʿadekha weḥeyeh weʾim־ʾeynekha meshiyv daʿ kiy־mowt tamut ʾatah wekhal־ʾasher־lakhe׃

Note · Genèse 20.1–7

Une intervention avant l’irréparable

Abimélec reçoit un avertissement avant d’avoir eu de relation avec Sara. Son intégrité est reconnue dans le cadre de ce qu’il savait. La menace divine n’efface donc pas la question de la connaissance et de la responsabilité : le récit prend au sérieux la différence entre tromper et être trompé.

8 וַיַּשְׁכֵּ֨ם אֲבִימֶ֜לֶךְ בַּבֹּ֗קֶר וַיִּקְרָא֙ לְכָל־עֲבָדָ֔יו וַיְדַבֵּ֛ר אֶת־כָּל־הַדְּבָרִ֥ים הָאֵ֖לֶּה בְּאָזְנֵיהֶ֑ם וַיִּֽירְא֥וּ הָאֲנָשִׁ֖ים מְאֹֽד׃ wayashekem ʾaviymelekhe baboqer wayiqeraʾ lekhal־ʿavadayw wayedaber ʾet־kal־hadevariym haʾeleh beʾazeneyhem wayiyreʾu haʾanashiym meʾod׃

9 וַיִּקְרָ֨א אֲבִימֶ֜לֶךְ לְאַבְרָהָ֗ם וַיֹּ֨אמֶר לֹ֜ו מֶֽה־עָשִׂ֤יתָ לָּ֙נוּ֙ וּמֶֽה־חָטָ֣אתִי לָ֔ךְ כִּֽי־הֵבֵ֧אתָ עָלַ֛י וְעַל־מַמְלַכְתִּ֖י חֲטָאָ֣ה גְדֹלָ֑ה מַעֲשִׂים֙ אֲשֶׁ֣ר לֹא־יֵֽעָשׂ֔וּ עָשִׂ֖יתָ עִמָּדִֽי׃ wayiqeraʾ ʾaviymelekhe leʾaveraham wayoʾmer low meh־ʿasiyta lanu umeh־ḥaṭaʾtiy lakhe kiy־heveʾta ʿalay weʿal־mamelakhetiy ḥaṭaʾah gedolah maʿasiym ʾasher loʾ־yeʿasu ʿasiyta ʿimadiy׃

10 וַיֹּ֥אמֶר אֲבִימֶ֖לֶךְ אֶל־אַבְרָהָ֑ם מָ֣ה רָאִ֔יתָ כִּ֥י עָשִׂ֖יתָ אֶת־הַדָּבָ֥ר הַזֶּֽה׃ wayoʾmer ʾaviymelekhe ʾel־ʾaveraham mah raʾiyta kiy ʿasiyta ʾet־hadavar hazeh׃

11 וַיֹּ֙אמֶר֙ אַבְרָהָ֔ם כִּ֣י אָמַ֗רְתִּי רַ֚ק אֵין־יִרְאַ֣ת אֱלֹהִ֔ים בַּמָּקֹ֖ום הַזֶּ֑ה וַהֲרָג֖וּנִי עַל־דְּבַ֥ר אִשְׁתִּֽי׃ wayoʾmer ʾaveraham kiy ʾamaretiy raq ʾeyn־yireʾat ʾelohiym bamaqowm hazeh waharaguniy ʿal־devar ʾishetiy׃

12 וְגַם־אָמְנָ֗ה אֲחֹתִ֤י בַת־אָבִי֙ הִ֔וא אַ֖ךְ לֹ֣א בַת־אִמִּ֑י וַתְּהִי־לִ֖י לְאִשָּֽׁה׃ wegam־ʾamenah ʾaḥotiy vat־ʾaviy hiwʾ ʾakhe loʾ vat־ʾimiy watehiy־liy leʾishah׃

13 וַיְהִ֞י כַּאֲשֶׁ֧ר הִתְע֣וּ אֹתִ֗י אֱלֹהִים֮ מִבֵּ֣ית אָבִי֒ וָאֹמַ֣ר לָ֔הּ זֶ֣ה חַסְדֵּ֔ךְ אֲשֶׁ֥ר תַּעֲשִׂ֖י עִמָּדִ֑י אֶ֤ל כָּל־הַמָּקֹום֙ אֲשֶׁ֣ר נָבֹ֣וא שָׁ֔מָּה אִמְרִי־לִ֖י אָחִ֥י הֽוּא׃ wayehiy kaʾasher hiteʿu ʾotiy ʾelohiym mibeyt ʾaviy waʾomar lah zeh ḥasedekhe ʾasher taʿasiy ʿimadiy ʾel kal־hamaqowm ʾasher navowʾ shamah ʾimeriy־liy ʾaḥiy huʾ׃

Note · Genèse 20.8–13

Une justification qui ne résout pas la tromperie

Abraham explique sa peur et le lien familial réel qui l’unit à Sara. Une information partielle peut pourtant servir à cacher la relation décisive. Sa présomption concernant les habitants de Guérar ne suffit pas à rendre juste le risque imposé à Sara et à la maison d’Abimélec.

14 וַיִּקַּ֨ח אֲבִימֶ֜לֶךְ צֹ֣אן וּבָקָ֗ר וַעֲבָדִים֙ וּשְׁפָחֹ֔ת וַיִּתֵּ֖ן לְאַבְרָהָ֑ם וַיָּ֣שֶׁב לֹ֔ו אֵ֖ת שָׂרָ֥ה אִשְׁתֹּֽו׃ wayiqaḥ ʾaviymelekhe tsoʾn uvaqar waʿavadiym ushefaḥot wayiten leʾaveraham wayashev low ʾet sarah ʾishetow׃

15 וַיֹּ֣אמֶר אֲבִימֶ֔לֶךְ הִנֵּ֥ה אַרְצִ֖י לְפָנֶ֑יךָ בַּטֹּ֥וב בְּעֵינֶ֖יךָ שֵֽׁב׃ wayoʾmer ʾaviymelekhe hineh ʾaretsiy lefaneykha baṭowv beʿeyneykha shev׃

16 וּלְשָׂרָ֣ה אָמַ֗ר הִנֵּ֨ה נָתַ֜תִּי אֶ֤לֶף כֶּ֙סֶף֙ לְאָחִ֔יךְ הִנֵּ֤ה הוּא־לָךְ֙ כְּס֣וּת עֵינַ֔יִם לְכֹ֖ל אֲשֶׁ֣ר אִתָּ֑ךְ וְאֵ֥ת כֹּ֖ל וְנֹכָֽחַת׃ ulesarah ʾamar hineh natatiy ʾelef kesef leʾaḥiykhe hineh huʾ־lakhe kesut ʿeynayim lekhol ʾasher ʾitakhe weʾet kol wenokhaḥat׃

17 וַיִּתְפַּלֵּ֥ל אַבְרָהָ֖ם אֶל־הָאֱלֹהִ֑ים וַיִּרְפָּ֨א אֱלֹהִ֜ים אֶת־אֲבִימֶ֧לֶךְ וְאֶת־אִשְׁתֹּ֛ו וְאַמְהֹתָ֖יו וַיֵּלֵֽדוּ׃ wayitepalel ʾaveraham ʾel־haʾelohiym wayirepaʾ ʾelohiym ʾet־ʾaviymelekhe weʾet־ʾishetow weʾamehotayw wayeledu׃

18 כִּֽי־עָצֹ֤ר עָצַר֙ יְהוָ֔ה בְּעַ֥ד כָּל־רֶ֖חֶם לְבֵ֣ית אֲבִימֶ֑לֶךְ עַל־דְּבַ֥ר שָׂרָ֖ה אֵ֥שֶׁת אַבְרָהָֽם׃ ס kiy־ʿatsor ʿatsar yehwah beʿad kal־reḥem leveyt ʾaviymelekhe ʿal־devar sarah ʾeshet ʾaveraham׃ s

Note · Genèse 20.14–18

Restituer et prier

Abimélec restitue Sara et accompagne ce geste de dons ; Abraham prie pour sa maison. Le prophète peut être appelé à intercéder alors même qu’il a besoin d’être repris. Le trouble de la fécondité dans cet épisode ne donne pas une explication générale de l’infertilité ni le droit d’y chercher une faute cachée.